ELEN quier afitar un estándar llegal pa los drechos llingüísticos

La Rede Europea d’Igualdá Llingüística (ELEN) celebró la so Xunta Xeneral añal d'esti ochobre p’afitar un nuevu estándar llegal pa los drechos llingüísticos

Entamada pol Conseyu d’Aromunes, con delegaos en representación de los falantes de llingües minorizaes d’Europa, la Xunta celebrose en Bucaresti, Rumanía, p’aldericar munches de les cuestiones vitales qu’afeuten a los sos idiomes y del llabor d’ELEN nel ámbitu llocal, nacional ya internacional.

El Presidente del Conseyu d’Aromunes, Nicolas Caracota, dixo acabante la xunta que “unu de los oxetivos de l’Asamblea Xeneral d’ELEN foi tratar la situación de los aromunes, enfrentaos a numberosos retos en dellos estaos de la XE, incluyendo la non reconocencia per parte Rumanía y la falta xeneralizada de provisión d’una escolarización aromuna y de medios na so fala. Organizaciones aromunes presentes en Rumanía, Serbia, Macedonia, Bulgaria, Albania y Grecia taben bien representaes y contribuyeron dafechu al alderique”.

Ente les presentaciones incluyóse un proyeutu de Protocolu de Llingües, llideráu polos miembros vascos (Paul Bilbao, Kontseilua), p’afitar un nuevu estándar llegal pa los drechos llingüísticos, el recién informe d’ELEN presentáu na ONX sobre discriminación llingüística nel Estáu español y la considerancia de la discriminación llingüística como una forma de racismu (Ferran Suay, Acció Cultural del País Valencià, Plataforma per la Llengua, Omnium Cultural, Obra Cultural Balear) y el papel d’ELEN nel Conseyu d’Europa, el Parllamentu Européu y la Comisión Europea (Davyth Hicks, Eurolang / Kowethas Un Yeth Kernewek).

Otros discutinios centráronse nes prósimes múltiples manifestaciones en defensa d’un estatus llegal d’igualdá pal bretón, l’occitanu, l’alsacianu, el corsu, el vascu y el catalán nel Estáu francés el 24 d’ochobre (Tangi Louarn, Kevre Breizh, Alexis Quentin, Institut d’Estudis Occitans, Parlemu Corsu, La Bressola), el drechu a la educación media en gaélicu (Domhnall MacNeill, Commun na Gàidhlig), la promoción del irlandés (Ciarán Mac Giolla Bhein, Lliga Gaélica) y el galés (Robin Farrar, Cymdeithas yr Iaith Gymraeg), la promoción del húngaru en Rumanía y Eslovaquia (Krisztina Sandor, Erdélyi Magyar Nemzeti Tanács), y el Proyeutu de Diversidá Llingüística Dixital d’ELEN, financiáu pola XE y que tien como oxetivu aumentar la cantidá de conteníu dixital nes redes en llingües minorizaes y en peligru d’estinción (Claudia Soria, Consiglio Nazional delle Ricerche -ILC).

La Xunta Xeneral tamién esaminó los últimos acontecimientos en Galicia (Marcos Maceira, Paulo Filqueiras, A Mesa pola Normalización Lingüística) y Asturies (Xosé B. Álvarez, Iniciativa pol Asturianu) y encetóse la situación política y llingüística autual en Cataluña per parte CIEMEN (María Arenys).

La Xunta Xeneral tamién votó delles cuestiones clave. De primeres, la espublización d’una declaración pidiendo’l sofitu y la reconocencia oficial de la llingua aromuna y la so rápida ratificación na Carta Europea de Llingües Rexonales y Minoritaries (ECRML) en dellos estaos del sureste européu.

La segunda, una declaración pidiendo al Estáu francés “reconocer llegalmente les distintes llingües y cultures de la República Francesa, y da-yos los medios pa esistir y desenvolvese cola fin de siguir construyendo una Europa verdaderamente democrática en sofitu de los valores sobre los qu’Europa y Francia declárense fundaes.” Tolos miembros d’ELEN tuvieron d’alcuerdu n’ayudar a sofitar les manifestaciones el 24 d’ochobre en Bretaña, Occitania, Alsacia, Córcega y el País Vascu pola reconocencia oficial y la llexislación de les llingües rexonales” nel territoriu francés. (ver http://www.deompdei.org/ y http://www.anem-oc.org/)

 ELEN tamién adoptó la propuesta de Cymdeithas yr Iaith Gymraeg por una campaña europea p’aumentar el financiamientu de les llingües rexonales o minoritaries nes emisiones del seutor públicu.

 Amás, alcordóse qu’el llema “Euskaraz bizi nahi dut / Dwi eisiau byw yn Gymraeg / Saol tri ghaeilge atá uainn” (Quiero vivir en vascu, galés, gaélicu, etc.) sedría tornáu a toles llingües europees minorizaes y en peligru d’estinción pa una campaña a escala europea.

