La Xunta pola Defensa de la Llingua pide la dimisión del conseyeru d'Educación.
La Xunta pola Defensa de la Llingua Asturiana (XDLA) va entamar una campaña de movilizaciones pa esixir el complimientu de la sentencia del Tribunal Superior de Xusticia d’Asturies qu'elimina la ratio d'un mínimu d'ocho alumnos pa poder poner clas d'asturianu y pide la dimisión del conseyeru de Educación, Herminio Sastre, «si nun ye capaz a facer el so trabayu». La primer de les movilizaciones va ser una concentración y una clas na cai que se va facer el sábadu 13 de payares na plaza la Escandalera d’Uviéu.
Nel comunicáu, la XDLA denuncia que tolos años «en cada nuevu cursu académicu ñégase’l drechu a estudiar asturianu a miles de escolinos y escolines que lu piden voluntariamente». Tamién recuerden que «na educación secundaria y bachilleratu, la ufierta d’asturianu faise en competencia con otres materies, lo que tamién va escontra la llei» y comenten qu'hai abondos casos de centros que nin siquiera faen la ufierta de l’asignatura.
El fallu del Tribunal Superior de Xusticia d’Asturies esixe al Gobiernu asturianu, según la XDLA, que cumpla «cola curtia y probe llegalidá vixente sobre escolarización de la llingua asturiana» y critiquen la comparecencia del conseyeru onde calificaba l'aplicación de la llei como «espilfarru», «despreciando’l drechu reconocíu de los estudiantes asturianos a poder estudiar asturianu».
Fonte: Les Noticies
El conseyeru ye'segundo d'Areces n'Educación y tá too dichu. ¿Llingua? como nel adaxiu famosu pal enemigu -o seya pal asturianu- ni agua.
ResponderEliminarEnte la falta d'oficialida hai que pidir responsabilidaes concretes poles torgues que cadez el normal desencolcu de la nuesa llingua. La XDLA fai bien y hai que sofitar toles iniciatives que se faigan nesi sen.
ResponderEliminarAun tando acordies con la XDLA
ResponderEliminary siendo amigu de la utopíes ente elles la oficialida del asturianu yá me paez enforma creer qu'un políticu y sobremanera en Asturies vaya a dimitir por incompetencia.
Pero bonu yo soi de los que cree qu'otru mundu ye posible
Les dimisiones nun abonden na nuesa tierra, pero son pernecesaries pa meyorar la democracia.
ResponderEliminarEl conseyeru d'educación tá puestu a deu -ye´l so home de confianza escontra'l asturianu y más coses- del xefín don fartures que ye l'enemigu acérrimu de la llingua ansina que nun ye posible la oficialidá mínimu fasta dientro d'un tiempu -tras les elleiciones autonómiques- siempre que'l pesoe ya ixunía queden apeaos y relegaos de les sos poltrones (pol momentu... paez que vitalicies) de mandu nel Principau. Nes próximes comicios impónse'l cambiu forzosu y dempués la reconocencia y oficialidá de la llingua. Llistos cola estratexia nes urnes collacios y collacias que la oficialidá ye pernecesaria n'Asturies y el tren escápase otra vegada.
ResponderEliminarLa oficialidá ye'l preséu necesariu pa qu'estes coses nun pasen, nin qu'a los gobiernos-yos dea por recurrir les sentencies como al d'equí.
ResponderEliminar