Na reforma l'Estatutu,.. l'Asturianu llingua oficial yá
MANIFESTACIÓN.
MANIFESTACIÓN.
Vienres 7 de mayu. 19:30. Estación del Norte. Uviéu.
Convoca: Xunta pola Defensa de la Llingua Asturiana
Testu de la Convocatoria
La llegada del Día de les Lletres Asturianes supón una xornada de fiesta pa la lliteratura del país pero tamién ye un momentu pa facer balance de la situación del idioma y pa reivindicar un estatus d’igualdá pa tola xente que quier usar l’asturianu como la so llingua de cada día.A naide-y pue cayer embaxo la situación tan preocupante que sufre la llingua asturiana pola perda cada vez más grande de falantes. La presencia testimonial del asturianu nos medios de comunicación públicos y el so usu tan escasu pola Alministración asturiana nun ayuden precisamente a que la nuestra llingua gane prestixu y reconocimientu ente la xente. La precariedá de l’asignatura nes primeres etapes educatives –hora y media voluntaria a la selmana– y en Secundaria –optativa en competencia con asignatures como Informática o Francés– dan una idea de la poca importancia que merez pa l’Alministración educativa. Namás se pue cortar el retrocesu d’un idioma minorizáu como’l nuestru con una política de normalización decidida qu’abra espacios d’usu al asturianu, que lo faiga dalgo normal na vida diaria n’ámbitos como la educación, los medios de comunicación o l’Alministración y que nun seya ensin más un adornu anecdóticu o folclóricu. La política llingüística del Gobiernu asturianu, por desgracia, va nesta llinia: usos testimoniales per un llau y, cuando se trata d’iniciatives fundamentales como’l trabayu de les Oficines de Normalización nos Conceyos, precariedá na dotación y falta de control. Otro tanto se pue dicir de la recuperación toponímica, que se fai namás sobre’l papel, porque la propia Alministración qu’aprueba esos topónimos nun los usa. L’últimu casu d’un ciudadanu al que-y queríen negar el drechu a dirixise n’asturianu a l’Alministración, derechu que’l Tribunal Constitucional acaba de reconocer, confirma la vía xurídica como ún de los caminos pa reclamar los nuestros derechos, pero tamién recuerda la necesidá d’un marcu llegal d’oficialidá que garantice que les polítiques llingüístiques y los drechos ciudadanos nun dependan de la interpretación más o menos arrogante d’un Gobiernu o d’un xuez.
Testu de la Convocatoria
La llegada del Día de les Lletres Asturianes supón una xornada de fiesta pa la lliteratura del país pero tamién ye un momentu pa facer balance de la situación del idioma y pa reivindicar un estatus d’igualdá pa tola xente que quier usar l’asturianu como la so llingua de cada día.A naide-y pue cayer embaxo la situación tan preocupante que sufre la llingua asturiana pola perda cada vez más grande de falantes. La presencia testimonial del asturianu nos medios de comunicación públicos y el so usu tan escasu pola Alministración asturiana nun ayuden precisamente a que la nuestra llingua gane prestixu y reconocimientu ente la xente. La precariedá de l’asignatura nes primeres etapes educatives –hora y media voluntaria a la selmana– y en Secundaria –optativa en competencia con asignatures como Informática o Francés– dan una idea de la poca importancia que merez pa l’Alministración educativa. Namás se pue cortar el retrocesu d’un idioma minorizáu como’l nuestru con una política de normalización decidida qu’abra espacios d’usu al asturianu, que lo faiga dalgo normal na vida diaria n’ámbitos como la educación, los medios de comunicación o l’Alministración y que nun seya ensin más un adornu anecdóticu o folclóricu. La política llingüística del Gobiernu asturianu, por desgracia, va nesta llinia: usos testimoniales per un llau y, cuando se trata d’iniciatives fundamentales como’l trabayu de les Oficines de Normalización nos Conceyos, precariedá na dotación y falta de control. Otro tanto se pue dicir de la recuperación toponímica, que se fai namás sobre’l papel, porque la propia Alministración qu’aprueba esos topónimos nun los usa. L’últimu casu d’un ciudadanu al que-y queríen negar el drechu a dirixise n’asturianu a l’Alministración, derechu que’l Tribunal Constitucional acaba de reconocer, confirma la vía xurídica como ún de los caminos pa reclamar los nuestros derechos, pero tamién recuerda la necesidá d’un marcu llegal d’oficialidá que garantice que les polítiques llingüístiques y los drechos ciudadanos nun dependan de la interpretación más o menos arrogante d’un Gobiernu o d’un xuez.
PORQUE TAMIÉN YE TUYA
L’ASTURIANU LLINGUA OFICIAL, YÁ
Fonte: Infoasturies
Ye'l momentu de facer güeyar al sr. presidente del gobiernu asturianu que tá mu equivocau, prestando tol apoyo a la manifestación pola oficialidá el vienres di 7, na estación del norte. Debería ser un termómetro del estau de la reinvindicación del pueblu asturianu pola oficialidá de la so llingua. Veremos la réplica al antioficialista presidente y a los sos complacientes adláteres (los de glaya, pero otorga la razón al xefín) na cai Uría d'Ovieu el vienres.
ResponderEliminar5.000 persones xuntáronse na manifestación pola oficialidá. Del gobiernu depende siguir xordu o ascuchar al pueblu.
ResponderEliminar