El Festival N'Alcordanza enllena de música los llocales de Xixón

• El certame en recuerdu d'Ígor Medio y Carlos Redondo va celebrase'l vienres y el sábadu.

Esti miércoles presentóse nel Café Trisquel la novena edición del Festival N'Alcordanza, que coincide col décimu cabudañu del tráxicu accidente de tráficu que finó cola vida de los dos músicos asturianos en San Xuan cuando diben de Tresona a Catalunya a tocar con Felpeyu. Ruma Barbero, David Cantalejo, Boni Pérez y Rubén Ardura, organizadores del eventu, encargáronse d'ufrir tolos detalles d'un certame col que la música asturiana nun quier dexar nel escaezu la memoria de los mui queríos Medio y Redondo.

Los conciertos d'esta edición son los siguientes:

• Vienres 24 de xunu: ¿Aú? (20 hores, Toma 3) y Medication/2, Black Horde y Lombardi (22 hores, Morrison).
• Sábadu 25 de xunu: El Tamar & Jerónimo Granda (13 hores, Plaza Doze); Herbamora (14.30 hores, Canteli); Tuenda y Felpeyu (16 hores, La Vida Alegre); Les Barbares Barbus y Vrienden (18 hores, Trisquel); Luis Núñez y Los Folgazanes, Fredi FFM y Seesounds (20 hores, El Patio la Favorita); y Keep Karma, Sangrientos, Radio Fox y Blue Dog Avenue (00 hores, Savoy).

Fonte: Asturies.com

Tiana acoyerá’l segundu festival de novela prieta en llingua catalana

Autores de novela negra en catalán como Jordi de Manuel, Salvador Balcells o el valenciano Juli Alandes participarán en la segunda edición del festival de novela negra "Tiana Negra", que se celebrará los próximos 24 y 25 de enero en esta localidad del Maresme. También participarán en el festival los escritores Lluís Bosch, Rafael Vallbona, Marc Moreno, Anna Maria Villalonga y Alex Martín, que debatirán sobre la situación del género y su proyección, según han informado los organizadores del festival. La segunda edición de "Tiana Negra", que se celebra como "pórtico" del ya tradicional festival barcelonés BCNegra, contará como novedad con una conferencia a cargo del forense Miquel Orós, que explicará qué hay de real en el tratamiento literario de los forenses. Además, durante el fin de semana los visitantes podrán asistir a la proyección de un capítulo de "La zona oscura", "La vampiresa de la calle de Ponent" y a la primera gala del premio de Novela Negra Memorial Agustí Vehí, certamen al que optan doce novelas. Según el director del evento, Sebastià Bennassar, en esta edición se quiere "consolidar el festival". "La segunda edición de cualquier festival literario siempre es la más complicada porque se debe fidelizar a toda la gente que apoyó el festival el año pasado y, por otro lado, conseguir público nuevo", ha explicado Bennassar. El festival incluirá la participación de diferentes entidades del municipio, como la asociación de comercios de Tiana, que decorarán los escaparates con motivos "negros", o diferentes establecimientos de restauración, que ofrecerán un "menú negro" durante el fin de semana del festival. Por otra parte, las dos compañías de teatro del pueblo han preparado una lectura de textos dramatizada para cerrar el festival y la biblioteca ha elaborado una guía de lectura con algunas de las novelas negras catalanas más exitosas de los últimos años. El festival del Maresme, que cuenta con la colaboración de diferentes editoriales como Meteora, La Magrana o Edicions 62, tiene el objetivo de consolidarse como referente de la literatura negra catalana. Fonte: La Vanguardia

Asturies gana'l Premiu del Públicu y Bretaña'l del Xuráu nun Liet marcáu pola reivindicación de la oficialidá

DAMIÁN BARREIRO .
La cantante bretona Lleuwen Steffan -orixinaria de Gales- ganó la final del Liet International 2012 col tema tituláu «Ar gouloù bev» («La lluz viva»), nuna gala qu'axuntó a numberosu públicu nel Teatru de Llaboral Ciudá de la Cultura, en Xixón. Amás, Asturiana Mining Company fíxose col Premiu del Públicu nun actu marcáu pola reivindicación de la oficialidá. Asina, los glayíos a coru de «L'asturianu llingua oficial» y unes lletrones que formaben la frase n'inglés «S.O.S. Asturian Language» tuvieron presentes nel eventu al qu'acudió la conseyera d'Educación, Cultura y Deporte, Ana González, y de la directora xeneral de Política Llingüística, Ana Fueyo.


