Los escritores d'Asturies y España alíense

   L'Asociación d'Escritores d'Asturies (AEA) y l'Asociación Colexal d'Escritores d'España (ACE) han firmao un conveniu de collaboración pol cual dambos coleutivos comprometense a desenvolver aiciones conxuntes nel ámbitu cultural, principalmente na so aguada lliteraria.

  Ente les actuaciones contemplaes nel conveniu destaca la collaboración na cesión d'espacios p'actividaes de la ACE y na collaboración en xuraos, premios, antoloxíes, seminarios o cualesquier otra actividá que tenga que ver cola presencia y espardimientu de les obres y trabayos de los miembros de dambes dos instituciones.
   El conveniu tien una duración d'un añu.                                                                         Fonte: lne

Xunta con representantes de Miranda de l Douro

Abril 30, 2015 por tierraalantre

   Esti miércoles, 29 d’abril, tuvo llugar nel llar de l’Academia de la Llingua Asturiana una xunta de trabayu ente esta institución y una delegación de Miranda de l Douro encabezada pol presidente de la Cámara Municipal de Miranda de l Douro, Artur Nunes, xunto col presidente de l’Associaçon de la Lhéngua i Cultura Mirandesa, Carlos Ferreira, y los vicepresidentes d’esta asociación Alfredo Cameirão y Mario Correia.

   Nesta xunta tratáronse dellos aspeutos venceyaos a la collaboración ente les instituciones y apautóse la robla d’un Conveniu de collaboración el próximu 20 de xunu de 2015 en Miranda de l Douro.                                                               Fonte: tierraalantre.wordpress.com

(de l’Academia de la Llingua Asturiana, 29-04-2015)