8/12/11

TPA tien d’emisión media un 4% n'asturianu


DAMIÁN BARREIRO. UVIÉU -
Programación n'asturianu
Según un estudiu ellaboráu por Kantar Media pa RTPA nel 2010 y al que tuvo accesu LES NOTICIES, el porcentaxe nel nuesu idioma na televisión autonómica queda ente los conteníos con menos presencia, namás perriba de les gales (0,95%), la música (0,85%) y mui averada de la publicidá (2,36%). Ye más: nos cuatro primeros años d’emisión, la canal pública emitió más hores de continuidá (4,62%) –normalmente autopromociones– que conteníos realizaos n’asturianu.

Dende’l 31 de marzu del 2007, fecha na que se estrenaron Camín de Cantares, Nós y Pieces, l’audiencia media d’estos espacios tuvo siempres un puntu perriba de la de la canal. Mesmamente, según los datos referíos a la primer metada del 2010, col apagón analóxicu y l’apaición de cadenes nueves de TDT, la media de TPA baxó de 7,6% al 7%, mentes que los programes n’asturianu perdieron namás dos décimes y quedaron nel 8,6%. Per otru llau, el númberu de persones que sigue la programación nel nuesu idioma pasó de 15.000 persones nel 2007 a 70.000 nos seis primeros meses del 2010, colo qu’en tres años l’audiencia medró un 54%. Sicasí, dende’l 2007, estos espacios ampliaron el porcentaxe d’emisión al rodiu del 1%.

A pesar de los resultaos d’audiencia, l’horariu y la temática de los espacios faen qu’esta programación nun llegue al públicu más mozu. Asina, los espacios más vistos n’asturianu, Sones y Camín de Cantares –los dos rellacionaos cola música tradicional–, coneuten cola audiencia mayor de 65 años; Nós tien una audiencia media formada por muyeres d’ente 54 y 65 años; Pieces venlo sobremanera muyeres de más de 45 años y homes d’ente 35 y 44; mentes qu’Al Aldu y Mirasturies, emitíos en díes llaborales a les nueve de la mañana, lleguen a muyeres de más de 45 años que trabayen en casa.

Fonte: Les Noticies

3 comentarios:

  1. A més de la quantitat d'hores que s'emeten en asturià, l'estudi també hauria de detallar les franges horàries en què s'emeten aquests programes.

    Que un programa a les 9 del matí el mirin dones de més de 45 anys que treballen a casa és ben normal (desgraciadament encara és normal).

    ResponderEliminar
  2. Esta noticia esta perbién ponela y aunque me desvie un pocu de la noticia voy dar la mio opinión sobre la polémica sobre la rtpa.
    Paez ser qu'hai un sector de políticos n'Asturies qu'intenten desmantelar esti mediu de comunicación aludiendo un espilfarru na so xestión como si eso nun pudiera solucionase con una bona xestión ensin pieslle pero volvemos otra vegada al lema últimamente acuñáu n'Asturies de funciona mal pos se pieslla. Lo que mas me sorprende ye que dellos supuestos círculos asturianistes inténtese sofitar el so pieslle porque ye un chiringu d'Areces, volviendo otra vegada a lo mesmo como si eso nun pudiera camudase. Pa la mio opinión quien quiera la presencia del Asturianu y la cultura Asturiana nos medios de comunicación ensin cortapisas, nin esperando voluntaes polítiques, honesta y verdaderamente comprometida pasa por tener un rtpa publica y democrática y por supuesto con una bona xestion y apropiada.

    ResponderEliminar

Los comentarios tán pendientes de moderación. Espublizaránse lo primero dable.