L’asociación cultural de Villaviciosa La Compaña del Ronchel súmase a les cellebraciones del Día del Llibru presentando, en xunto cola Academia de la Llingua Asturiana, la reedición de “Los artículos de la fe”, catecismu espublizáu en 1916 por Luis Sánchez García, seyendo párrocu de Samartín de Vallés y Sietes, nel conceyu maliayu. L’actu sedrá nel Teatru Riera de Villaviciosa, el prósimu 23 d’abril, a les 19 hores.
Van participar Lluis Portal Hevia de l'Asociación La Compaña del Ronchel; Roberto González-Quevedo, secretariu de l’Academia de la Llingua Asturiana, entidá coorganizadora del actu; y Manuel Busto Alonso, Alcalde de Villaviciosa.
Van participar Lluis Portal Hevia de l'Asociación La Compaña del Ronchel; Roberto González-Quevedo, secretariu de l’Academia de la Llingua Asturiana, entidá coorganizadora del actu; y Manuel Busto Alonso, Alcalde de Villaviciosa.
Esti catecismu foi escritu y publicáu en 1916 por Luis Sánchez García (Uviéu, 1879). D’esti curín sabemos que pasó dos años como capellán de Bode y Pendás (Parres). Fue coaxutor de Coya (Piloña) en 1906. Ecónomu de Pendás en 1907. Rexente de Tobes (Ribadeva) en 1909. Coaxutor de les parroquies de Samartín de Vallés y Sietes (Villaviciosa) de 1910 a 1918. Dempués, permanecería una temporada fuera, y vuelve al conceyu maliayu, concretamente a Grases, en 1919.
Ye párrocu de Rales en 1920. En 1943 pasa a la parroquia de Fuentes, onde continúa realizando’l so llabor pastoral fasta la so muerte, ocurrida’l 29 de xineru de 1964. D. Luis ye un cura recordáu y apreciáu en Fuentes, onde, a pesar de les goteres de la casa rectoral que lu obligó munches vegaes a metese col paragües na cama, sentíase como ún más del pueblu, como cuenten dende l'Asociación El Ronchel.
Ye párrocu de Rales en 1920. En 1943 pasa a la parroquia de Fuentes, onde continúa realizando’l so llabor pastoral fasta la so muerte, ocurrida’l 29 de xineru de 1964. D. Luis ye un cura recordáu y apreciáu en Fuentes, onde, a pesar de les goteres de la casa rectoral que lu obligó munches vegaes a metese col paragües na cama, sentíase como ún más del pueblu, como cuenten dende l'Asociación El Ronchel.
Trátase de la primera “doctrina” escrita en bable, inspirada nel Catecismu Romanu, El Perrone y les Sagraes Escritures. Nun pretende facer un testu pa espertos, esplica nel prólogu: “Ta escrito pa rapazos (y anque sea pa vieyos d’aldea y xente sencilla), non pa tiólogos y doctores, qu’esos ya saben dir a les fuentes”. “Y ta asina en bable porque paez qu’asina llamará más l’atención de los rapaces y lierán más; y liendo más, deprenderán más; y deprendiendo más... ¡Ai! home, va cambia’l tiempu, porque esti rema...”, aclara con humor.
D. Luis escribió estes 78 fueyes nel periodu en que permaneció na parroquia de Vallés, pero col tiempu perdióse’l rastru del llibru, fasta qu’haza 1980, el cura de Santoxenia –actualmente párrocu de Nava-, Eduardo Solís, atopólu casualmente y púnxolo en conocimientu del tamién profesor y miembru de l’Academia de la Llingua, Roberto Glez-Quevedo na so estancia nel conceyu. Poco dempués –en 1981- el Seminariu de Llingua Asturiana volvía a asoleyar el vieyu catecismu, añediendo-y un prólogu del cura de La Pola, Carlos Sánchez Martino, natural de Vallés, y un epílogu de Roberto, contestualizando la obra. La tirada foi pequeña y pronto desapaeció de les llibreríes, por esa razón facíase imprescindible cuantayá volver a reeditalu.
D. Luis escribió estes 78 fueyes nel periodu en que permaneció na parroquia de Vallés, pero col tiempu perdióse’l rastru del llibru, fasta qu’haza 1980, el cura de Santoxenia –actualmente párrocu de Nava-, Eduardo Solís, atopólu casualmente y púnxolo en conocimientu del tamién profesor y miembru de l’Academia de la Llingua, Roberto Glez-Quevedo na so estancia nel conceyu. Poco dempués –en 1981- el Seminariu de Llingua Asturiana volvía a asoleyar el vieyu catecismu, añediendo-y un prólogu del cura de La Pola, Carlos Sánchez Martino, natural de Vallés, y un epílogu de Roberto, contestualizando la obra. La tirada foi pequeña y pronto desapaeció de les llibreríes, por esa razón facíase imprescindible cuantayá volver a reeditalu.
Fonte: Asturnews
Atoparémoslu y esfrutaremos con el catecismu de 1916 de D.Luis Sánchez García un bon ratu, y tamién coles doctes pallabres del cura la Pola D.Carlos Sánchez Martino y del estudiosu y académicu D. Roberto González-Quevedo. Gracies pola interesante noticia.
ResponderEliminarYe un llibru históricu nel devenir del asturianu contemporáneu y como tal ta tratándose, con tol mimu y esmeru que requier.
ResponderEliminar