La espublización oficial de l’Academia de la Llingua Asturiana, Lletres Asturies, ta acabante d’asoleyar el so númberu 103. Nél, recuéyense dellos testos rellacionaos cola llingua y cultura asturiana.
Con un entamu dedicáu a la Universidá Asturiana de Branu (UABRA), la entrega númberu 103 de Lletres Asturianes compila testos que xiren al rodiu la fala d’El Rebollar (Salamanca), o l’estáu llingüísticu de Senabria y La Carbayeda a entamos del sieglu XX.
Autores como Xosé Lluis García Arias, David García López o Ángel Iglesias Ovejero escriben nesta espublización. Amás, tamién hai testos rellacionaos cola cultura y hestoria del país como’l de “Claves etnollingüístiques pa entender la Medicina Popular Asturiana” o “Apuntes pa una Historia de la Lliteratura Infantil y Xuvenil n’asturianu”.
Fonte: Asturies.com
No hay comentarios:
Publicar un comentario
Los comentarios tán pendientes de moderación. Espublizaránse lo primero dable.