30/12/15

Faciendo País refuga la política llingüística del Executivu nuevu


  Esixe a Javier Fernández que rectifique nel so discursu de fin d'añu "el menospreciu que tuvo pa col idioma" cola felicitación.
  Víctor Suárez, coordinador de Faciendo País, estaya asturianista d'Izquierda Xunida (IX), recuerda al presidente d’Asturies y líder del PSOE que “dende un Gobiernu en precario nun puede siguir dando'l llombu a gran parte de la sociedá asturiano que siente la llingua asturiana como propia y que la fala a diario, como seguramente fadrá Javier Fernández na intimidá, avergoñáu quiciás d’una seña d’identidá tan asturiana como cualquier otru elementu sociocultural del nuestru país y que, amás de tar protexíu pol nuestru marcu xurídicu qu’afala a les instituciones al so usu y difusión, dende’lpuntu de vista estrictamente políticu tamién taba afitáu nel alcuerdu d’investidura al so partíu. Ye dicir, por más que’l nuestru presidente tea empeñáu en viaxar en Madrid a trabayar pa salvar al so partíu y escondese nel procesu catalán como cortina de fumu, nun pue inorar el conflictu llingüísticu llatente n’Asturies y, muncho menos, dende un gobiernu en minoría”.
  Faciendo País refuga tamién la "nula Política Llingüística desendolcada por esti Gobiernu nos sos primeros meses" y afirmó que “vamos tar atentos a cualquier pasu atrás no poco avanzáu hasta agora nesta materia y al incumplimientu de los alcuerdos no que cinca a dignificación y planificación llingüística".                                                    Fonte: asturies.com

3 comentarios:

  1. Esti ¿presidente? d'Asturies nun pue inorar el conflictu llingüísticu llatente n’Asturies y, muncho menos, dende un gobiernu en minoría.

    ResponderEliminar
  2. Esti paisanu nuesu tien abondo con aladear de "duru" na mesa de Madrid al llau de Sánchez y escaez les sos obligaciones de sirvir al pueblu asturianu que lu escoyó"

    ResponderEliminar
  3. Poso inóralu, Sebas. Nun quiere saber res de la llingua, pero res de res.

    ResponderEliminar

Los comentarios tán pendientes de moderación. Espublizaránse lo primero dable.