L’Asociación Cultural La Caleya, col sofitu la Conceyalía de Cultura Tradicional y Valores Autóctonos del Ayuntamientu d’Astorga y del Institutu Lleonés de Cultura de la Diputación de Lleón, convoca la cuarta edición del so certame lliterariu pa obres orixinales en llingua asturlleonesa, que nesta ocasión coincide col 1100 aniversariu de la capitalidá lleonesa del reinu hestóricu, primero nomáu d’Asturies. Un reinu nel que los organizadores recuerden “desendolcóse’l romance de los ástures, el reinu qu’allumó la primeira Universidá europea, el reinu nel que xurdió’l parllamentarismu, el reinu del Fueru Xulgu y de los fueros de les ciudaes, de la primer carta de drechos y garantíes del ciudadanu”.
Nel concursu pueden participar tolos ciudadanos de la Xunión Europea a títulu individual y con un únicu trabayu que nun seyan ganadores na mesma modalidá (rellatu/poesía) del primer premiu nes cuatro ediciones anteriores d’esti certame. Los trabayos han de tar escritos en cualesquiera de las variedaes dialeutales del dominiu llingüísticu asturlleonés.
El tema, nesta convocatoria, ye llibre masque se valorarán especialmente los trabayos al rodiu de la conmemoración del Reinu de Lleón. La obra ha ser orixinal, inédita y non gallardonada anteriormente en nengún concursu lliterariu nin con otru premiu o distinción. Almítense dos modalidaes, rellatu curtiu y poesía. La estensión mínima del poemariu ye de 100 versos y la máxima de 250. La estensión másima del rellatu curtiu ye de 10 páxines.
El tema, nesta convocatoria, ye llibre masque se valorarán especialmente los trabayos al rodiu de la conmemoración del Reinu de Lleón. La obra ha ser orixinal, inédita y non gallardonada anteriormente en nengún concursu lliterariu nin con otru premiu o distinción. Almítense dos modalidaes, rellatu curtiu y poesía. La estensión mínima del poemariu ye de 100 versos y la máxima de 250. La estensión másima del rellatu curtiu ye de 10 páxines.
El plazu de presentación acaba’l 30 de setiembre de 2010 y los trabayos tienen que s’unviar a: Certame Lliterariu La Caleya, Apartáu de Correos 187 - 24700 Astorga (Lleón).
Los premios van de los 400 € y diploma pal primeru de cada categoría, a los 100 del terceru.
Fonte: Asturnews
Too ye la mesma y perimportante cosa, TOO YE LLINGUA, too ye cultura y llingua asturiana o asturlleonesa que ye la mesma cosa. Bien pola Asociación Cultural La Caleya, la Conceyalía de Cultura Tradicional y Valores Autóctonos d'Astorga, y l'Institutu Lleonés de Cultura de la Diputación de Lleón. Felicidaes pol su esfuerzu nel fomentu y proteición de la llingua.
ResponderEliminar