 Tres la xunta, los delegaos d’ELEN pudieron esfrutar de la hospitalidá aromuna con música folclórica y bailles tradicionales, amás de gastronomía tradicional.

 ELEN ye una ONG internacional que trabaya pa la promoción, proteición y revitalización de les llingües europees minorizaes y en peligru d’estinción. Representa a 44 comunidaes llingüístiques en 18 estaos europeos.

Fonte: Asturnews

La FSA da-y la razón a la XDLA

La FSA-PSOE argumentó l’autonomía del ente públicu de comunicación pa refugar nel plan de Dignificación presentáu por IX porcentaxe dengún de programación n’asturianu en TPA y RPA y dio-y la razón a la XDLA: hai falta d’un director comprometíu col asturianu.

L’ausencia única de los porcentaxes d’emisión na RTPA que pidía IX nel Plan de Dignificación de la Llingua astutirana ye bien significativa de que la demanda de la Xunta pola Defensa de la Llinguafecha esta selmana pasada ye dafechamente la exa del problema. La propuesta d’IX cuantificaba nun 30 por cientu de la programación de la TPA en toles sos franxes horaries y en too tipu de conteníos, la emisión n’asturianu d’un 50 por cientu de la programación de la RPA y l’apaición de la Web por defeutu n’asturianu dafechu, ensin perxuiciu de que tamién pueda consultar la so versión en castellanu.

Nuna nota de prensa asoleyada’l xueves 16, conocedores de que vieno acabante empezar la recta final pa la designación del direutor xeneral de RTPA, la Xunta pola Defensa de la Llingua Asturiana (XDLA) destacaba “los resultaos d’audiencia escelentes del programa n’asturianu L’Alzada, estrenáu’l martes 13 d’ochobre y que llegó a doblar la media d’audiencia de la cadena”, que nun llega al 6% munches vegaes, quedando perbaxo de Cuatro y LaSexta. Estos resultaos muestren “la necesidá d’un cambiu al frente de la dirección de la radiotelevisión pública, porque nestos años pudimos ver que mentes l’equipu de dirección va per un llau, la sociedá asturiana -que tien apegu al so territoriu y a la so cultura- va per otru”.

Por too esto, la XDLA recordaba a los grupos parllamentarios que “ye imprescindible cuntar con un direutor xeneral comprometíu cola cultura asturiana y que nun se niegue a desarrollar la llexislación vixente -Estatutu, Llei d’Usu y Llei de RTPA, testos que reconocen el papel de la radiotelevisión pública nel procesu de recuperación del patrimoniu llingüísticu del país-. Hasta’l momentu vimos una directiva que nun quixo normalizar l’usu del idioma na programación y que namás lu arrequexó pa los usos humorísticos y diglósicos, ensin nengún procuru pa cola so correición y calidá.

Cola so decisión y desixencia pa sofitar el Plan de Dignficación d’Izquierda Xunida, la FSA daba-y dafechu la razón un día depués a la XDLA. Fonte: Asturnews

Más de 120 persones apuntáronse a los cursos d'asturianu d'Iniciativa

La inauguración oficial celébrase en Xixón.

Va ser esta tarde, a les 19 hores, nel Conseyu de la Mocedá de Xixón, sede onde Iniciativa pol Asturianu entama los sos cursos en Xixón. Xunto al d'esta ciudá, tamién va haber clases d'asturianu n'Uviéu, Sotrondio y Ribeseya, y de gallego-asturiano n'Ibias, amás de la xente qu'opta por facer el cursu a distancia, sumando más de 120 alumnos en total. Ente los qu'escueyen la ferramienta Moodle pa poder deprender asturianu dende'l so llar hai xente d'Italia, Estaos Xuníos, México, Inglaterra, Euskadi, Catalunya, Madrid, Illles Balears o La Rioja, la mayor parte asturianos emigraos o fíos d'emigrantes, anque tamién hai persones ayenes al país que quieren averase al nuesu idioma.

Na inauguración van participar, xunto a los alumnos, Fonsu Martín, profesor en Xixón, y Inaciu Galán, presidente d’Iniciativa pol Asturianu y coordinador de los cursos. A lo llargo de la selmana van celebrase otros actos n’Uviéu y Sotrondio, colos alumnos de los respectivos conceyos.

