19/12/15

El Festival Escenines pala Reciella entama’l 27 cola presentación del CD “Bestiariu”


El Festival Escenines pala Reciella entama’l 27 cola presentación del CD “Bestiariu”
El Festival de Teatru Infantil y Xuvenil n’asturianu organizáu pola asociación “Reciella, families pol asturianu” va desenvolvese dende’l día 27 col sofitu del Ayuntamientu de Xixón, la Caxa Rural y el C.P. Xovellanos onde tienen llugar les representaciones. El Festival entama esti añu cola presentación del CD Bestiariu.
El programa arranca esti domingu 27 d’avientu a les 12.00 hores col conciertu presentación del CD recopilatoriu “Bestiariu”, que ya tien na rede un adelantu del discu y pal que yá ta confirmada la presencia de casi toles bandes , con entrada gratuita como toles actividaes d’Escenines.
El miércoles 30 d’avientu, a les 19 hores, representarase la obra “Grana de cardamomu” d’El Callejón del gato. Y el sábadu 2 de xineru, a les 12 hores asocederá lo mesmo cola obra “Arriba’l periscopiu” d’Higiénico Papel.
El llunes 4 de xineru, a les 19 hores, pesllarase la programación d’esti Festival de l’Asociación Reciella, con “Xuan Soldáu” del actor y monologuista Carlos Alba “Cellero”.
Fonte: Asturnews

4 comentarios:

  1. Perguapa iniciativa cultural n'asturianu de la Reciella pa les neñes y neños nel gran salón del Colexu Públicu Jovellanos de Xixón. Un gran exemplu a imitar a imitar y/o continuar.

    ResponderEliminar
  2. Bona iniciativa de Reciella ye bien importante averar la llingua de manera senciella y amena a los guahes.
    La verdá ye que la noticia que diba comentar yera la nueva farsa que se tán montando'l sporting y el uvieu redolada a la llingua pero creo que seria perder el tiempu muncho meyor la noticia del cd de musica de reciella

    ResponderEliminar
  3. La Reciella ta trabayando enforma y bien pol asturianu, ende onde ta'l caldu de cultivu esto ye na infancia y la mocedá asturianes.

    ResponderEliminar
  4. Loso neños y l'asturianu tienen una cita en Xixón.

    ResponderEliminar

Los comentarios tán pendientes de moderación. Espublizaránse lo primero dable.