El Serviciu d'Atención al Ciudadanu per e-mail: sac@asturias.org y AtencionCiudadano@princast.es respuende n'asturianu si se-yos entruga n'asturianu.
Esto supón un pasu perimportante -magar qu'entovía insuficiente- na normalización social de la nuesa llingua. La nuesa llingua carez -yá dafechu metíos nel sieglu XXI- de la reconocencia llegal necesaria pa la so supervivencia. Una situación dafechu contrariu a les llibertaes y a la democracia. Ye por esto qu'un pequeñu pasu qu'habría de ser normal y que de fechu ye normal n'otros territorios u sí qu'esiste democracia paez p'Asturies y pa los asturianofalantes un pasín más pa les llibertaes fundamentales.
Ye un argumentu más p'averar la futura oficialidá del asturianu.
ResponderEliminarDióse un pasu perimportante pal asturianu y p'Asturies en xeneral.
ResponderEliminarToo esto ta mui bien, pero como siempre nesti país ye poner el carru delantre los gües y dar argumentos al enemigu.
ResponderEliminarMio madre, que nun sabe falar otro qu'asturianu, lo poco que sabe escribir escríbilo en castellanu, ente otres coses porque la aprendieren así y hai coses que son complicaes de cambiar.
Por munchu que se pueda pidir y que te respuendan n'asturianu, namás los que nos molestamos n'aprender a escribilo y tenemos della conciencia vamos facelo, la xente del común non, porque nun saben o porque nun tienen conciencia asturianista o les dos coses a la vez.
Así, cuando salgan los recuentos famosos, dirán que l'usu del serviciu de retruques n'asturianu usárenlu cuatro y presentaránlo como que ye un despilfarru y que nun hai demanda y etc, etc.
Lo que se necesita de verdá ye que l'aprendimientu del asturianu (de saber escribir y lleer n'asturianu, que falar hai muncha xente que lo fai) valga pa daqué monetariu. Por exemplu, que seyan puntos n'oposiciones, mesmamente, y non que tolo haya que facer por amor al arte y convencimientu asturianista.
Un saludu.
nun te falta razón anónimo..Como la sociedá ye inculta na so propia llingua... por imperativu llegal...faiendo esto de da-yos una migaya "cancha" a esos del bable, bablistes*,asturianistes**...que lu falen 4***, que son 4 esos del bable,que solo lo quieren los del partido asturianista(sic).... y otres babayaes que puen o podíen sentise pehí,.... depués l'argumentu ye o bien quitar esi serviciu n'asturianu porque son 4 los que lu usen -claro los demás que nun tan escolarizaos n'asturianu o que nun fonon a clases d'adultos- nun son quien a usalu porque nun saben escribir n'asturianu...entós con esi contraargumentu nun pue declarase la oficialidá porque nun hai demanda social...
ResponderEliminarPa eso de les oposiciones, entamóse la de coyer va tiempu en Xixón(¿municipales?) pa unes oposiciones que pa meyorar el destín de los yá aprobaos valorábase l'asturianu....pero nada dixeron cuanda n'otres valorábase'l llinguax de signos.....
(*) si somos bablistes quier dicir qu'ellos son castellanistes o españolistes.
(**) si somos asturianistes por falar n'asturianu, los otros habrían ser castellanistes, españolistes,.. por falar castellanu o español.
(***)otros qu'han de dir al otorrino o que nun saben de les encuestes sociollinguístes o nunca pisaron un pueblu o nun sienten nada más que lo que quieren sentir.
Ye que los nuesos gobernantes d'Asturies y los partíos que los sostienen-psoe e ix- son toos parecíos n'esti tema, pasan de llargu, no yos interesa pa na. Son llobos con pel d'oveya, como la mayoría de los políticos. Interésayos más los viaxes "de trabayu" a paísos "democráticos" o seya a Cuba, a Venezuela, etc. pagaos col erariu públicu.
ResponderEliminar