La XDLA dulda si tien sentíu caltener la TPA y la so xeneración de deuda

Na semeya d'arquivu, Antonio Virgili 

  “¿Tien sentíu que paguemos una radio que ta pa poner lo mesmo que pue sonar en Cadena Dial o Los 40?” Con esta entruga retórica la Xunta pola Defensa de la Llingua (XDLA) asoleyaba esti llunes día 2 un comunicáu nel que se plantegaba si ye’l momentu de reflexonar alrodiu la utilidá de caltener la TPA y los costos económicos que supón.

  El movimientu de reivindicación llingüística siempre defendió la existencia d’una canal autonómica, pero nun comunicáu asoleyáu ayeri llunes, la XDLA , pidía reflexonar si  “nestes condiciones, onde RTPA namás ta al serviciu de los caprichinos d’Antonio Virgili y pa incumplir la llexislación vixente, ye’l momentu de facer un llamáu a la sociedá asturiana pa que reflexone sobre si tien sentíu mantenelos”.

  El comunicáu entamaba faciendo alcordanza de qu’acabamos l’añu nel que RTPA tuvo celebrando una década d’existencia y plantegando que “no que tien que ver col compromisu que marca la llei cola difusión de la llingua propia, foron diez años con munches sombres y mui poques lluces. Con too, nun vamos dir tan p’atrás; vamos quedar nos últimos 365 díes. Y ye qu’hai poco más d’un añu viemos a un conseyeru d’Educación y Cultura afirmando que RTPA diba dexar d’usar l’asturianu pa facer chancia. Tamién viemos a un director xeneral de RTPA asegurando que yera partidariu del usu del nuestru idioma nos medios públicos. Y viemos a una mayoría de la Xunta Xeneral aprobando’l proyectu d’un plan de dignificación que falaba d’usar la radio y la televisión públiques como ferramienta de normalización llingüística”.

  

  Sicasí, pasaron 365 díes y “a pesar de los reportaxes trunfalistes sobre tolo bono que supuestamente fixeron en TPA nestos últimos años, col usu del nuestru idioma too sigue igual. L’asturianu namás val pa les pingarates, pa da-y un toque de color y d’humor a una emisora que bien podría emitir dende Madrid -por muncho que nos echen en cara que de vez en cuando van peles caleyes, como si eso yá valiera pa xustificar la so existencia-. Asina, l’usu de la toponimia oficial va p’atrás, nun aparecen programes d’entretenimientos nuevos con un tratamientu dignu pa la cultura asturiana, l’idioma sigue arrequexáu nos usos diglósicos ensin nengún procuru cola corrección y calidá, la programación infantil n’asturianu emítese ensin promoción nos fines de selmana -nuna canal onde l’espectador mediu tien más de 50 años-… “

  Nestes condiciones, la RTPA funciona “como’l güertu priváu d’Antonio Virgili y amigos, los que diseñen una programación con pocu o nengún interés, amás de mui baxa calidá. A pesar de too esto, la oposición calla gracies a unos puestos directivos nuevos a repartir a deu ente PSOE, PP y IX. ¿De qué valen les promeses electorales énte la posibilidá de colocar a ún de los nuestros nel conventu? Eso sí, pa llavar la cara echamos dalgún partíu o película n’asturianu de manera residual y con muncha improvisación. Sicasí, parez qu’a los asturianos esto nun-yos val”.

  Y ye que la TPA vuelve zarrar añu rexistrando mínimos históricos, mentes que RPA parez nun existir pa la mayor parte de la ciudadanía: “los asturianos -los pocos que vemos y sentimos RTPA- asistimos plasmaos a una televisión onde l’usu del idioma ye, amás de marxinal, diglósicu, vulgar y centráu no folclórico. Nel casu de la radio, l’asturianu aparez como pingarates a lo llargo de la programación, mentes que la música nesti idioma parez nun existir. ¿Tien sentíu que paguemos una radio que ta pa poner lo mesmo que pue sonar en Cadena Dial o Los 40?”