La gran trunfadora de la nueche, Lleuwen, llevó pela primer vez el premiu del xuráu del Liet pa Bretaña. Trátase d'una cantante nacida y criada nel norte de Gales, pero que vive normalmente en Bretaña, onde aprendió a falar y cantar en bretón. Por eso, tien una perbona reputación tanto en Bretaña como en Gales y viaxa davezu ente les dos naciones celtes. Musicalmente, ye complicao etiquetar a Lleuwen y, anque tienen dicho d'ella que tien aires de jazz, a esta cantautora tamién-y presta'l rhythm and blues y el rock.

Per otru llau, l'Asturiana Mining Company fixo que'l premiu del públicu quedara en casa, convirtiéndose nel primer grupu en llingua asturiana que lleva dalgún de los premios d'esti prestixosu festival européu. Parez que «Si nun conoces Val.louta» prestó al públicu que votó per Internet a lo llargo de toa Europa y a la xente qu'enlleno les butaques del Teatru de la Llaboral -onde destacaben, amás de les d'Asturies, les banderes corses-. Y ye que'l grupu lideráu por Michael Lee Wolfe realizó una de les sos actuaciones en directo más potentes, onde resaltó la fuercia de la voz de Berto Varillas.

El resultáu del premiu del xuráu ye'l siguiente: Lleuwen (Bretaña), 87 puntos; Dopu Cena (Córcega) 86 puntos; The Voodoolectric (Frisia Oriental), 76 puntos; Asturiana Mining Company (Asturies), 66 puntos; Brian O hEadhra (Escocia), 64 puntos; Claudia Crabuzza and Claudia Gabriel Sanna (L'Alguer), 64 puntos; Yldau (Frisia), 52 puntos; Enkore (País Vascu), 41 puntos; Ivan B & 4CP (Udmurtia), 35 puntos; Inger Karoline Gaup (sami), 35 puntos; y Jonokognos (Friul), 32 puntos.

Amás, el grupu asturianu Dixebra dio un conciertu nel tiempu que duraron les votaciones del públicu y les deliberaciones del xuráu, conciertu qu'amás fixo llevantase y blincar a tol Teatru de Llaboral. Les consignes del líder de la banda, Xune Elipe, reivindicando los derechos llingüísticos de los asturianos valieron pa que la mayor parte del patiu de butaques glayara al empar «L'asturianu llingua oficial» o «Independencia, Puxa Asturies Dixebrá» nun eventu que se taba retresmitiéndose en directo per televisión y per Internet, con presencia de medios como Al-Jazeera o la televisión pública vasca, qu'amás va emitir el festival el sábadu próximu en diferíu.

Sicasí, Dixebra nun foron los únicos que reivindicaron un meyor marcu llegal pal nuestru idioma: el cantante del grupu vascu Enkore, Xabi Hoo, acabó la so actuación con un «munches gracies» y lleendo les lletres que formaben «S.O.S. Asturian Language» y que portaron dellos activistes llingüísticos dende les butaques del teatru.

L'añu que vien, el Liet International va celebrase en Córcega, anque van tener bien difícil llegar al nivel de la gala entamada pol Gobiernu d'Asturies, onde músicos, organización, públicu y el mesmu equipu que retresmitió la gala per TPA conxugáronse a la perfeición pa facer la que posiblemente foi, dexando a un llau lo musical, la meyor edición del festival de la canción nes llingües minoritaries europees.

Fonte: Les Noticies

El Liet international va trayer a Xixón la música en llingües minorizaes de toa Europa

L'Asturiana Mining Company va representar a Asturies.

La Conseyería d'Educación, Cultura y Deporte, al traviés de la Dirección Xeneral de Política Llingüística, entama'l Festival Liet International 2012, un eventu musical internacional nel que compiten once grupos que canten na llingua de la minoría llingüística europea a la que pertenecen y que llega per primer vegada a Asturies y na Península na so décima edición. Esti festival, consideráu l'Eurovisión de les llingües minorizaes, va celebrase'l próximu 1 d'avientu, a les 21.30 hores, nel Teatru de la Llaboral, en Xixón. La entrada ye llibre hasta completar l'aforu previa retirada d'invitaciones en La Llaboral y nel Centru Niemeyer.

