7/5/15

Andecha Astur llama a participar nel manifestamientu del vienres pola Oficialidá y felicita a l'Academia de la Llingua Asturiana



Andecha Astur llama a participar nel manifestamientu pola Oficialidá de la Llingua Asturiana que se cellebrará esti vienres 8 de mayu, y felicita a la’ALLA pol so llabor nun comunicáu qu'asoleyaba esti miércoles. Andecha Astur llama a xuncir fuercies alrodiu del oxetivu común que ye la Oficialidá de la llingua asturiana, desixencia democrática na que necesariamente tienen de coincidir tolos asturianos y asturianes que nun hebian perdío la dignidá de selo, d’aquellos que caltienen un compromisu ciertu colos drechos llingüísticos del Pueblu Asturianu, ensin demagoxes nin medies pallabres.

Un añu más, y "costatando la inesistencia d’avances significativos na reconocencia d’esti drechu democráticu y la sistematización de la situación de represión y amenorgamientu llingüísticu que carecemos n'Asturies", Andecha Astur atalanta que ye obligación de so "participar nuna movilización na que la oficialidá de la llingua asturiana tien de ser motivu abondu p’amestar fuercies".
Ello asina Andecha Astur "fai un llamamientu al conxuntu de la sociedá asturiana pa que participe activamente nel manifestamientu entamáu pal prósimu Díi de les Lletres Asturianes (vienres 8 de mayu) a les 19:30 hores, con salida de la Estación de la RENFE d'Uviéu".

Asina mesmo, Andecha Astur unvió un comunicáu de felicitación a l’Academia de la Llingua Asturiana que diz asina: “Nesti díi tan siñaláu, Andecha Astur quier aprovechar la ocasión pa felicitar a l’Academia de la Llingua Asturiana pol so importante llabor nel estudiu, dignificación y defensa de la nuesa llingua patria, animándola a siguir na xera de la normativización y normalización llingüística de la llingua d’Asturies en tol territoriu nacional, y na defensa de los drechos de los asturfalantes. Pela nuesa parte, perafitámosmos na defensa de la llingua asturiana, la so unidá en tol territoriu y l’algame de la so OFICIALIDÁ comu pasu imprescindible cara a la normalización democrática d’Asturies y al necesariu procesu de recuperación llingüística nel nuesu país.”

Fonte: Asturnews

2 comentarios:

  1. Hai que dar el retruque en focicu a Podemos pola artimaña contra l'asturianu qu'entama nel Náuticu de Xixón. Non solo non trabaya pola llingua sinón que desprestixa la tradicional manifa añal de la Selmana de les Lletres Asturianes n'Uviéu. Errejón ye una apandador de beques malagueñes y ta percargáu d'odiu visceral y muncha mala uva, como pa esperar el so sofitu a la llingua. De León yá nun falamos nada de nada, nun merez la pena.

    ResponderEliminar
  2. Toos a Uviéu, hai qu'anular la contraconvocatoria en Xixón de Errejón, León y Mario Suárez. Asturies nun paga a deslleales.

    ResponderEliminar

Los comentarios tán pendientes de moderación. Espublizaránse lo primero dable.