  El Comunicáu fina con una dura crítica al papel d’aculturación de la TPA: “Estos medios nun son más qu’una ferramienta de sustitución llingüística y d’aculturación. El movimientu de reivindicación llingüística siempre defendió la so existencia, pero nestes condiciones, onde RTPA namás ta al serviciu de los caprichinos d’Antonio Virgili y pa incumplir la llexislación vixente, ye’l momentu de facer un llamáu a la sociedá asturiana pa que reflexone sobre si tien sentíu mantenelos, amás de pagar la deuda xenerada polos sos xestores”.                                                Fonte: asturnews.com

La XDLA crítica la política de programación diglósica d’Antonio Virgili

Antonio Virgili, director xeneral de RTPA

  Más de seis meses depués de la renovación nel cargu d’Antonio Virgili, director xeneral de RTPA, laXunta Pola Defensa de la Llingua diz ver ” los primeros resultaos de la xestión d’una persona que diz ser “partidaria” del asturianu: la programación n’asturianu ta baxo mínimos -más baxo mínimos de lo que yá taba-, nun existe programación infantil y xuvenil n’asturianu y hai añu y mediu que nun se dobla nenguna película al asturianu”.

  Pa la Xunta Pola Defensa de la Llingua, “otru tanto se pue dicir de la RPA, onde la presencia del nuestru idioma y la nuestra música ocupa tantu espaciu como’l que-y dedica cualquier emisora de Madrid qu’emite en desconexón p’Asturies. Mentanto, la producción cultural nin asoma nos TPA Noticias, que son siempre en castellanu, menos na Selmana de les Lletres, onde s’usa l’asturianu pa falar del asturianu y ehí acabó esti añu la programación especial”.

  Nos conteníos en castellanu de la programación “usase l’idioma -o lo que’l presentador de turnu entiende que ye asturianu, que pue ser falar con verbos compuestos pero dicir ye y acabar les palabres en -ina, too ello mentes los gráficos van en castellanu-d’una forma diglósica, como una manera d’averase al espectador, pero dando la sensación de que l’asturianu nun ye una llingua; ye una manera de falar con determinaes “palabrines” diferentes del castellanu, que, nel fondu, ye la llingua seria, la que val”.

  Un exemplu d’esto ye la última estrena de RTPA: La batalla de los pueblos, “un formatu televisivu d’éxitu nos noventa -parez que n’Asturies vamos siempre con retrasu y non solo nes coses de los derechos llingüísticos y de los medios de comunicación públicos-. Nesti espaciu, incúmplese sistemáticamente la toponimia oficial y l’asturianu namás qu’aparez pa llamar les pruebes, con palabrines mui nuestres como xata o patatines. Pruebes, por cierto, tan identitaries como un güe con pintes -pa da-y un toque astur de vaca frisona- y un paisanu enriba con una montera picona. Too ello mentes la presentadora diz que ponga la montera, “como buen asturiano”. La TPA siempre dando exemplu d’asturianía”.

  Hai que recordar qu’esti espaciu ye ún de los más caros producíos hasta la fecha pola RTPA, “a lo qu’hai que sumar la creación de tres cargos directivos nuevos pal equipu d’Antonio Virgili. Parez que la prórroga presupuestaria namás ye sida pa Virgili si se fala de normalizMás de seis meses depués de la renovación nel cargu d’Antonio Virgili, director xeneral de RTPA, laXunta Pola Defensa de la Llingua diz ver ” los primeros resultaos de la xestión d’una persona que diz ser “partidaria” del asturianu: la programación n’asturianu ta baxo mínimos -más baxo mínimos de lo que yá taba-, nun existe programación infantil y xuvenil n’asturianu y hai añu y mediu que nun se dobla nenguna película al asturianu”.

  Pa la Xunta Pola Defensa de la Llingua, “otru tanto se pue dicir de la RPA, onde la presencia del nuestru idioma y la nuestra música ocupa tantu espaciu como’l que-y dedica cualquier emisora de Madrid qu’emite en desconexón p’Asturies. Mentanto, la producción cultural nin asoma nos TPA Noticias, que son siempre en castellanu, menos na Selmana de les Lletres, onde s’usa l’asturianu pa falar del asturianu y ehí acabó esti añu la programación especial”.

  Nos conteníos en castellanu de la programación “usase l’idioma -o lo que’l presentador de turnu entiende que ye asturianu, que pue ser falar con verbos compuestos pero dicir ye y acabar les palabres en -ina, too ello mentes los gráficos van en castellanu-d’una forma diglósica, como una manera d’averase al espectador, pero dando la sensación de que l’asturianu nun ye una llingua; ye una manera de falar con determinaes “palabrines” diferentes del castellanu, que, nel fondu, ye la llingua seria, la que val”.

