Una esposición sobre páxaros compleméntase con una audioguía en llingua asturiana

Casa del Llobu

'Páxaros de la to rodiada', con dibuxos d'Isabel González Díaz, va ta abierta al públicu na Casa del Llobu de Balmonte hasta'l 16 d'abril los sábados y los domingos.

Son más de 40 los dibuxos que conformen esta esposición, a lo qu'hai que sumar muestres de rastros, ñeros o güevos. Pa complementar la visita, la Casa del Llobu ufre na so páxina web la descarga d'una aplicación móvil de baldre pal so usu como audioguía con información de cada especie n'asturianu, castellanu y inglés, amás de colos sos soníos carauterísticos. Pa facer usu d'esta opción ye necesario llevar cascos.

La inauguración de 'Aves de tu entorno' va celebrase mañana, siendo l'horariu de visita de la mesma de 11 a 14 y de 16 a 18 hores, los sábados y domingos. La Casa del Llobu tamién abre ente selmana, previa reserva con 48 hores d'antelación, pa grupos a partir de 10 persones.

Fonte: Asturies.com

Alcuentru con Miguel Mingotes

Esti llunes a les 19:30 hores nel CMI El Llano hai progamao un alcuentru col poeta Miguel Mingotes.

Con motivu de la inauguración de la esposición 'Coses Míes' , Miguel Mingotes mantendrá un alcuentru pa comentala col so particular inxenu y sentíu del humor. Conocíu pola so trayectoria lliteraria, fundamentalmente como poeta, Mingotes ye un d'esos creadores qu'estiende la so capacidá creativa a otros munchos campos.

Nesta ocasión amuesa la una esbilla de los sos trabayos nos qu'axunta imaxe y testu y qu'él mestu entitula 'Coses Míes', una mirada divertida, poética, personal dafechu, na qu'entra tou. Inxenu y xuegos de palabres, coles sos imáxenes, pa  contanos como ve'l mundu y la vida mesma.

La esposición 'Coses Míes' tará hasta'l 26 de febreru nel CMI El Llano.

Fonte: YeXixon.com

Inaugúrase una esposición d'homenaxe a Vicente García Oliva

Va tar abierta al públicu hasta'l día 30 nel Centru de Cultura Antiguu Institutu.

Esta esposición de nome 'Vicente García Oliva, un paisanu con munchu cuentu "ye un percorríu pela vida y obra del escritor xixonés. L'amuesa ta fecha por escolinos de los colexos Asturias, Evaristo Valle, Jacinto Benavente, Manuel García Blanco, Ríu Piles, Santa Olaya y el San Lorenzo.

García Oliva, académicu de númberu de l'Academia de la Llingua Asturiana, ye un escritor de gran trayeutoria y destacáu autor de lliteratura fantástica destinada a xente mozo. Foi ganador del VIII Premiu María Xosefa Canellada, correspondiente al añu 2015, de lliteratura infantil y xuvenil con ‘Fontenebrosa III: el final’, siendo la segunda vegada que consigue ún de los Premios Lliterarios, tres consiguir el Máximo Fuertes Acevedo nel 2010.

Nel so palmarés tamién destaca un Premiu Timón p’autores n’asturianu y gallego-asturiano, el correspondiente al 2011, qu’entrega l’Asociación Cultural L’Arribada como reconocimientu a toda una carrera lliteraria.

La bruxa Pumarina y el dragón Maragatu

Les persones que visiten la esposición van conocer y esfrutar con personaxes y obres lliteraries que yá son historia na lliteratura infantil. La bruxa Pumarina y el dragón Maragatu van dar la bienvenida al particular reinu los silentes, nuna amuesa que vien mui a cuentu.

