Uiquimaratón en Samartín del Rei Aureliu'l Día Internacional de la Llingua Materna del 21 de febreru

El 21 de febreru, coincidiendo col Día Internacional de la Llingua Materna va desendolcase nel conceyu de Samartín del Rei Aurelio un taller de presentación del proyeutu y d'edición de la Wikipedia y una Uiquimaratón d'artículos rellacionaos col mesmu (incluyendo la xuba d'imáxenes venceyaos a los mesmos). Na xornada proponse escribir del Conceyu y de la hestoria del mesmu, asina como del so patrimoniu cultural. La Uiquipedia, una enciclopedia llibre en 277 idiomes, tien ya na so versión n'asturianu 19,395 artículos. La enciclopedia dixital más conocida de la rede superó en marzu de 2008 los 11.000 artículos na so edición n’asturianu y los responsables de la mesma entamaron dende entós “non tanto a medrar en númberu como facelo en calidá de los artículos”. Pa ello, entamaron d'aquella la “La Quincena a Sestaferia” un proyectu “col envís d’ameyorar, enachar y encadarmar la Uiquipedia a lo llargo de quince díes”. La idea de los responsables ye “facela más útil” y afitala “como una ferramienta pal espardimientu del asturianu na rede”. En Payares de 2013 cellebraríase la segunda edición d'es Sestaferia. La edición n'asturianu de la Wikipedia perpasó n'Ochobre del añu pasáu los 19.000 artículos, con una entrada sobro la 'Hestoria de la Llingua catalana' que foi a ser la númberu 19.000. Un fechu que s'algamó dientro de la I Nit de la Llengua al Món Dixital, celebrada en Barcelona y na que Vítor Suárez participó en representación de la llingua asturiana, como Vicepresidente d'Iniciativa pol Asturianu. La Uiquipedia asítiabase asina, depués de cásique 10 años de xera dende qu'entamra en 2004, como l'idioma númberu 100 con más artículos nesta enciclopedia dixital, 63 posiciones perbaxo del puestu 37 qu'ocupaba nel 2005, cuando la 'wiki' n'asturianu cuntaba con 3.000 entraes y yera una de les más actives. Anguaño'l crecimientu de la Uiquipedia n'asturianu ye enforma más sele y nun algama les mil entraes por añu, razón pola que se vien agora a sofitar un llamamientu a los interesaos en collaborar pa que seyan más activos. Fonte: Asturnews

La Uiquipedia n'asturianu entama la II Quincena a Sestaferia

La Uiquipedia n'asturianu entama la II Quincena a Sestaferia hasta'l 9 d'avientu col oxetivu d'ameyorar conteníos Quieren iguase errores ortográficos, de uiquificación o de conteníu, estandarizando al mesmu tiempu'l rexistru llingüisticu P. Morán La Uiquipedia n'asturianu vieno acabante d'entamar esti llunes pasáu la II Quincena a Sestaferia que va desenvolveses hasta'l 9 d'avientu col oxetivu d'ameyorar conteníos. La Quincena a sestaferia ye un proyeutu que foi entamáu al envís d'ameyorar, enantar y encadarmar la Uiquipedia a lo llargo d'un periodu de quince díes y d'esta miente, ufrir y consiguir una mayor calidá del proyeutu d'enciclopedia llibre n'asturianu, faciendo d'ésta una erbía más útil y dexando afitada una ferramienta perbona y afayadiza pal espardimientu del asturianu na rede. A lo llargo d'estos quince díes lo que se pretende algamar ye una meyora de los conteníos de la enciclopedia, iguar erros ortográficos, de uiquificación o de conteníu, estandarizando al mesmu tiempu'l rexistru llingüisticu y categorizando y remocicando les páxines. El trabayu d'estos quince díes quier facese especialmente empobináu a les seiciones del Tradubot, que son los artículos que se refieren a los acontecimientos hestóricos rexistraos nos distintos años que van dende 1201 a anguañu. Non tolos artículos qu'han ser iguaos a lo llargo de la Quincena a sestaferia apaecen nos enllaces del proyeutu, polo que ye necesario güeyar categoríes y llistes d'artículos. Exemplu: Non toles plantíes de los países son iguales, ye una cosa a remocicar y nun apaez en nengún enllaz. Los organizadores de la Quincena encamienten amás que ye importante procurar nun crear artículos sinón remocicar los yá esistentes. Una hestoria de cásique 10 años La edición n'asturianu de la Wikipedia perpasó n'Ochobre los 19.000 artículos, con una entrada sobro la 'Hestoria de la Llingua catalana' que foi a ser la númberu 19.000. Un fechu que s'algamó dientro de la I Nit de la Llengua al Món Dixital, celebrada en Barcelona y na que Vítor Suárez participó en representación de la llingua asturiana, como Vicepresidente d'Iniciativa pol Asturianu. La Uiquipedia asítiabase asina, depués de cásique 10 años de xera dende qu'entamra en 2004, como l'idioma númberu 100 con más artículos nesta enciclopedia dixital, 63 posiciones perbaxo del puestu 37 qu'ocupaba nel 2005, cuando la 'wiki' n'asturianu cuntaba con 3.000 entraes y yera una de les más actives. Anguaño'l crecimientu de la Uiquipedia n'asturianu ye enforma más sele y nun algama les mil entraes por añu, razón pola que se vien agora a sofitar un llamamientu a los interesaos en collaborar pa que seyan más activos. Fonte: Asturnews

