Suatea pide a l'Alminitración asturiana que cumpla cola Llei d'Usu no que se refier al ámbitu educativu y acabe colos recortes nes plantiyes d'asturianu y gallego-asturianu. Amás, desixen que s'igüen tolos currículums, incluida la d'Educación Infantil, «pa que se recueya esplicitamente'l nuesu padrimoniu llingüísticu y mentes nun lo faigan s'atiendan toles demandes».
Pal sindicatu educativu, l'entamu del cursu pue titulase «fuera de la llei» al nun cumplir cola llexislación vixente sobre la materia. «Entamó'l cursu y la mayoría los centros nun ufiertaron al alumnáu d’infantil la enseñanza d'asturianu, munchos centros solicitaron ufiertar estes enseñances y dende’l Serviciu Inspeición, cola supervisión del Conseyeru, denegóse esta pitición», señalen. Según el sindicatu, nel ámbitu de los recortes nes plantiyes les places ufiertaes de llingua en Primaria mermaron en 16 y cerca del 50% son a media xornada. «Estos recortes en personal tradúcense na merma de la calidá de la enseñanza coles ratios al máximu en Primaria y la eliminación de l’atención al alumnáu d’Infantil en delles de les poquísimes escueles onde los y les escolines d’esta etapa recibíen enseñu de llingua, porque solo’l 12% del alumnáu d’Educación Infantil recibía’l cursu pasáu clases de Llingua o Gallego-Asturianu», afirmen.
Suatea califica la situación de la Educación Secundaria y Bachilleratu de «llaceriosa». Según afirmen, ye consecuencia de la competencia del aria con otres «al ser non solo voluntaria sinón tamién optativa, contraviniendo asina la Llei d'Usu.
Fonte: Les Noticies
N'Asturies hai grandes problemes escontra l'asturianu: col anterior Conseyeru d'Educación ya problemes con esti nuevu d'agora. Les problemes son les órdenes taxantes d'economizar toles perres posibles (Musel, Hospital y otres causes derivaes de la mala alministración) del Presidente'l Principau sr. Tini Álvarez Areces que tá arruinando les posiblidaes de la llingua na escuela infantil, na primaria, na secundaria, nel Senao, nel apoyo económicu del Estau a les llingües cooficiales... cola so negativa frontal a la oficialidá de la Llingua (cuidau que también tá apoyau nesti tinglau por IXunía)Otra vegada tamos perdiendo'l tren y la oportunidá de la cooficialidá pernecesaria nestos momentos. Suatea tá tirando pallantre; pero onde tán agora UGT, CCOO, ANPE, CSIF... parez que escuéndense y callen (agradecíos) pol apoyo'l gobiernu na fracasá güelga xeneral del di 29. Non podemos cexar nel intentu pola oficialidá nestos momentos d'oporunidá manifiesta.
ResponderEliminarLa oficialidá ta al cayer. Igual l'añu qu'entra, dempués de les elleiciones nacionales. ¡Puxa Asturies!.
ResponderEliminarSr. Tini oficialidá ya.
ResponderEliminarEsti presidente non oficializará la llingua y el psoe tampoco, ni agora ni dempués con otru presidente socialista peyor que venga, y que amás dexará a esti como un santo.
ResponderEliminarSuatea diz que la situación na secundaria ya bachilleratu ye llaceriosa; diz la verdá. UGT y CCOO, ANPE ya CSIF ¿porqué tán callaínos como tumbes? ¿"descansen" agradecíos al gobiernín asturianu pol so apoyu tras la fallía güelga xeneral? ¿Onde tán agora los sos lliberaos? Perbién pol Suatea que ye llegal, l'únicu que trabaya dabondo pola llingua asturiana nel enseñu.
ResponderEliminar