 Fonte: YeXixón.com

Esposición Chocolate y publicidá n'Asturies nel Muséu del Pueblu d'Asturies

Esposición nel Muséu del Pueblu d'Asturies hasta'l 31 de marzu de 2016

   La fabricación de chocolate n'Asturies remontar al sieglu XVII. Ente 1860 y 1960 esistieron n'Asturies más 300 fábriques de chocolate, y ente 1925 y 1945 foi la cuarta productora d'esti alimentu n'España, detrás de les provincies de Barcelona, Valencia y Madrid. Les fábriques taben partíes por casi tolos conceyos d'Asturies: les ciudaes de Xixón, Uviéu y Avilés, la mayor parte de les villes y numberosos pueblos.

   Hasta mediaos del sieglu XIX, el chocolate ellaborábase artesanalmente con metates o molinos de mano, y a partir de 1853 empieza a fabricase con máquines movíes a vapor. Ye col so industrialización cuando'l chocolate empieza a xenerar una abondosa publicidá con impresos comerciales, envoltorios, cartelos, álbumes y cromos, según oxetos no que s'anunciaben les distintes marques. Esta industria aguiyó'l diseñu y les artes gráfiques n'Asturies. Fueron bien famosos los álbumes de la marca “La Cibeles” (Uviéu y Siero) realizaos por “Alfonso”, Alfonso Iglesias de Vivigo (Navia, 1910-Uviéu, 1988), según los de “La Primitiva Indiana”, “La Herminia”, "Kike" y "Aguirre", de Xixón, y"Agustina", d'Uxo (Mieres).

   La esposición amuesa un conxuntu representativu de toos estos materiales sol títulu de “Chocolate y publicidá n'Asturies”.

   El catálogu de la esposición complementar con un interesante monografía sobre les fábriques de chocolate n'Asturies, trabayu realizáu pola investigadora Claudia Prieto Rodríguez, con un aproximamientu históricu, a manera de presentación, de José Ramón Fernández-Tresguerres. Fonte: http://museos.gijon.es/Muséu del Pueblu d'Asturies

• Chocolate y publicidad en Asturias [catálogo de la exposición]
• Las fábricas de chocolate en Asturias

Inaugurada la esposición del XLV Certame Nacional d’Arte de L.luarca

Galería de semeyes de la inauguración esti xueves 3 de setiembre

  La Sala Borrón d’Uviéu acueye dende esti xueves la esposición de les obres de les artistes ganadores del XLV Certame Nacional d’Arte de L.luarca 2014, que foron Jezabel Rodríguez y Cristina Fernández.

  Al actu d’inauguración de la esposición, que tuvo llugar a les 19:30 hores, asistieron l’alcalde de Valdés, Simón Guardado Pérez; el conceyal de Cultura, Gumersindo Cuervo García, y representantes del Principáu d’Asturies y de Caxa Rural, entidaes coorganizadoras del Certame.

  La esposición va permanecer agora abierta na Sala Borrón hasta’l próximu 25 de de setiembre.

  El xuráu del XLV Certame Nacional d’Arte de L.luarca 2014 fizo esti añu daqué novedoso: concediose nesta ocasión per primer vegada’l Premiu Conceyu de Valdés a una videoinstalación, Pasu de Xigantes, de Cristina Fernández, ente que’l galardón principal del Certame, el Premiu Fundación Caxa Rural otorgose a la obra La Quintana, de Jezabel Rodríguez.

  El Premiu Conceyu de Valdés tien una dotación de 4.200 euros, con alquisición d’obra, y el Premiu Fundación Caxa Rural, de 2.000 euros, ensin compra d’obra. Fonte: asturnews

Llangréu celebra les Lletres Asturianes con esposición y talleres de cómic

L’Ayuntamientu de Llangréu celebra esta edición trenta y seis de la Selmana de les Lletres Asturianes con una esposición y talleres de cómic en llingua asturiana. La esposición "Celebrando una Llingua", un percorríu peles ediciones de la Selmana de les Lletres Asturianes, inaugurábase esti vienres coincidiendo col Día de les Lletres Asturianes y va poder visitase demientres esti mes de mayu nel Centru de Referencia de la Cultura y la Llingua asturiana Casa de los Alberti de Ciañu. Los talleres de cómic que van desenvolvese en llingua asturiana van tener llugar tamién na Casa los Alberti. Estos talleres teórico-prácticos tán abiertos a tolos centros escolares del conceyu y va ponelos el dibuxante Ruma Barbero, llicenciáu en Belles Artes que recibiere montonera premios como l’Alfonso Iglesias (2009) pola novela gráfica Manzajú, Comarca La Sidra (2003) col cómic-book Marcianaes o’l de la Tertulia Mallory al Meyor llibru n’asturianu por La Chelita. El Salvador1992 nel añu 2012. Fonte: Asturnews