"Iniciativa pol Asturianu valora mui positivamente esta esperiencia que tuvo una perbona acoyida, con más 120 matriculaos nesta primer esperiencia convocando cursos nun ambiciosu plan formativu a lo llargo de toa Asturies. Yera la primer vegada qu’Iniciativa pol Asturianu convocaba cursos d’asturianu en más de 14 conceyos al mesmu tiempu y el resultáu foi mui positivu, triplicando la matriculación a les anteriores convocatories, cuando namás se ficieron cursos en Xixón", apunten dende la organización.       Fonte: asturies.com

Les viñetes d'Efrén d'Andrés

Asturianu zarráu, 19 d'ochobre del 2015

"Asturianu zarráu"

                                                                                                                      Fonte: asturies.com

L'inglés ataya, invade, y cólase na nuesa llingua asturiana y la nuesa vida.

Los porcentaxes na RTPA quedaron fuera del alcuerdu del plan de dignificación de la llingua

por Pablo R. Guardado

La FSA-PSOE argumentó l’autonomía del ente públicu de comunicación pa refugar la propuesta d’IX. La coalición pidía un 30 por cientu de programación n’asturianu en TPA y un informativu, y un 50 por cientu na RPA.

Los proposición non de llei d’Izquierda Xunida (IX) foi la base final del documentu qu’alcordaron FSA-PSOE, Podemos, Foro y la formación de Gaspar Llamazares, tres la presentación de delles enmiendes, y que s’aprobó ayeri na Xunta Xeneral colos votos en contra del PP y l’astención de Ciudadanos. Ésti insta al Conseyu de Gobiernu “a aprobar, enantes del final del periodu de sesiones próximu, un plan de dignificación y normalización de la llingua asturiana, que contenga un conxuntu d’aiciones urxentes col oxetivu d’algamar la so dignificación sociollingüística, la so proteición y el so puxu, con suficiente dotación presupuestaria pa cumplir tolos oxetivos, y nel que s’especifique la entidá responsable de la so execución, la previsión del costu de caúna de les aiciones, la so temporalización y los criterios pa la so evaluación”.

Del documentu orixinal l’ausencia única son los porcentaxes d’emisión na RTPA que pidía IX. “Emisión n’asturianu d’un 30 por cientu de la programación de la TPA en toles sos franxes horaries y en too tipu de conteníos, lo qu’incluyiría la emisión d’un informativu (el de la tarde o’l de la nueche) n’asturianu dafechu asina como la so utilización na programación infantil, programes deportivos, magazines, etc. El gallego-asturiano ha de tener el so espaciu proporcional nestos medios”, rezaba no que se refería a la televisión, mentes que pa la radio demandaba “la emisión n’asturianu d’un 50 por cientu de la programación de la RPA en toles sos franxes horaries y en too tipu de conteníos”. Pa la web del ente públicu de comunicación señala que ésta “ha d’aparecer por defeutu n’asturianu dafechu, ensin perxuiciu de que tamién pueda consultar la so versión en castellanu”.

Finalmente, el plan de dignificación de la llingua asturiana aprobáu ayeri queda reducíu a “puxar pola ampliación de la emisión d’espacios n’asturianu na programación de la RTPA, d’alcuerdu colos criterios de planificación y programación establecíos polos órganos rectores de la empresa pública RTPA”. Esta modificación nel documentu final vieno pol refugu de la FSA-PSOE, col argumentu de querer defender la autonomía de la direición del ente públicu de comunicación, que se va anovar próximamente.

Incorporaciones del restu de grupos

El restu de grupos parllamentarios incorporaron al documentu propuestes propies:  introducción del asturianu nel currículu d’Infantil; aprobar un reglamentu pa desarrollar la Llei d’Usu y Promoción del Bable/Asturianu y facer cumplir ésta a les alministraciones llocales; potenciar la capacidá de la direición xeneral encargada de la política llingüística; fomentar la industria cultural en llingua asturiana; fomentar la investigación científica; facilitar el conocimientu del idioma a los emplegaos públicos y a la población adulta en xeneral; y resaltar el valor de la llingua asturiana como marca identificativa d’Asturies y factor de la so promoción cultural y turística. Amás, incorporóse la demanda de Podemos de facer un tercer estudiu sociollingüísticu, que cuntaría cola collaboración de la Universidá d’Uviéu y que debería servir pa la ellaboración, xunto “coles organizaciones y axentes sociales más representatives del ámbitu llingüísticu”, del II Plan para la Normalización Social del Asturianu.

Fonte: Asturies.com

Giménez Bartlett gana'l Planeta con una obra sobre prostitución masculina

El cineasta Daniel Sánchez Arévalo queda finalista con 'La isla de Alice', su primera novela para adultos

• Planeta ratifica que el grupo se irá de Cataluña si gana el independentismo

La escritora albaceteña y barcelonesa d'adopción, Alicia Giménez Barlett, recibe'l Premiu Planeta 2015

    Va tiempu que los estrategues del Premio Planeta tienen el perfil delticket ganador susceptible d'atraer a más llectores: un escritor valoráu no lliterario y un finalista venceyáu al mundu audiovisual o de reconocencia más mediática; que la temática sía susceptible de xenerar ciertu discutiniu social y, sinergias manden, que yá tean, a poder ser, na casa. Casi toos esos requisitos cumplieron ayeri na 64ª edición del premiu de novela. Alicia Giménez Bartlett, reconocida pola so serie de la inspectora Petra Delicáu, pero con notable vida lliteraria fuera del xéneru negru, llogró los 601.000 euros del galardón por Hombres desnudos, hestoria de la relación fatal d'una pareya surdida na redolada de la prostitución masculina. El finalista ye'l cineasta Daniel Sánchez Arévalo (Azuloscurocasinegro, Primos) con La isla de Alice, onde una muyer intenta reconstruyir la misteriosa muerte del so maríu, narración que-y reporta 150.250 euros.

