Teatru y música n'asturianu pa los neños y neñes nes vacaciones de navidá
Reciella fixo públicu güei el cartel del Festival de teatru y artes escéniques n'asturianu pa neñes y neños que se fai en Xixón algamando la so tercer edición
Dende l'asociación de families pol asturianu preténdese "celebrar esta tercer edición con un programa bien completu, teniendo la suerte de cuntar con dalgunes de les meyores compañíes de teatru profesional asturianes y abriendo'l festival con un discu que toles families van querer tener".
Nos próximos díes Reciella dirá dando detalles de los espectáculos, que van entamar el 27 d'avientu con un conciertu nel que van participar una dellos grupos cantando temes infantiles n'asturianu y acabar el 4 de xineru.
Les compañíes teatrales que van participar nesta edición son Higiénico Papel Teatro, "Carlos Alba Cellero" y El Callejón del Gato y toles actividaes van facese nel Colexu Xovellanos de Xixón, que collabora na organización xunto cola Conceyalía de Cultura del Conceyu de Xixón. Fonte: asturies.com
Nesta faceta del asturianu ye onde hai qu'entornase ensin regateos d'esfuerzu nin de dineru. Tou lo que se faiga pola infancia en favor de la llingua ye pocu porque ye'l futuru próximu de la supervivencia como llingua vehicular y d'usu ordinariu.
ResponderEliminarPue que sí que se tea desdexando daqué la base del asturianu nunos pocos años esto ye la infancia, pero tamos bien a tiempu.
ResponderEliminarEl Colexu Públicu Xovellanos de Xixón collabora perbién nestes lides. Felicidaes.
ResponderEliminarDende la inauguración del nuevu colexu Xovellanos tienen un magníficu salón ideal pa eventos d'esti tipu y amás ta en plenu centru de la ciudá, ye bonu da-y usu.
ResponderEliminar