Esposición: "Asturies n'otra dómina. La ropa" pol Grupu Cultural San Félix

El Grupu Cultural San Félix ufre la esposición "Asturies n'otra dómina. La ropa"
Antaño los homes y muyeres que vivíen n'Asturies nun vistíen como nós, sinón que llevaben ropa que, pasu ente pasu, foi cambiando. El traxe tradicional asturianu ye la manera de vistir que teníen los nuesos antepasaos nos sieglos XVIII y XIX. Esta esposición va amosar copies de traxes tradicionales sofitaes en documentos gráficos, testuales y orales, d'aquella manera de vistir, tanto de la xente que trabayaba la tierra como de la xente que trabayaba la mar, y ye parte de los actos conmemorativos del trenta aniversariu del grupu de baille candasín.    Ente los actos paralelos a la esposición va haber un conciertu de música tradicional na Casa la Cultura de Candás el vienres 25 a les 20:15 hores y visites guiaes los díes 18, 19, 21 y 25 a les 19:30 hores.    HORARIU DE LA ESPOSICIÓN.-  De llunes a sábadu de 19 a 21 hores y domingu de 12 a 14 hores y de 18 a 21 hores.    Fonte:  Asturnews.com

La XDLA homenaxó n'Uviéu a los músicos que participaron nos conciertos 'pola Oficialidá'

Pablo R. Guardado

Los músicos que tomaron parte nos conciertos 'pola Oficialidá' recibieron esti martes el reconocimientu de la XDLA. Foi mientres l’actu d’inauguración de la muestra ’25 años de conciertu en cartelos’, que se pue visitar hasta'l vienres.

La esposición, asitiada na uviedina Plaza’l Pescáu, presenta caún de los cartelos de les venticinco ediciones convocaes –la vixésimoquinta va celebrase esti sábadu en Xixón–, amás d’entraes y dalguna semeya. Una perbona forma de repasar la historia músical asturiana na llingua del país y de contemplar la evolución nel diseñu de los cartelos, asina como pa facer alcordanza d’aquelles ediciones de tiempos más mozos d’esta folixa reivindicativa que vien entamando la Xunta pola Defensa de la Llingua Asturiana (XDLA) de forma ininterrumpida dende l’añu 1989.

Aprovechando esta muestra, el coleutivu cívicu tamién quixo facer un homenaxe a tolos músicos que, de manera desinteresada, collaboraron en dalguna edición del ‘Conciertu pola Oficialidá’, polo que convidaron a los miembros de les casi 70 formaciones que xubieron al escenariu pa reivindicar esti derechu ciudadanu. Asina, acudieron al actu representantes de La Bandina, Los Berrones, Dixebra, Balandrán, La Coḷḷa Propinde, Fala non Caduca, Xera, La Cigua, DRD, La Tarrancha o K-Nalón, ente otros, que s’axuntaron pa facer una semeya de familia tres la pancarta qu’anuncia la esposición.