   L'ésitu de la so inspectora Delicáu (10 títulos nel Grupu Planeta, serie de televisión en 1999, cinco de la decena de premios qu'hasta la fecha tenía l'autora…) fai escaecer de cutiu que Giménez Bartlett entró nel xéneru pa desconectar de la tensión que-y produció escribir Una habitación ajena (1997), segunda novela tres Exit, que publicó en 1984 nun sellu güei de Planeta, Seix Barral.

   Aquella obra, premiu Femenín de Lumen, reflexaba les tensiones ente Virginia Woolf y la so sirvienta Nelly, y nun taba exenta de trasunto social. Como agora cola obra ganadora: “Fala de la crisis, d'homes nuevos bien cualificaos que pierden el so trabayu y dedíquense al stripteasse y derivaos; y de muyeres de 40 y 50 años ensin compromisu marital... pero nun falo de sexu, sinón de lluches sociales, que ye lo qu'hai güei per debaxo”. “Gústame que los mios llectores tengan la sensación de que los mios personaxes son xente que conocieron y que los sos problemes son susceptibles de qu'ellos se los plantegen tamién; no fondero, busco pasión”, aseguró la escritora. Vuelve intentalo n'Hombres desnudos: Javier, profesor de lliteratura en paru, ya Irene, empresaria a la qu'acaba d'abandonar el so home, vense obligaos a camudar drásticamente les sos vides. van cruciar na redolada de la prostitución masculina, intersección que va ser un calvariu.

   La maña nos diálogos y nel monólogu interior pa reflexar el trabancosu mundu d'esos personaxes fueron dellos aponderamientos que se llevó la obra del xuráu. La ganadora suma na so bibliografía nueve noveles fora del xéneru negru y dos ensayos sobre la muyer y la so relación colos homes; en 2011, llogró l'otru gran premiu del grupu Planeta, el Nadal, por Donde nadie te encuentre. Solo esti últimu añu collechó yá'l Pepe Carvalho qu'otorga BCNegra, el de los Llibreros d'Euskadi y va una selmana, el José Luis Sampedro de Getafe Negro.

    Un currículu lliterariu distintu presenta Sánchez Arévalo. Anque en pocos años desenvolvió una granible carrera cinematográfica dende los sos entamos en 2002, galardonada ente otres en 2007 col Goya al meyor director novel por el so primera llargu, Azuloscurocasinegro, solo publicara dos llibros xuveniles: La maleta de Ignacio Karaoke (SM) y 31 de xunu de 1993 (Alfaguara), esta postrera ye na que se basó pa esi filme. Ta curtido nel arte de narrar hestories pos dende 1995 trabayó como guionista, llabor qu'empezó en series televisives como Farmacia de guardia o Hospital central y que na gran pantalla nos casos de Gordos y La gran familia española traducir en candidatures al Goya al meyor guion orixinal.

    Una isla esmolecedora.   Esa esperiencia ye la que punxo agora al serviciu de La isla de Alice, onde nada paez lo que ye: una nueva embarazada encegolar con afayar qué hai detrás de la muerte del so maríu, constructor que finó nun accidente de coche bien llueñe d'onde se suponía que tenía de tar.

   “Empezó como guion pero llevo seis año dándo-y forma; la de Alice ye la hestoria d'una mentira de vida a la que se garra como yo garré a esta obra pa soportar la muerte d'Héctor Colomé, compañeru de la mio madre”, dixo emocionáu, ante la presencia d'aquella y del so amigu, l'actor Quim Gutiérrez.

   La gala lliteraria tenía anueche un aliciente sociopolítico notable dempués de que'l miércoles, na presentación del galardón, el primeru tres la muerte del editor José Manuel Lara Bosch, el so fíu y actual conseyeru delegáu del grupu Planeta, José Manuel Lara García, ratificara les palabres del so padre de 2012, cuando afirmó: “Si Cataluña fuera independiente, el grupu Planeta tendría que dise a Madrid, Zaragoza o Cuenca”.