Ta acabante estrenase una páxina web dedicada al eventu, onde se da información de los grupos participantes, amás d'otres cuestiones, n'asturianu, castellán ya inglés.

Más información: Páxina web del festival


Fonte: Asturnews

Festival Europeu del Cantar en Llingües Minoritaries (Liet International)

L'1 d'avientu 2012

Este año Xixón será sede del "Eurovisión" de lenguas minoritarias. La ciudad acogerá el próximo mes de diciembre el Festival Liet Internacional, que se celebrará en Laboral Ciudad de la Cultura y que cuenta con el patrocinio del Consejo de Europa, en su empeño por la promoción de canciones en lenguas minoritarias.
Será la décima edición en Asturies del Festival Liet, según se anunció en la presentación de los grupos finalistas al "Meyor cantar", cuyo ganador representará internacionalmente al Principado en el Festival de la Canción en Lenguas Minoritarias.Los cinco grupos finalistas en la presente edición son el turonés Alfredo González, con el tema «Felina bipolar»; «Asturiana Mining Company», que presenta «Si nun conoces Val.louta»; «Bacotexo», que explora el terreno de la música gallego-asturiana y llega a la final con «Campos de Meiz»; «Macadamia» que participa con «L'altanera», y la formación de Trubia «Xera», que concursa con el tema «Yo quixera...», incluido en un disco homenaje a Mánfer de la Llera.La gala final, que incluye la interpretación de los cinco temas seleccionados, comenzará a las 19:00 h. el próximo 25 de febrero en el teatro de la Laboral y será retransmitida por la RTPA. Una vez conocido el ganador, que será también el representante de Asturies en el Festival Liet, cerrará el espectáculo «Skama la Rede», grupo ganador del «Premiu al meyor cantar» de la edición anterior.El "Premiu al meyor cantar" surge del mandato de la ley de Uso y Promoción del Asturiano para apoyar la música autóctona en el año 2007 y es una muestra de reconocimiento del Gobierno del Principado a la creación musical en llingua asturiana o gallego-asturiano.

Fonte: gijón.info

Obliguen a Radio Sele a pesllar la so emisión pel FM

A les 10 hores d’esti martes, Radio Sele cortó la so emisión pel FM por decisión del xefe nuevu de Telecomunicaciones n’Asturies –dependiente del ministeriu–, José Antonio Díez Menéndez. Agora namái va poder sentise per Internet.

La xente que, como toles mañanes, prendió la radio pa sentir la única cadena que dende hai 25 años emite en llingua asturiana llevóse la sorpresa desagradable de nun atopar a Radio Sele nel 106.1 FM. La razón, la decisión de Díez Menéndez de nun dexar emitir más a esta radio comunitaria col añadíu d’involucrar a la comunidá de vecinos onde la emisora tien colocada l’antena. “El domingu vinieron el presidente y secretariu de la comunidá asustaos porque llegó-yos una carta que dicía que teníen una antena illegal y que, de non quitala, podíen llegar a recibir una multa d’hasta 500.000 euros”, rellata Xuan Xosé Mariño, direutor de Radio Sele, que diz nun entender por qué dende la delegación d’Asturies del Ministeriu d’Industria, Turismu y Comerciu “nun se punxeron en contautu de forma direuta con nós cuando tienen los nuesos datos y el responsable anterior llamónos en delles ocasiones, como cuando tuvimos que cambiar del dial pola frecuencia de la RTPA nel 106.5”.

Pa tratar de solucionar esti asuntu, Mariño dirixóse ayeri a la xefatura de Telecomunicaciones d’Asturies, asitiada na cai uvieína de Campumanes, onde Díez Menéndez comunicó-y que debía de zarrar la emisora darréu, ensin la posibilidá de llegar a un alcuerdu. “Gerardo Calzón, l’anterior responsable, que xubilóse hai poco, yera una persona cola que se podía tratar, pero col responsable nuevu nun hubo manera de dialogar”, señaló Mariño. L’argumentu de Díez Menéndez ye que va zarrar toles emisores comunitaries qu’emiten ensin llicencia. Nesi sen, el direutor de Radio Sele recuerda que la cadena algamóla nel 1999, pero que foi retirada pol Gobiernu d’Álvarez-Areces pa dala a Punto Radio, “una cadena que dexó d’emitir dende Asturies el pasáu día 21 y que tola so emisión faila agora dende Madrid”.

