Los cursos d'investigación marquen l'entamu de la nueva Universidá de Branu de Cangas del Narcea.
Los cursos d'investigación de la llingua asturiana marquen l'entamu esti añu de la nueva Universidá de Branu Asturiana, como se conocerá a partir d'agora a los cursos de branu de l'Academia de la Llingua, que dexen el Conceyu d'Ibias pa instalase en Cangas del Narcea, onde yá tuvieren hasta hai nueve años.
La iniciativa presentóla güei oficialmente la presidenta de l'Academia, Ana Cano, acompañada del alcalde del Conceyu, José Manuel Martínez, y de la vicerrectora d'Estensión Universitaria, Covadonga Betegón.
El nuevu carácter d'Universidá de Branu d'estos cursos, que lleguen a la so XXVIII edición da-yos, según esplicó Cano, un enfoque investigador y formador sobre llingua y sobre la realidá social y cultural, siempre vinculada a la llingua asturiana. Asina, esti añu organícense, ente la so programación, dos cursos d'investigación. Será'l de 'Aniciu a la investigación dialectal, toponímica y de tradición oral', dirixíu por Xosé Lluis García Arias, y el de 'Entamu a la investigación hestórica de la llingua asturiana', al cargu d'Ana Cano.
Amás, tamién se recupera pa esta edición el cursu de 'Averamientu a la llocución periodística en llingua asturiana', dirixíu por Próspero Morán, y con clases al cargu de periodistes como Cristóbal Ruitiña, Sonia Avellaneda o Rubén Martín-Llames.
La ufierta complétase tamién col de 'Internet y asturianu', y col de 'Cantares, bailes ya instrumentos musicales asturianos', dientro de los cursos d'afondamientu cultural y llingüísticu, apartáu del que tamién forma parte'l del 'Capacitación pa la Traducción al Asturianu', l'últimu de los trés niveles de los cursos específicos de conocencia de la llingua. Xunto con él, organizaránse, como tolos años el 'Elemental' y el 'Avanzáu'. Sicasí, los interesaos nel primer d'estos diplomes puen llogralu cursando los esames qu'a tal efeutu convoca l'Academia tolos años, pudiendo entamar entós direutamente col cursu d'Avanzáu.
Amás, esti añu tocará la Segunda Fas del Cursu de 'Capacitación en Gallego-Asturianu', dividíu en trés niveles.
Los cursos d'investigación de la llingua asturiana marquen l'entamu esti añu de la nueva Universidá de Branu Asturiana, como se conocerá a partir d'agora a los cursos de branu de l'Academia de la Llingua, que dexen el Conceyu d'Ibias pa instalase en Cangas del Narcea, onde yá tuvieren hasta hai nueve años.
La iniciativa presentóla güei oficialmente la presidenta de l'Academia, Ana Cano, acompañada del alcalde del Conceyu, José Manuel Martínez, y de la vicerrectora d'Estensión Universitaria, Covadonga Betegón.
El nuevu carácter d'Universidá de Branu d'estos cursos, que lleguen a la so XXVIII edición da-yos, según esplicó Cano, un enfoque investigador y formador sobre llingua y sobre la realidá social y cultural, siempre vinculada a la llingua asturiana. Asina, esti añu organícense, ente la so programación, dos cursos d'investigación. Será'l de 'Aniciu a la investigación dialectal, toponímica y de tradición oral', dirixíu por Xosé Lluis García Arias, y el de 'Entamu a la investigación hestórica de la llingua asturiana', al cargu d'Ana Cano.
Amás, tamién se recupera pa esta edición el cursu de 'Averamientu a la llocución periodística en llingua asturiana', dirixíu por Próspero Morán, y con clases al cargu de periodistes como Cristóbal Ruitiña, Sonia Avellaneda o Rubén Martín-Llames.
La ufierta complétase tamién col de 'Internet y asturianu', y col de 'Cantares, bailes ya instrumentos musicales asturianos', dientro de los cursos d'afondamientu cultural y llingüísticu, apartáu del que tamién forma parte'l del 'Capacitación pa la Traducción al Asturianu', l'últimu de los trés niveles de los cursos específicos de conocencia de la llingua. Xunto con él, organizaránse, como tolos años el 'Elemental' y el 'Avanzáu'. Sicasí, los interesaos nel primer d'estos diplomes puen llogralu cursando los esames qu'a tal efeutu convoca l'Academia tolos años, pudiendo entamar entós direutamente col cursu d'Avanzáu.