   El presidente de la Generalitat en funciones, Artur Mas, quien pela mañana allegara a declarar ante'l Tribunal Cimeru de Xusticia de Cataluña como imputáu pola consulta soberanista del 9-N, asistió a la cena como nos últimos años. Compartió mesa cola ministra de Fomentu, Ana Pastor, el líder del PSOE, Pedro Sánchez, con quien faló de cutiu mientres este asentía, y con Albert Rivera, más alloñáu.

    La sorpresa saltó cola representación del Conceyu de Barcelona, que recayó na teniente d'alcalde d'Urbanismu, Galia Pin, colo que se rompía una tradición ininterrumpida de más de 20 años d'asistencia del alcalde.       Fonte: cultura.elpais.com

NacióDigital obté tres milions d'usuaris, rècord històric d'audiència en català

NacióDigital ha consolidat una vegada més el seu lideratge d'audiència en la premsa digital en català. Aquest setembre ha superat, a més, un llistó històric, ja que per primera vegada un mitjà digital en llengua catalana ha superat els tres milions d'usuaris únics, 3.052.327 en concret segons les dades auditades per OJD Interactiva. Les pàgines consultades pels lectors han superat de llarg els 23 milions de pàgines vistes.

Aquest rècord coincideix en un mes ben especial per a la societat catalana, amb la celebració d'un 11-S que dóna pas a l'inici de campanya a les eleccions al Parlament de Catalunya i que culmina amb el 27-S.NacióDigital ha estat escollida, aquest mes de setembre, per milers de lectors fidels que van decidir informar-se al minut de tots aquests esdeveniments tan rellevants.

En assolir els més de 3 milions d'usuaris únics, NacióDigital experimenta un creixement del 32% en relació al mateix mes de l'any anterior. El salt històric del mitjà coincideix amb l'estrena de la nova imatge, però també amb la reorganització de la seva estructura interna. La incorporació de nous professionals a l'equip directiu, la consolidació per la informació territorial, una major presència dels periodistes en tot el seguiment de la campanya han estat factors claus. D'altra banda,NacióDigital es destaca per la seva aposta en els nous formats, el periodisme de dades i el fotoperiodisme. 

Amb aquest mes de setembre, ja són set mesos consecutius en què NacióDigital ocupa el primer lloc en el rànquing de mitjans digitals en català. Des del febrer d'enguany ja no s'ha mogut d'aquesta posició líder, superant cada mes els dos milions d'usuaris únics.

Fonte: Nació Digital

La Xunta Xeneral aprueba un plan de dignificación de la llingua asturiana

La propuesta ‘transaccional’ de la FSA-PSOE, Podemos, IX y Foro salió alantre colos votos d’estos cuatro grupos parllamentarios, que sumen 31 escaños. El PP posicionóse en contra y Ciudadanos, astúvose.

Esta votación del plan de dignificación de la llingua asturiana, alcordáu poles cuatro formaciones, celebróse esta mañana na Xunta Xeneral. El documentu aprobáu insta al Conseyu de Gobiernu “a aprobar, enantes del final del periodu de sesiones próximu, un plan de dignificación y normalización de la llingua asturiana, que contenga un conxuntu d’aiciones urxentes col oxetivu d’algamar la so dignificación sociollingüística, la so proteición y el so puxu, con suficiente dotación presupuestaria pa cumplir tolos oxetivos, y nel que s’especifique la entidá responsable de la so execución, la previsión del costu de caúna de les aiciones, la so temporalización y los criterios pa la so evaluación”.

Ente les midíes qu’ha d’incluyir ta’l sacar alantre la especialidá docente de Llingua Asturiana y Gallego-asturiano y l’establecimientu de proyeutos pilotos d’usu del vehicular del idioma en tolos niveles educativos; puxar pola creación del grau de Llingua Asturiana na Universidá d’Uviéu; garantizar l’enseñu na concertada; l’establecimientu d’un plan pilotu d’enseñanza parcial n’asturianu y gallego-asturianu de dalgunas asignatures en diez centros estratéxicos del país; l’ampliación de la programación en llingua asturiana na RTPA; la implantación progresiva nel BOPA; xeneralizar la rotulación nos edificios públicos y l’usu na publicidá institucional; garantizar la presencia de les espublizaciones n’asturianu en tola rede de biblioteques d’Asturias, con atención especial a les de los centros educativos; cumplimientu de la toponimia oficial; introducción del asturianu nel currículu d’Infantil; aprobar un reglamentu pa desarrollar la Llei d’Usu y Promoción del Bable/Asturianu y facer cumplir ésta a les alministraciones llocales; potenciar la capacidá de la direición xeneral encargada de la política llingüística; fomentar la industria cultural en llingua asturiana; fomentar la investigación científica; facilitar el conocimientu del idioma a los emplegaos públicos y a la población adulta en xeneral; y resaltar el valor de la llingua asturiana como marca identificativa d’Asturies y factor de la so promoción cultural y turística.

