.jpg)
Abril 30, 2015 por tierraalantre
Esti miércoles, 29 d’abril, tuvo llugar nel llar de l’Academia de la Llingua Asturiana una xunta de trabayu ente esta institución y una delegación de Miranda de l Douro encabezada pol presidente de la Cámara Municipal de Miranda de l Douro, Artur Nunes, xunto col presidente de l’Associaçon de la Lhéngua i Cultura Mirandesa, Carlos Ferreira, y los vicepresidentes d’esta asociación Alfredo Cameirão y Mario Correia.
.jpg)
Nesta xunta tratáronse dellos aspeutos venceyaos a la collaboración ente les instituciones y apautóse la robla d’un Conveniu de collaboración el próximu 20 de xunu de 2015 en Miranda de l Douro. Fonte: tierraalantre.wordpress.com
Ye bien bona idea y señalada efemérides pa repitila cada ciertu tiempu. Que nun s'escaeza y nun decaiga nel futuru.
ResponderEliminarYe bien bona idea y señalada efemérides pa repitila cada ciertu tiempu, meyor periódicamente. Que nun s'escaeza y non decaiga col pasu del tiempu.
ResponderEliminarTa bien claru que tou ye llingua y que precísase l'entendimientu, el trabayu diariu, la collaboración mutuo y permanente según el sofitu constante de toos, especialmente de los medios de comunicación: prensa, radio, tv, cuesa qu'hasta agora relluma pola so CASI ausencia.
ResponderEliminarLa salú y el caltenimientu de la llingua según el so progresu nel futuru depende de toos y non solamente de les academies y los grupos aisllaos, sinón del trabayu ya interés de toos, de la sociedá nel so conxuntu. De la clase política esto ye de los partíos políticos yá sabemos que non siquier mientres nun se-yos apertar de verdá y con fuerza.
ResponderEliminarSigo qu'hai que apertar y estrumilos a tope, que ye lo único qu'entienden, el ruiu asgaya y les asonades con cazueles y sartenes bien ruidoses y pitos na cai.
ResponderEliminar