El sindicatu d'enseñanza Suatea responsabilizó estos díes a la Conseyería d'Educación de que namái'l 13% de los alumnos d'Educación Infantil cursen llingua asturiana, yá que según esta organización “tán incumpliendo la obligación de garantizar la ufierta d'esta asignatura”. SUATEA recuerda que nun se ficieron campañes informatives nin se mandaron circulares a los centros informando del procedimientu pa garantizar esti drechu.
SUATEA recordó que'l Tribunal Superior de Xusticia d'Asturies estableció, nuna resolución na que refugó precisamente un recursu de Suatea por esta situación, que la Llingua Asturiana “tien que tar presente nel currículu d'Educación Infantil”. El sindicatu presentara al entamu del cursu 2008-2009 un recursu contenciosu-alministrativu escontra'l currículu d'educación infantil, por entender que nun incluyía la llingua asturiana como materia d'enseñanza. La TSXA entendió que nun yera asina, pos el currículu "indica que va ser considerada como materia integrante del currículu y tantu la llei 2/2006 como'l Real Decretu 1630/2006, establecen que les enseñances mínimes del segundu ciclu d'Educación Infantil determinen que lo conteníos educativos d'esti nivel entámense n'árees y que ente los conteníos de cultura asturiana recuéyese'l bable asturianu, cuidao que la mesma constitúi una manifestación cultural al respective".
SUATEA recordó que'l Tribunal Superior de Xusticia d'Asturies estableció, nuna resolución na que refugó precisamente un recursu de Suatea por esta situación, que la Llingua Asturiana “tien que tar presente nel currículu d'Educación Infantil”. El sindicatu presentara al entamu del cursu 2008-2009 un recursu contenciosu-alministrativu escontra'l currículu d'educación infantil, por entender que nun incluyía la llingua asturiana como materia d'enseñanza. La TSXA entendió que nun yera asina, pos el currículu "indica que va ser considerada como materia integrante del currículu y tantu la llei 2/2006 como'l Real Decretu 1630/2006, establecen que les enseñances mínimes del segundu ciclu d'Educación Infantil determinen que lo conteníos educativos d'esti nivel entámense n'árees y que ente los conteníos de cultura asturiana recuéyese'l bable asturianu, cuidao que la mesma constitúi una manifestación cultural al respective".
SUATEA amuesa como prueba de falta d’información nesta etapa escolar, qu’en Primaria esa proporción xube hasta'l 55%.
Por tollo, dende Suatea, esixen "la ufierta xeneralizada de la enseñanza de Llingua Asturiana o Gallego-asturianu na Educación Infantil". Tamién pidió "les disposiciones reglamentaries qu'amuesen a les clares los conteníos, midíes organizativas, y recursos materiales y humanos que se van dedicar a la enseñanza de Llingua Asturiana o Gallego-asturianu na Educación Infantil". "La puesta en marcha del plan de formación del profesoráu de EI en Llingua Asturiana y Gallego-asturianu na formación permanente", solicitó tamién, amás de la collaboración cola universidá por que en los planes d'estudiu universitarios nuevos créese la Mención de Llingua Asturiana nel Grau de Maestru d'Educación Infantil".
Amás, de la “valoración y reconocencia de la especialidá nel nuesu idioma nel accesu al puestu de trabayu y nos concursos de treslláu, oposiciones y llistáu de interinidá de toes les otres especialidaes", y la previsión del “aumentu de puestos d'especialista de Llingua nes plantiyes de 2010".
Fonte: Asturnews
Si ya ye muy xustu'l presupuesto y los medios aplicaos pa la llingua en ed. primaria y ESO, ye menor aún na ed. infantil. Ye acertau'l discursu de SUATEA; casi non esiste o en escasa midía la reconocencia de la especialidá na nosa llingua para infantil y menos aún en 0-3 años. Necesítase urxentemente la promoción de tal profesorau especialista en llingua asturiana.
ResponderEliminarPues agora paez que van restrinxise más les perres destinaes a estos temas llingüísticos.
ResponderEliminarYe verdá que'l gobiernu'l Principau nun tien perres ni pa la llingua ni pa na. Arruinóse fai tiempu coles obres faraóniques del HUCA y del Musel de Xixón. Tan quitando too lo que se pue y lo que nun se pue de sanidá, de cultura, y de toes les partides posibles a costa de los asturianos y asturianas, inclusu de la tan cacareá y prometía -y xurada públicamente en les dos últimes campañes ellectorales xenerales pol Psoe- lliberación de la autovía'l Huerna. Ye que gastaron toles perres a manoso llenes y tan arruinaos, pa to menos pa dir de vacaciones a Cuba los nuesos rumbosos políticos.
ResponderEliminar