“Con esta decisión del ministeriu quedámonos ensin poder sentir na radio una canción fecha n’Asturies o falar asturianu”, llamenta Mariño, que, sicasí, recuerda que les emisiones van siguir per Internet. Esti vienres, les persones que formen parte de la familia de Radio Sele van aconceyase a les 19 hores pa decidir qué midíes tomar y posibles movilizaciones pa denunciar “esti atentáu nuevu a esta emisora n’asturianu”.

Fonte: Asturies.com

Radio Sele. Promo Festival Liet 2011

Retresmisión en direutu del Festival de Llingües Minorizaes Liet-Internacional 2011.

http://www.radiosele.net/webmpc/index.php?opcion=1&subopcion=0&op_actual=1&sub_actual=0

http://www.liet.nl/en/internationaal/

Información apurrida por Manuel

N'AST reconoz l'ésitu de "Xixón fala n'asturianu" pero pide "braera normalidá" pa la llingua asturiana

N’Ast amosó al traviés d’un comunicáu la so satisfaición pol ésitu del festival musical ‘Xixón fala n’asturianu’, entamáu pola Conceyalía de Cultura Tradicional del conceyu, cola collaboración de la Oficina de la Llingua, pero considera qu’esta triba d’actos “nun puen xustificar la falta d’una planificación, pública y asumida pol consistoriu xixonés, que garantice la normalización llingüística nel conceyu”, entamando, recuerden “pol respetu a los asturfalantes y que siga pola potenciación y deprendimientu de la nuesa llingua, énte’l conxuntu de la población xixonesa, con especial enfotu nel coleutivu inmigrante que s’afaya desatendíu dafechu nesi aspeutu”.

N’Ast ve con esmolecimientu como “mientres se faen cellebraciones como la enantes mencionada, sigue ensin dase una situación de normalidá democrática en materia llingüística, tanto no que cinca a la toponimia, qu’en munchos casos nun respeta la propia normativa municipal, como en cuantes a garantizar l’acesu a la documentación y la información n’asturianu, nin munchu menos exercer el llexítimu drechu a caltener la comunicación col Ayuntamientu en llingua asturiana”.

Nesti sen, encamienta a la Oficina de política llingüística, a la Conseyería de Cultura Tradicional, y a tolos partíos con responsabilidaes municipales, “a tomar en serio la cuestión llingüística, y aplicar midíes práutiques que valgan pa garantizar los drechos llingüísticos de los xixoneses y aíden a normalizar la nuesa llingua en Xixón”.

Fonte: Asturnews

Xera queda segunda nel Liet International 2010

Esti sábadu pasáu cellebrábase na llocalidá bretona d’An Oriant el Festival de Llingües Minorizaes Liet-Internacional, que cuntaba cola presencia del grupu asturianu Xera. El so cantar “Tierra” quedó en segundu llugar, per detrás del grupu d’Islles Feroes “Orka”, que con “Rumdardrongurin” consiguió’l favor del xuráu, llevando’l premiu del públicu los friulanos “Resistence in Dub”.

El grupu asturianu fízose col 27% de los votos del públicu, que podíen votar al traviés d’internet. Dende la llocalidá bretona, los miembros del grupu mostráronse “encantexaos” cola participación nel Festival y dieron les gracies “por tol sofitu de la xente que mos quier y que siente y sofita que tol esfuerciu merez la pena”.

Asturies lleva cuatro años participando nel Festival Liet International, cola presencia de Dixebra, Alfredo González, Herbamora y Xera, y tendrá una oportunidá más pa facese cola victoria’l 19 de payares del 2011 nel Teatru Giovanni d'Udine, n'Italia. En 2012 ta previsto que’l festival se cellebre n’Asturies.

Fonte: Asturnews

VII Festival de Llingües Minorizaes Liet-International

EL SÁBADU 27 DE PAYARES, EL FESTIVAL DE LLINGUES MINORIZAES LIET-INTERNACIONAL, EN RADIO SELE

Radio sele va desplazar un equipu de reporteres a la llocalidá bretona de An Oriant, onde se va cellebrar la VII edición del Festival de Llingues Minorizaes Liet-Internacional y que cuntará cola presencia del grupu XERA, que defenderá la opción de la llingua asturiana p'algamar el primer puestu de dichu festival. Enantes de la conexón en direutu, programaremos un especial dedicáu al proyeutu XERA, grabáu na so casa de S. Andres, onde mos pondran al tantu de cómo se preparen pa viaxar a tierres bretones.