Amás, demanda la ellaboración del tercer estudiu sociollinguísticu que propunxo Podemos Asturies, que siguiría al encargáu pola Academia de la Llingua Asturiana a primeros del sieglu, que llevó’l nome de ‘II Estudio sociolingüístico de Asturias 2002’ con Franscisco José Llera Ramo como autor, responsable tamién del primeru, fechu por demanda del Gobiernu nel 1991 y espublizáu nel 1994 col títulu ‘Los asturianos y la lengua asturiana. Estudio sociolingüístico para el Principado de Asturias’. Ésti contaría cola collaboración de la Universidá d’Uviéu y debería servir pa la ellaboración, xunto “coles organizaciones y axentes sociales más representatives del ámbitu llingüísticu”, del II Plan para la Normalización Social del Asturianu.                                                                                             Fonte: asturies.com

Adxuntu	Tamañu
Plan Dignificación Asturianu.doc	33 KB

La XDLA reclama un direutor en RTPA favorable a los drechos llingüísticos

La XDLA recuerda a los grupos parllamentarios que ye imprescindible tener un direutor xeneral favorable a los drechos llingüísticos por atalantar que l’audiencia de los programes n’asturianu confirma la necesidá d’un cambiu na direición de RTPA.Nuna nota de prensa y conocedores de que vieno acabante empezar la recta final pa la designación del direutor xeneral de RTPA, la Xunta pola Defensa de la Llingua Asturiana (XDLA) quier destacar “los resultaos d’audiencia escelentes del programa n’asturianu L’Alzada, estrenáu esti martes 13 d’ochobre y que llegó a doblar la media d’audiencia de la cadena. Y ye que, mentes la media d’anguaño de TPA nun llega al 6% -quedando perbaxo de Cuatro y LaSexta-, esti programa algamó un 10,5% de share y 48.000 espectadores n’horariu de máxima audiencia, dalgo que lu convirtió nel espaciu que más asturianos axuntó énte la pantalla de TPA nesi día -anque en share (el porcentaxe de xente delantre de la televisión nun momentu concretu) superólu l’informativu del mediudía y la película de vaqueros de la tarde-. Estos resultaos muestren la necesidá d’un cambiu al frente de la direición de la radiotelevisión pública, porque nestos años pudimos ver que mentes l’equipu de dirección va per un llau, la sociedá asturiana -que tien apegu al so territoriu y a la so cultura- va per otru”.

Por too esto, la XDLA recuerda a los grupos parllamentarios que “ye imprescindible cuntar con un direutor xeneral comprometíu cola cultura asturiana y que nun se niegue a desarrollar la llexislación vixente -Estatutu, Llei d’Usu y Llei de RTPA, testos que reconocen el papel de la radiotelevisión pública nel procesu de recuperación del patrimoniu llingüísticu del país-. Hasta’l momentu vimos una directiva que nun quixo normalizar l’usu del idioma na programación y que namás lu arrequexó pa los usos humorísticos y diglósicos, ensin nengún procuru pa cola so correición y calidá. Mesmamente, nun s’emitió programación infantil n’asturianu -porque dos series en diez años nun ye emitir programación infantil n’asturianu, ye una anécdota ensin continuidá-, a pesar de que nel restu de territorios estes emisiones foron el meyor complementu pa la presencia del idioma nes escueles. Ye’l momentu de que los partíos muestren el so compromisu col idioma propiu, porque namás una RTPA onde l’usu del asturianu y del gallego-asturianu sía dalgo normal -sumao a una presencia digna del idioma en toles etapes educatives- va poder poner frenu al alarmante retrocesu de falantes que viven les llingües tradicionales d’Asturies”.                                                    Fonte: asturnews.com

¿Una universidá virtual n’eusquera?

El caderalgu Juan José Alvarez propunxo esti xueves convertir a toles universidaes del País Vascu, Navarra ya Iparralde nun sistema integráu cola creación d’una universidá virtual, on line, n'eusquera.

Alvarez recibió esti día’l premiu Eusko Ikaskuntza d’Humanidaes, Cultura, Artes y Ciencies Sociales nun actu presidíu en San Sebastián pol lehendakari, Iñigo Urkullu, y nel qu’intervinieron rectores y representantes de les siete universidaes d’Euskadi, Navarra ya Iparralde que tamién formaron el xuráu d’esta edición.

A la ceremonia d’entrega d’esti gallardón, que auspicia la Sociedá d’Estudios Vascos-Eusko Ikaskuntza col sofitu de Llaboral Kutxa, asistió tamién la vocera del Gobiernu de Navarra, Ana Ollo.