Enantes, Carlos Pulgar tuvo pallabres d’agradecimientu pa ellos: “Inauguramos nesti espaciu un percorríu modestu y significativu per un cachín de la historia d’Asturies. Un cuartu de sieglu de música y folixa, pero sobre too de compromisu y de reivindicación de la xente de la música asturiana y n’asturianu, que fuisteis quien a llevantar un sector y una industria que ganó ún de los pocos espacios de normalidá pa la llingua asturiana. Gracies a vos el panorama cambió y anguaño  pocos son agora los grupos asturianos que nun se planteguen cantar les sos composiciones dafechu o en parte n’asturianu”, principió’l voceru de la XDLA la so intervención, que considera que’l Conciertu pola Oficialidá tuvo muncho que ver en qu’esti avance fora posible. D’igual forma, recordó la collaboración destinteresada de los músicos nesta iniciativa y n’otres entames pol coleutivu cívicu. “Siempre atopemos esa ayuda. Por too eso, el valir d’esti actu nun ta nos cartelos, sinón no que ta detrás d’ellos: les hores y hores de trabayu, de compromisu y música que tán representaos n’ellos”. Por último, Pulgar fixo alcordanza d’aquellos músicos “que participaron colos sos grupos nestos conciertos y que yá nun tán equí pa celebralo con nós y poder reivindicar”.

Pa zarrar l’actu, l’Asturiana Mining Company ufrió un conciertu breve, a lo que siguió un pinchéu. La esposición, asitiada na Plaza’l Pescao, va tar abierta’l públicu de 11 a 14 hores y de 18 a 21 hores, hasta’l vienres. El sábadu, a les 19.30 hores nel Parque de los Hermanos Castro/Parque Inglés de Xixón, va tener llugar el XXV Conciertu pola Oficialidá, nel que van participar N'Arba, Felpeyu, La Tarrancha, La Bandina, Dixebra y Dani Stylo.

 Fonte: Asturies.com

Organicen una esposición colos cartelos de 25 años de Conciertu pola Oficialidá

La XDLA organiza una esposición colos cartelos de 25 años de Conciertu pola Oficialidá

   La selmana anterior a la del Conciertu pola Oficialidá, que va celebrase l'8 de xunu en Xixón, la Xunta pola Defensa de la Llingua Asturiana va entamar n'Uviéu, na Plaza'l Pescáu, una esposición onde van axuntar los cartelos y otros materiales de les 25 ediciones del Conciertu.

   La inauguración va ser el martes 4 de xunu, a les ocho de la tarde, y tán convidaes toles persones músiques de los cuasi 70 grupos que participaron nestos 25 años del Conciertu.

   Fonte: Asturnews.

L'Amuesa d'Obres pola Oficialidá allúgase en Cangas del Narcea

L'“Amuesa d’Obres pola Oficialidá” aporta a Cangas.

Llingua y arte vuelven a dase de la mano pa reivindicar la oficialidá del asturianu. La “Amuesa d’Obres pola Oficialidá” va aportar a Cangas de Narcea esta fin de selmana.

La “Amuesa d’Obres d’Arte pola Oficialidá” ye un acontecimientu que, al traviés d’arte y reivindicación llingüística, tien por oxetivu algamar fondos pa les campañes en defensa de la llingua asturiana y amosar el compromisu de los artistes asturianos pa col idioma’l país.
Esti vienres 3 d’avientu, la “Amuesa s’Obres pola Oficialidá” aportó a Cangas de Narcea. Dende les 13 hores, l’Auditoriu de la Casa la Cultura Palaciu d’Oumaña acoyó la esposición que va asitiase nel conceyu occidental fasta’l 15 d’esti mes.

Na inauguración van tar presentes el coordinador del proyeutu, Ánxel Nava; el voceru de la Xunta Pola Defensa de la Llingua Asturiana, Carlos Pulgar; y la conceyala de Cultura del Conceyu Cangas, Bibiana Martínez. Van desplicar el por qué y el cómo d’esti amiestu ente arte y reivindicación llingüística.

Fonte: Asturies.com

Selmana de la Cultura Rural Asturiana

Esti ye'l cartelu anunciador de preseos que s'esponen nel Colexu Xovellanos porque ye cultura asturiana fecha nun colexu públicu de Xixón cosa poco avezada pesia tar na ciudá más poblada d'Asturies.

Tamién dende güei a final del mes habrá charres y conferencies. El xueves 25 tendrá llugar el magüestu tradicional añal de la comunidá escolar.

El miércoles 24, el dueñu de los 200 aperios, Porfirio Rojo Díez mayestru xubiláu, esplicará a los presentes tol material espuestu.