Amás, esti añu tocará la Segunda Fas del Cursu de 'Capacitación en Gallego-Asturianu', dividíu en trés niveles.
Actividaes
La programación del cursu inclúi varies actividaes fuera de la rutina llectiva. Nesti casu serán cuatro: una esposición de Pablo Manzano (secretariu de los cursos) na Casa de la Cultura de Cangas; una conferencia sobre 'El cáncer: estáu actual de la investigación y perspectives de futuru', per parte del Xosé Antón Suárez Puente (Grupu d'Investigación de Bioloxía Tumoral), tamién na Casa la Cultura; una representación de la obra de teatru 'El criáu de dos amos', de 'Nun tris'; y el recital del vocalista del grupu Nuberu Chus Pedro, acompañáu pol teclista Gabino Antuña. Estes dos últimes cites sedrán en Cangas del Narcea.
Los asistentes d'esti añu agospiaránse na Escuela Hogar de Cangas del Narcea. El desarrollu de los cursos, que tendrán una capacidá total de 120 places, tendrá llugar ente'l 2 y el 13 d'agostu del 2010.
Ana Cano amosó la so satisfacción pol entamu d'esta nueva etapa de los Cursos como Universidá de Branu. Tres un resume de la historia d'esta actividá señaló los oxetivos de la mesma: la capacitación llingüística, la formación d'investigación en Filoloxía Asturiana y l'estudiu de la realidá social de la llingua. Según la presidente de l'Academia, con esti plantegamientu persíguese "una formación con enclín universitariu del asturianu y n'asturianu".
L'alcalde mostróse satisfechu d'esti nivel de collaboracion cola Academia y la Universidá, y destacó la cesión per parte del Conceyu de los sitios y espacios públicos requeríos polos cursos. Espresó'l so preste tamién pa que la Universidá acceda a organizar actividaes nun sitiu apartáu del centru, como Cangas.
La vicerreutora, pela so parte, señaló la "responsabilidá y el compromisu de la Universidá d'Uviéu, cola llingua, el so estudiu y la so investigación".
Los asistentes d'esti añu agospiaránse na Escuela Hogar de Cangas del Narcea. El desarrollu de los cursos, que tendrán una capacidá total de 120 places, tendrá llugar ente'l 2 y el 13 d'agostu del 2010.
Ana Cano amosó la so satisfacción pol entamu d'esta nueva etapa de los Cursos como Universidá de Branu. Tres un resume de la historia d'esta actividá señaló los oxetivos de la mesma: la capacitación llingüística, la formación d'investigación en Filoloxía Asturiana y l'estudiu de la realidá social de la llingua. Según la presidente de l'Academia, con esti plantegamientu persíguese "una formación con enclín universitariu del asturianu y n'asturianu".
L'alcalde mostróse satisfechu d'esti nivel de collaboracion cola Academia y la Universidá, y destacó la cesión per parte del Conceyu de los sitios y espacios públicos requeríos polos cursos. Espresó'l so preste tamién pa que la Universidá acceda a organizar actividaes nun sitiu apartáu del centru, como Cangas.
La vicerreutora, pela so parte, señaló la "responsabilidá y el compromisu de la Universidá d'Uviéu, cola llingua, el so estudiu y la so investigación".
Fonte: Europa Press
Inscripciones: del 24 de mayu al 4 de xunu.alla@asturnet.es
L'Academia de la Llingua organiza otra vuelta los sos cursos de branu que se van desendolcar en Cangas del Narcea del 2 al 13 d'agostu, en réxime d'internáu.
Ufierten:
Cursu elemental de llingua asturiana.
Cursu avanzáu de llingua asturiana.
Cursos d'afondamientu cultural y llingüisticu.
Cursos en collaboración cola Universidá d'Uviéu.
Cursu de gallego-asturianu (2ª fas).
Estos cursos tienen reconocencia oficial per parte de la Conseyería d'Educación del Principáu d'Asturies, darréu l’acreitación de l'Academia polo que tienen valir alministrativu pal profesoráu no cincante a CV, méritos, sexenios, etc.
La matrícula ha facese del 24 de mayu al 4 de xunu nel llar de l'Academia C/Marqués de Sta Cruz, 6-2º-Uviéu. Tfnu 985 211 837.
Fonte: Informaxoven
No hay comentarios:
Publicar un comentario
Los comentarios tán pendientes de moderación. Espublizaránse lo primero dable.