El direutor de Llaboral Kutxa, Txomín García, foi l’encargáu de lleer l’acta del xuráu y una “laudatio” del premiáu, del que sorrayó’l so “ímpetu”, el so “interés”, el so “impresionante currículum” y la so aportación intelectual y académico, ensin escaecer los sos importantes méritos nel fútbol, nel que destacó pela banda derecha nos xuveniles de la Real Sociedá, primero, y nel Eibar y el Real Unión dempués.

En recibiendo’l premiu, el caderalgu Juan José Alvarez Rubio (Zumaia, 1964) aprovechó la xunta de los dirixentes de toles universidaes del ámbitu vascu y navarru pa llanzar una propuesta concreta de mayor integración y collaboración de los centros d’educación cimera.

En concretu, el direutor académicu del centru de la UNED de Gipuzkoa defendió na so ponencia la necesidá de convertir el contestu universitariu d’Euskadi, Navarra y el País Vascu francés nun “verdaderu sistema integráu, colaborativu, cooperador, fuerte y orgánicu”.

“Podemos faer más y meyor trabayando en ciertos ámbitos en ‘auzolan’ universitariu, trabayar xuníos na diversidá, atopar puntos d’alcuentru en docencia (posgraos) y n’investigación”, al tiempu qu’abogaba por “apurrir una dimensión universitaria a la nuesa eurorrexón” y por “convertir esa conurbación universitaria nun verdaderu sistema”.

Como concreción d’esta idea, Alvarez llanzó la propuesta de xestar, cola conocencia y el trabayu en mancomún de cada centru, “una universidá vasca, de Euskal Herria, virtual, on line, n'eusquera, que proxecte la nuesa cultura, la nuesa llingua y la nuesa conocencia al mundu”.

Fonte: Asturnews

La situación del asturianu tratóse en Bucarest na xunta xeneral d’ELEN

Iniciativa pol Asturianu treslladó a los sos socios los pilancos qu’atopó l’idioma nos meses últimos. Esti conceyu añal de la ONG tien como oxetivu aldericar sobre la situación de caúna de les llingües miembru y establecer la estratexa pal añu próximu.

“Nel nuesu casu, falamos de les caberes complicaciones del asturianu no tocante a los recortes nes ayudes a los medios, la reducción de Llingua Asturiana en Bachiller o la tercer negativa del Gobiernu estatal a incluyir a l'ALLA nos sos presupuestos, amás de resaltar l'ésitu de les nueses campañes de Twitter y de la iniciativa pa que los conceyales y alcaldes tomaren posesión n'asturianu, o l'entamu de rellaciones ente l'ALLA y l'Academia Mirandesa”, esplica Xose B. Álvarez, responsable de Rellaciones Internacionales d’Iniciativa pol asturianu, que se treslladó a la capital rumana dende Cymru, onde reside. La xunta celebróse’l sábadu y nella participaron 12 de les 44 organizaciones que formen la European Language Equality Network (ELEN).

En concreto, a Bucarest viaxaron representantes d’Asturies, Galicia, Euskal Herria, Països Catalans, Occitània, Breizh, Cymru, Éire, Alba, Kernow y Transilvania, amás de los representantes del Conseyu d'Aromunes, que fixeron d’anfitriones. Asina, nel Hotel Royal Bucharest hebo representantes de tolos estaos nos que'l pueblu arumanu esiste, esto ye, Albania, Serbia, Grecia, Rumanía, Bulgaria y Macedonia, que falaron de la so situación. Niciolas Caracota, presidente del Conseyu d’Aromunes, apuntó que s'enfrenten “a numberosos retos en dellos estaos de la XE, incluyendo la falta de reconocencia per parte de Rumanía y la falta xeneralizada de provisión d'escolarización media y de medios en fala aromuna”.

Temes aldericaos          Otros de los asuntos que se trataron na xunta xeneral d’ELEN foi’l proyeutu nuevu de Protocolu del idioma p'afitar un nuevu estándar llegal pa los drechos llingüísticos, que ta dirixíu pelos miembros vascos Kontseilua; l’informe recién d'ELEN nes Naciones Xuníes sobre discriminación llingüística nel Estáu español; les manifestaciones pola llexislación llingüística y la igualdá d’estatus pal bretón, l'occitanu, l'alsacianu, el corsu, el vascu y el catalán nel Estáu francés convocaes pal 24 d'ochobre; les actividaes de la ONG col Conseyu d'Europa, el Parllamentu Européu y la Comisión; el derechu a la educación media en gaélicu; la promoción del irlandés y el galés, asina como del húngaru en Rumanía y Eslovaquia; y el Proyeutu de Diversidá Llingüística Dixital d'ELEN nuevu, financiáu pola Xunión Europea (XE), “que tien l'oxetivu d'aumentar la cantidá de conteníu dixital online nes llingües minorizaes y en peligru de desaniciu”, apuntó Davyth Hicks, secretariu xeneral de la organización.                                                                                               Fonte: asturies.com

Rafael Cadenas algama’l García Lorca de poesía

Na imaxe, el poeta venezolanu Rafael Cadenas

 Una obra” directa, minimalista y esixente col idioma”, la del escritor venezolanu Rafael Cadenas, de 85 años, convirtiólu esti día nel ganador de la docena edición del Premiu Internacional de Poesía Ciudá de Granada Federico García Lorca.

