Manifestación pol drechu a vivir n'eusquera en Navarra

El coleutivu Kontseilua convoca una manifestación pol "drechu a vivir n'eusquera en Navarra".
Nafarroa Bai amosó güei la so incorporación a la manifestación en favor del eusquera entamada por Kontseilua baxo'l lema 'Nafarroan euskaraz bizitzeko eskubidea' (Drechu a vivir n'eusquera en Navarra) y animó a tolos ciudadanos a sumase a esta marcha "a favor de los drechos llingüísticos y la defensa del eusquera".

La parllamentaria de la coalición María Luisa Mangado criticó nun comunicáu que "el Gobiernu de Navarra y el conseyeru foral d'Educación, Alberto Catalán, tán utilizando la cris como escusa, mientres gasten el dineru nos sos proyeutos faraónicos, p'aplicar drásticos recortes a la nuesa llingua".
Poro, defendió qu'esta situación "rique d'una respuesta social conxunta y un ampliu movimientu ente tolos que creyemos nel eusquera como llingua propia".
Mangado consideró que la sociedá "tien de colar xunida pa reivindicar al Gobiernu de la drecha, y al que lo caltién nel poder, el PSN, los drechos llingüísticos que mos correspuenden".
"Los qu'amamos la nuesa llingua queremos vivir al traviés d'ella, comunicamos con ella, poder utilizala nes alministraciones, y poder aprendela en tolos llugares de la Comunidá foral por igual", caltuvo. Al so xuiciu, "nun ye cuestión de presupuestos, sinón de voluntá". "UPN dexa claro día tres día'l so despreciu más absolutu al eusquera", censuró.
"Nun queremos más escuses, queremos que les alministraciones públiques cumplan colos sos compromisos y deberes, y respeten y defendan d'una vez el nuesu padrimoniu llingüísticu, hestóricu ya identitariu", indicó.

Reivindicación social

Pela so parte, EA tamién animó a la ciudadanía a participar na marcha y destacó, nun comunicáu, la importancia de la "reivindicación social" pa que "el Gobiernu d'UPN, d'una vez por toes, dexe d'atacar de forma sistemática al eusquera, y cumpla coles sos obligaciones en materia de política llingüística".

Amás, EA amosó'l so "refugu más atayante" a la llei del eusquera, puesto que divide Navarra en trés zones llingüístiques diferentes, "rebaxando los drechos de la ciudadanía y considerando a unos y a otros, ciudadanos de primera, segunda y tercer categoría".

Fonte: Europa Press