La Xunta pola Defensa de la Llingua Asturiana (XDLA) entamó va unes selmanes una campaña per Internet pa pidir a los miembros de la dirección de la RTPA más programación n’asturianu, con meyores horarios y más amplitú temática, y el respetu a la toponimia oficial na programación en castellanu. Ufiertamos un modelu de carta y les señes de corréu lletrónicu de la direición de la RTPA a les que la mandar. Gracies al corréu testigu de la iniciativa tamos pudiendo ver cómo, fasta'l día de güei, son más de 3.150 los mails qu'aportaron a les diferentes cuentes de los dirixentes del serviciu públicu de televisión d'Asturies. La XDLA quier agradecer l'ésitu d'esta campaña a toles persones que participaron nella.
De la mesma manera la Xunta pola Defensa de la Llingua Asturiana fai anuncia qu'esta campaña va siguir activa pa toles persones que quieran sumase y, amás, va completase cola presentación d'una quexa énte la Procuradora Xeneral d'Asturies, qu'habría tener ente les sos funciones la defensa de los drechos de la ciudadanía asturiana y el cumplimientu de les dimposiciones llegales d'ámbitu autonómicu, estatal y européu.
Fonte: Asturnews
Home, "más programación n'asturianu" no serà gaire difícil. Al menys a http://www.rtpa.es/ l'únic que he vist en asturià és "radiotelevisión del principáu d'asturies". Tota la resta, en l'idioma comú de tots els súbdits de sa campetxana majestat.
ResponderEliminarRemembro que a la fin de los años 90 del sieglu pasáu, l'alderique yera ente los que pidíemos 100% n'asturianu y los que podíen el 50% pa entamar a negociar col gobiernu. Agora pídese menos...
ResponderEliminarpidíase'l 100% pa que nos dieran el 50%.Al final nin 100 % nin 50%. Foi como la oficialidá diferida en 5 años del roxu.....
ResponderEliminarH.oder la que-y cayó, que si vendíu, que si traidor, que si condenaba la llingua asturiana a la so desapaición.... 10 años depués o más tamos igual o pior porque los años pasen. Foi l'únicu que sacó dalgo curioso de la xuntina xeneral..y eso tando solu.
como conseguir esa carta?
ResponderEliminarhai que copiar y apegar y unviala o ha de personalizase?
a ver si me retrucaís equí,gracies.
Pues güeyar el modelu de la carta y les direiciones onde unviala en www.exunta.org
ResponderEliminarval gracies, pero s'ha de remocicar o unviar como ta...??
ResponderEliminarEsti ye’l modelu de carta:
El patrimoniu llingüísticu asturianu cuerre un peligru claru de desaparición. Asina lo vienen demostrando toles investigaciones sociolóxiques, que falen de la rotura dafechu de la cadena de tresmisión de la llingua asturiana a les xeneraciones más nueves. La gravedá d’esti fechu, denunciáu tamién por organismos internacionales como la Unesco, fai necesario tomar midíes polítiques y llegales urxentes pa mirar de tornar la situación.
Los medios de comunicación, y sobre manera la televisión, son vehículos poderosos d’uniformización llingüística, pero -como se ta comprobando en bien de televisiones autonómiques- tamién son una vía fundamental de recuperación llingüística polo qu’ayuden a promocionar y dar prestixu a llingües minorizaes que muncha xente tovía asocia a prexuicios y sentimientos de vergüenza. La Radio Televisión del Principáu d’Asturies (RTPA), que tien ente los sos fines precisamente la promoción del asturianu, nun pue mirar pa otru llau mientres ve cómo se sume’l patrimoniu llingüísticu d’Asturies. Los escasísimos minutos que dedica a la programación n’asturianu yá demostraron de sobra l’interés de la xente polos programes fechos na llingua propia: ehí tán los índices medios d’audiencia superiores a los de la programación en castellanu. Pero tienen que se dar pasos más allá d’esa presencia testimonial. Y non namás col aumentu de la programación n’asturianu sinón tamién enanchando la temática, el públicu potencial y l’horariu nel que s’emite.
Nesa programación n’asturianu bien ta l’atención que se-y da al públicu adulto n’espacios dedicaos a la cultura asturiana y a la tradición porque too ello ye fundamental pa valorar lo propio y aprender a aprecialo, pero ye menester dedica-y un esfuerzu especial tamién al públicu infantil. Son los más pequeños los que tienen que garrar el testigu de la llingua asturiana y, nunes condiciones sociales de minorización y desprestixu tan fuertes, tamos viendo cómo la desaparición del nuestru idioma ye cuasi absoluta. La ufierta televisiva tan amplísima de dibuxos animaos y programes de tou tipu en castellanu tien que tener na RTPA una contrapartida con programación propia n’asturianu o doblada a esta llingua. Namás d’esa manera los neños y neñes van poder ver y sentir na televisión la llingua de casa. Si nun lo fai la televisión pública asturiana, ¿quién lo va facer?
............ y sigue....
Estes son les direcciones:
wxunta@gmail.com
rtpa@rtpa.princast.es
MCASTRILLO@rtpa.es (director de Recursos Humanos)
AVIRGILI@rtpa.es (director de Rellaciones Corporatives)
PEREZORNIA@rtpa.es (director xeneral)
MJADARO@rtpa.es (directora comercial)
JUANG@rtpa.princast.es (director d’Antena y Conteníos)
COMUNICACION@rtpa.princast.es (dirección de Comunicación)
FPUENTE@rtpa.es (directora de Comunicación)
JCCUESTA@rtpa.es (director d’Informativos)
Lo que más te preste. El casu ye unviar cartes pidiendo más asturianu na RTPA.
ResponderEliminarval grácies yá ta unviaú'l mensax cola carta. Pal casu que van faer....
ResponderEliminar