LA TARDE/NUECHE DEL SÁBADU 27 DE PAYARES, NUN TE SEPARTES DE RADIO SELE, QUE DENDE AN ORIANT, RETRANSMITIRASE EN DIREUTU LA VII EDICIÓN DEL FESTIVAL DE LLINGÜES MINORIZAES LIET-INTERNACIONAL

http://www.liet.nl/frysk/ http://www.radiosele.net/webmpc/index.php?opcion=1&subopcion=0&op_actual=1&sub_actual=0

Fonte: Radio Sele

Xera va representar al asturianu nel Liet Internacional

El grupu Xera va representar a la llingua asturiana nel festival Liet Internacional.

El grupu de folk lletrónicu Xera va dir en representación de la llingua asturiana al festival Liet Internacional, dedicáu a la canción nos idiomes minorizaos d’Europa. L’asturianu va ser ún de los protagonistes de la edición númberu nueve d’esti alcuentru musical. Xunto a Xera (ganador del Premiu al Meyor Cantar n’Asturianu 2010 col tema «Tierra») van tar el grupu frisón Equal Souls y la cantante sami Pia Maria Holmgren. Esti añu’l festival va cellebrase na ciudá bretona de Lorient, el día 27 de payares.

Amás d’un representante bretón (tovía por conocer) van participar tamién los ganadores del Festival Suns, cellebráu na ciudá friulana d’Udine (norte d’Italia): el cantante corsu Stephane Casalta y el grupu friulanu R.Esistence in Dub. Los otros cinco participantes van ser escoyíos ente les candidatures unviaes a la dirección del Liet por dellos grupos y artistes de toa Europa.

El Festival Internacional Liet 2010 va conceder dos gallardones: ún del xuráu, formáu por representantes de cada llingua participante, y otru del públicu, colos votos unviaos por mensaxes de testu, sms o Internet.

Ésta va ser la tercer vegada que l’asturianu tea presente nesi alcuentru musical de les llingües minorizaes europees. La primera foi nel añu 2008 col grupu Dixebra, que llogró’l segundu puestu, y la segunda, nel 2009, col cantautor Alfredo González, que quedó nel novenu puestu.

Fonte: Estaya d'asturianu

Asturies acoyerá nel 2012 el Liet International

La Conseyería de Cultura robló un alcuerdu cola Fundación Liet International pa qu’Asturies acueya’l Festival Européu de la Canción en Llingües Minoritaries del añu 2012. D’esta forma, el nuesu país va albergar per primer vegada esti festival qu’esti añu va tener como sé Inverness (Escocia). El grupu de folk-lletrónicu Xera va ser el representante asturianu na edición del 2010 col tema ‘Tierra’.

Dixebra foi’l primer grupu en participar nesti festival que vien a ser un ‘Eurovisión’, con artistes de calidá y non productos prefabricaos, nel que tienen cabida les llingües minoritaries d’Europa, como’l frisón, el corsu, el bretón o el gallegu, ente otres munches. L’añu pasáu instauróse que’l ganador del Premiu al Meyor Cantar n’Asturianu fuera’l representante del país nesti festival, lo que permitió a Alfredo González defender en Leeuwarden (Frisia) el so tema ‘La nada y tu’.

Fonte: Infoasturies

Ier Festival del Llibru Infantil y Xuvenil

El martes 13 d'ochobre a les 12:00 hores va presentase na sede de la Conseyería de Cultura y Turismu del Principáu d'Asturies el Ier Festival del Llibru Infantil y Xuvenil.

Esta primer edición del Festival, organizada pola Conseyería de Cultura y Turismu en collaboración cola Mancomunidá de la Comarca de la Sidra y el Gremiu d'Editores d'Asturies, va desendolcase en Villaviciosa del 15 al 18 d'ochobre y con él guétase que los neños y neñes y les sos families puean averase al mundiu de la lliteratura infantil y xuvenil pero tamién que los profesionales del seutor tengan a la so dimposición un panorama del estáu actual de la lliteratura fecha n'Asturies pa la xente mozo.

Va haber esposiciones, presentaciones de llibros, talleres y actuaciones músicales (ente elles les de Tejedor y Alfredo González), too ello na carpa asitiada na plaza Obdulio Fernández Pando, al par del teatru Riera.