 Al galardón, dotáu con 30.000 euros, optaben anguaño 43 candidatos d’Hispanoamérica y España. L’alcalde de Granada, José Torres Furtiáu, presidente del xuráu, foi l’encargáu esti martes de dar a conocer el fallu, que tamién destaca la vocación por inaugurar enclinos del poeta y ensayista.

 El xurá faló de Cadenes como unu de los grandes creadores de poesía n’español de les últimes seis décades, un periodu de tiempu nel que la so obra foi “siempres lúcida, deliberadamente marxinal y bien callada”, como resalta’l veredictu.

 El venezolanu foi Premiu Nacional nel so país en 1985 y Premiu FIL de Lliteratura en Lengua Romances, en Guadalaxara (México), en 2009. Ye autor de clásicos como Los cuadiernos del destierru (1960) y Falses maniobres (1966), el llibru qu’inclúi’l poema Gana, un finxu de la lliteratura llatinoamericana. De personalidá callada y sele, l’autor construyó una obra “intelectualmente bien venturera y bien incómoda con cualquier manifestación totalitaria col poder”, añedió Pardo, quien aportunó na influencia que l’escritor tuvo na poesía nueva n’español nos últimos años.

 Un total de 43 candidatos, de 18 nacionalidaes distintes y propuestos por 78 instituciones, optaben anguaño al Premiu Internacional de Poesía Ciudá de Granada Federico García Lorca, que reconoz el valor lliterariu del conxuntu de la obra d’un autor vivu y la so aportación a les lletres hispanes.                                     Fonte: asturnews.com

Un trabayu recueye toles llingües nes que se tornó ‘Alicia nel país de les maravíes’

Na semeya, mapa con toles llingües a les que se tornó ‘Alicia nel país de les maravíes’ fechu por Connie Brown

La obra de Lewis Carroll cumple 150 años de vida esti 2015 y una editorial estauxunidense conmemóralo con esta espublización. La torna al asturianu fíxola Xilberto Llano nel 1989 y hai una al mirandés.

El proyeutu d’Oak Knoll Press tuvo a Jon A. Lindseth como editor xeneral y Alan Tannenbaun como editor téunicu, que quixeron recopilar les 174 llingües nes que se tornó la xenial obra ‘Alice's adventures in Wonderland’ del inglés Charles Lutwidge Dodgson, más conocíu pol so nomatu Lewis Carroll. L’asturianu ye una de los idiomas presentes gracies a la torna que fixo Llano (Arroes, 1965) hai 26 años, traducción editada por Llibros del Pexe, convirtiéndose na ochentena tercer llingua al que se traducía la obra. A ella hai que sumar una fecha al mirandés de manera anónima espublizada n’Internet nel 2010, anque la llista que recueye'l trabayu cita a Helena A. F. Mourão.

Esta edición especial ta dividida en trés volumes col oxetivu de convertise nel mayor analís sobre les traducciones feches sobre una obra de fala inglesa. El primeru ta compuestu por ensayos de caún de los traductores sobre’l so trabayu y los problemes qu’atoparon, asina como una seleición con 124 portaes de diches traducciones, ente les que ta l’asturiana. Nel segundu, los traductores tornen al inglés ocho páxines del capítulu VII –que tien de nome  ‘A mad tea party’– con esactitú respeuto a la torna orixinal. D’esta manera preténdese comparar como cada autor interpretó los munchos xuegos de pallabres que tien la obra de Carroll.

El terceru, mientres, ye una llista de les más de 7.600 ediciones de ‘Alicia nel país de les maravíes’ en 174 llingües y de les 1.500 de ‘Through the Looking-Glass’ (‘Al traviés del espeyu’), la continuación de la historia d’Alicia, en 65 idiomes. El mirandés namái tien presencia nesti volume.

Esposición en New York    La editorial de Delaware completa esta iniciativa con una conferencia que se celebró la selmana pasada y una esposición en The Grolier Club de New York. Ésta va tar abierta al públicu hasta’l 21 de payares. Tamién van entamase dellos eventos no que queda d’añu en delles partes del planeta dientro de les actividaes de conmemoración del 150 aniversariu de ‘Alice's adventures in Wonderland’.

Nesti enllaz pue disfrutar d’un mapa interautivu con toles traducciones.     Fonte: asturies.com

Adxuntu	Tamañu
Mapa de llingües nes que se tornó 'Alicia nel país de les maravíes' fechu por Connie Brown.jpg	1.29 MB