10/4/09

Más de 9.000 persones sofiten "Doi la cara pola Oficialidá"




La campaña “Doi la Cara pola Oficialidá”, entamada pola plataforma Conceyu Abiertu pola Oficialidá, yá tien el sofitu de más de 9.000 persones nuna iniciativa na que tan dando “lliteralmente” la cara a favor de la reconocencia oficial pa la llingua asturiana, al traviés de semeyes con un cartelu con esi mensaxe.
El CAO felicítase “pola rápida y progresiva consecución de los oxetivos que se marcaron cuando se definió esta campaña: amosar el respaldu mayoritariu a la reivindicación llingüística y facer rescamplar qu’esi sofitu trescala tolos ámbitos sociales y xeneracionales de la sociedá asturiana, lo que sirve pa evidenciar que la braera protagonista del procesu de recuperación llingüística ye una ciudadanía plural y non sectaria que camina mui per delantre de la nuesa acomodada clas política”.
Según el CAO “la oficialidá ye l’únicu pegoyu sobre’l que sofitar un futuru de sobrevivencia amañosu pal nuesu padrimoniu llingüísticu. Ye l’únicurangu constitucionalmente posible y ye lo que tienen reconocío cuantayá’l restu de llingües del Estáu. La oficialidá del asturianu nel Estatutu d’Autonomía ye la meta del camín que tamos andando ente toos y la participación ciudadana, como queda espeyao nesta iniciativa, el mediu pa consiguilo”.

2 comentarios:

  1. Deseamos muncha suerte y too lo meyor pa que el CAO llogre toes les oxetivos.

    ResponderEliminar
  2. La oficialidá del asturianu ya ta más cerca, hay que amosar un respaldu mayoritariu de la sociedá asturiana, trabayandu per baxu nes escueles.

    ResponderEliminar

Los comentarios tán pendientes de moderación. Espublizaránse lo primero dable.