Un mayestru denunció qu'Inspeición Educativa nun-y permite al so centru implantar asturianu n'Infantil, basándose en que la mesma nun ta dientro del Currículu pa esti nivel.El docente del Colexu Públicu Elena Sánchez Tamargo de La Pola Llaviana, recordó que'l propiu Tribunal Superior de Xusticia d'Asturies refugó un recursu del sindicatu Suatea escontra esti currículu por esti asuntu, señalando la resolución que la llingua taba incluyida dientro del conceutu cultura asturiana.
Nel actu d'entrega de los premios lliterarios de l'Academia de la Llingua, Xulio Llaneza Fernández, gallardonáu nel Concursu de Recoyida oral de Léxicu, aprovechó la so intervención pa criticar esta situación. Posteriormente, en declaraciones a Europa Press, confirmó que "un día llegó la direutora esplicando que la inspeutora díxo-y que nun se pue dar al asturianu n'Infantil porque nun ta nel currículu". Según el mayestru, fuere la propia direición del centru la que plantegara la propuesta, defendida por un grupu de profesores. "Tamos dando asturianu con una bona aceutación en primaria, con sobre'l 70% d'alumnos que lu escueyen", desplicó Llaneza. "Pensamos na posibilidá d'entamar n'Infantil, porque tenemos profesores titulaos, con una interina a tiempu completu, y unos cuantos más fixos que tenemos la capacitación", añedió. Confirmó que l'equipu direutivu "yera favoratible a ello, y sabemos qu'hai otros sitios n'Asturies onde yá lo dan". Nesti últimu casu, afirma que la esplicación de la inspeición ye que nesos centros yá se daba asturianu n'infantil enantes del actual currículu, polo que decidió nun quitase l'asignatura. Pal mayestru, la postura de la direición nun tien "nin pies nin cabeza". Recordó asina l'episodiu del recursu del sindicatu Suatea. La organización alegó al Tribunal Superior de Xusticia d'Asturies escontra esti currículu, precisamente por nun incluyir una mención espresa a la Llingua Asturiana, y namái referise a la Cultura Asturiana. El TSXA refugó'l currículu plantegando que la Llingua Asturiana yá ta incluyida dientro del conceutu Cultura Asturiana. "Sicasí, na práutica esto nun s'aplica", protestó'l docente, que considera la situación "una discriminación inxusta".
Llaneza informó que dende'l centru punxeron el casu na conocencia de los sindicatos y que, polo menos Suatea yá ta tratándolu, lo mesmo cola inspeición que cola propia Conseyería d'Educación. La intención del centru yera entamar a impartir llingua asturiana nel próximu cursu 2010-2011.
Fonte: Asturies.com
Ye una muestra más del rechazu que'l nueso gobiernu socialista -apoyau por IXunía que a veages paez querer l'asturianu... pero tampoco lu quier- y el conseyeru d'educación nun se mueve sin permisu de Tini par poder salir n'a foto. Nun tenemos oficialidá aunque podría beneficiar económicamente a Asturies dende Madrid.
ResponderEliminarSi l'asturià no és oficial i, a més, no consta al currículum d'Educació Infantil, doncs malauradament [abegosamente] la inspectora té totes les armes a la mà per a negar que es pugui ensenyar asturià.
ResponderEliminarEl que no pot ser és que els inspectors o funcionaris o policies o metges de la sanitat pública no tinguin l'obligació d'atendre, entendre i parlar asturià.
Nota: tot i ser obligatori, més o menys, el català, tampoc no ens escapem de tenir problemes però el que està clar és que sense oficialitat i lleis que desenvolupin [desendolquen] la llengua, encara és molt pitjor.
Equí teneis una conferencia sobro l'asturianu nel Institutu Cervantes (qu'amás del castellán, tamién da cursos de catalán, vascu y gallegu) pa ver el casu que mos faen:
ResponderEliminarhttp://www.cervantestv.es/lengua_ensenanza/video_conferencia_ramon_de_andres_diaz.htm
Esti Instituto Cervantes ta en Madrid, ¿non?
ResponderEliminarAmás nos rótulos punxieron-y Ramón de Andrés y non Ramón d'Andrés.
¿¿??