2/12/10

Cultura amenorga'l 6’3% el presupuestu de política llingüística


El Presupuestu de la Conseyería de Cultura del Principáu d’Asturies pal añu 2011 va suponer una baxada d’un 13’85% en rellación al añu anterior. Dientro d’él la partida pa política llingüística va reducise un 6’3%.

La conseyería va destinar 2.810.569 euros a la política llingüística, cifra que baxa dende los trés millones de les anteriores cuentes. Caltiénse sicasí la cuantía de 230.000 euros pa l'Academia de la Llingua Asturiana. Los Servicios de Normalización van tener un presupuestu total de 931.109 euros.
Asina lo anunció la conseyera del ramu, Mercedes Fernández, que detalló en rueda prensa les cuentes. Ascienden a un total de 101,5 millones d'euros, de los que 34 millones van destinase a la promoción cultura, archivos y biblioteques (38,6 nel presente exerciciu) y 15,6 millones a la promoción turística.

Niemeyer y Tito Bustillo
Per otru llau, la Conseyería de Cultura afirmó que va abrir esti añu les instalaciones del Centru Oscar Niemeyer d'Avilés, pesia baxar un 13,85%. La partida destinada a esti centru cultural, la de mayor cuantía de les cuentes, va ser de 12,6 millones, que va facer posible l'acabación y disposición de toles instalaciones. La responsable autonómica calcó na inversión destinada al centru Oscar Niemeyer, que "va permitir disponer nos próximos meses de la totalidá de los edificios y instalaciones terminaos, pa siguir dende ellos el llabor de programación, producción, coproducción y presencia internacional d'Asturies, que la Fundación responsable del mesmu vien realizando dende hai cuatro años". Otru centru que se prevé abra les sos puertes esti añu va ser el d'interpretación de la cueva de Tito Bustillo, con 2.780.000 euros, que se sumen a los 4,3 aportaos nel exerciciu anterior. Nel mesmu apartáu, otros cuatro millones d'euros van destinar a l'ampliación del muséu de Belles Artes. TurismuAmás, destacó tamién l'aumentu de la partida a la promoción turística nun 7,4%, pasando a ser de 15,6 millones. Nesti puntu, calcó na inversión en productos turísticos como'l Club de Productu de Reserves de la Biosfera o'l Plan de competitividá de Turismu Gastronómicu, amás de la campaña 'Asturias lo dice todo el mundo'. Dientro del apartáu patrimonial, la conseyera señaló los 14,6 millones destinaos a la proteición o rehabilitación de monumentos como la ilesia de Santibanes, n'Ayer, la cubierta del Monesteriu de San Pelayu, n'Uviéu, o la espropiación del Monesteriu de Vilanova d'Ozcos, amás d'otros 910.000 pal caltenimientu y meyora estructural del prerrománicu.
Premios Príncipe caltién la partida
Mercedes Fernández destacó'l caltenimientu de les partíes pa entidaes como la Fundación de los Premios Príncipe d'Asturies, el Real Institutu d'Estudios Asturianos (Ridea), 'Asociación d'Amigos de la Ópera d'Uviéu, y el Festival Internacional de Cine de Xixón.

Fonte: Asturies.com

3 comentarios:

  1. Paez ser que vuelven los tiempos feudales onde solo podian estudiar y acceder a la cultura los fíos de el señores o meyor dichu los ricos.
    Y paez tambien que la educacion y la cultura que nos van a imponer va ser la de siempre y la cultura tradicional, llingua etc que daran amenorgaes al ambito del pueblu y la casa d'unu.

    ResponderEliminar
  2. un ultraboy facista na organización Festival Cine Xixón5 de diciembre de 2010, 16:59

    sí, pa los sacaperres premios principiegos(asina conocénnos)y pa los españolazos antiasturianos del RIDEA nun baxen les partíes.

    ResponderEliminar
  3. Paez que'l gobiernu asturianu tién perres pa too menos pa l'asturianu y pala oficialidá, ¿verémoslu dafechu col prósimu cambiu nes urnes?

    ResponderEliminar

Los comentarios tán pendientes de moderación. Espublizaránse lo primero dable.