La Uiquipedia perpasa los 19.000 artículos

POR IVÁN LLERA La Uiquipedia n'asturianu algama los 19.000 artículos

La Uiquipedia n'asturianu algama los 19.000 artículos 19,002 páxines de conteníu. La edición n'asturianu de la Wikipedia perpasó esti fin de selmana los 19.000 artículos. La entrada 'Hestoria de la Llingua catalana' convirtiose na númberu 19.000. Un fechu alcanzáu dientro de la I Nit de la Llengua al Món Dixital, celebrada'l vienres en Barcelona y na que Vítor Suárez participó en representación de la llingua asturiana. La Uiquipedia asítiase asina como l'idioma númberu 100 con más artículos nesta enciclopedia dixital, 63 posiciones perbaxo del puestu 37 qu'ocupaba en 2005, cuando la 'wiki' n'asturianu cuntaba con 3.000. La Uiquipedia espublizó'l so primer testu el 2 d'agostu de 2004. Dende entós, el ritmu de crecimientu foi constante y n'apenes seis meses algamose la cifra de los 3.000 artículos. En 2007, yá yeren 10.000. Anguaño'l crecimientu ye más llentu y malapenes suma mil entraes por añu. "Inflúi la escasa alfabetización real nel nuesu idioma. Munchos de los falantes d'asturianu nun lleen, nin muncho menos escriben n'asturianu y a la hora de buscar un artículu diríxense direutamente a la Wikipedia n'español y en dellos casos, n'inglés", esplicó Vítor Suárez. La situación de la Wikipedia n'asturianu contrasta cola edición en catalán, que ya suma 412.395 artículos y ocupa'l puestu 17 de la enciclopedia, penriba d'otres llingues con más falantes, como'l coreanu (23) y el turcu (30). Tamién disfruten de bona salú l'eusquera, con 159.719 testos (puestu 36), y el gallegu, con 106.288 (45). L'asturianu nin siquiera ye capaz de competir col aragonés, que supera a la llingua en más de 10.000 artículos. Con 29.440, ocupa'l puestu 80 de les 287 coles que cunta la 'wiki'. Fonte: Quéyeho!

Yá hai 14.000 artículos na Uiquipedia

Uiquipedia, la enciclopedia llibre en llingua asturiana, cumplió la selmana cabera los 14.000 artículos espublizaos. De les ediciones en 278 llingües estremaes, Uiquipedia asítiase nel puestu 88 en cuantes a bayura de conteníos.

El proyeutu Uiquipedia nació nel añu 2004 al rodiu del proyeutu internacional de Wikipedia.

Dende esa fecha, nun aparó de medrar y en seyes años yá algamó 14.000 artículos espublizaos.
Pesia los avances, la enciclopedia llibre n’asturianu nun algama la cantidá d’artículos que tienen les versiones n’otres llingües averaes como’l gallegu o l’aragonés.

Fonte: Asturies.com