  Un exemplu d’esto ye la última estrena de RTPA: La batalla de los pueblos, “un formatu televisivu d’éxitu nos noventa -parez que n’Asturies vamos siempre con retrasu y non solo nes coses de los derechos llingüísticos y de los medios de comunicación públicos-. Nesti espaciu, incúmplese sistemáticamente la toponimia oficial y l’asturianu namás qu’aparez pa llamar les pruebes, con palabrines mui nuestres como xata o patatines. Pruebes, por cierto, tan identitaries como un güe con pintes -pa da-y un toque astur de vaca frisona- y un paisanu enriba con una montera picona. Too ello mentes la presentadora diz que ponga la montera, “como buen asturiano”. La TPA siempre dando exemplu d’asturianía”.

  Hai que recordar qu’esti espaciu ye ún de los más caros producíos hasta la fecha pola RTPA, “a lo qu’hai que sumar la creación de tres cargos directivos nuevos pal equipu d’Antonio Virgili.

  Parez que la prórroga presupuestaria namás ye sida pa Virgili si se fala de normalizar l’asturianu, de contratar a productores del país o de facer doblaxes, pero les perres nun importen si ye cuestión d’ayudar a les empreses afines y de meter más cargos na dirección. Too esto mentes la Dirección Xeneral de Planificación Llingüística y Normalización, que tien venti veces menos presupuestu que RTPA, entamó y pagó un cursu d’asturianu pa los trabayadores de la cadena”.ar l’asturianu, de contratar a productores del país o de facer doblaxes, pero les perres nun importen si ye cuestión d’ayudar a les empreses afines y de meter más cargos na dirección. Too esto mentes la Dirección Xeneral de Planificación Llingüística y Normalización, que tien venti veces menos presupuestu que RTPA, entamó y pagó un cursu d’asturianu pa los trabayadores de la cadena”. Fonte: asturnews.com

Podemos denuncia l'incumplimientu del pautu d'investidura sobre l'asturianu na RTPA

 Cien díes de Virgili ensin novedaes pa col asturianu

Sorpréndese pola ausencia de programes nuevos en llingua asturiana na programación de RTPA que Virgili presentó recién nel conseyu d'alministración del ente públicu.

Tres sobrepasar la llende de los sos cien primeros del alcuerdu ente FSA-PSOE, IX y PP pa confirmar como direutor xeneral de la RTPA a Antonio Virgili, Podemos Asturies denuncia la falta de compromisu pa col asturianu del periodista, "incumpliendo asina'l pautu d'investidura pol que salió escoyíu presidente del Principáu Javier Fernández, colos votos del PSOE y Izquierda Unida". Nél, los socialistes comprometíense "a incrementar la presencia de la llingua asturiana nos medios de comunicación asturianos de titularidá pública".

"Esti fechu amuesa qu'en materia de política llingüística'l problema nun ye presupuestariu, como indicaba recién nos medios de comunicación el conseyeru d'Educación y Cultura, Genaro Alonso, sinón de falta de voluntá política a la hora d'utilizar RTPA como ferramienta pa poner en valor la realidá llingüística presente na sociedá asturiana y como elementu social de cohesión, equidá y modernidá", señalen dende Podemos. Por ello anímenlu a concienciar a los sos compañeros nel Gobiernu "sobre la necesidá de presentar un proyeutu de presupuestos nuevu que puxe por diches polítiques, asina como otres qu'afeuten a la inmensa mayoría de persones na nuesa comunidá autónoma".

"Por si esa propuesta nun algamara l'ecu deseáu nel Conseyu de Gobiernu del que forma parte, el Grupu Parllamentariu de Podemos Asturies espresa la so voluntá d'apoyar y collaborar con una batería de propuestes pa la normalización de la llingua que nun supongan costu dalgún pa les arques de l'Alministración asturiana", poniendo como exemplu'l Día Internacional de la Llingua Materna, que se celebra'l domingu. "Podría ser la fecha idónea pa demostra-y a la sociedá asturiana que, pese a las discrepancies que tengamos en delles polítiques, el respetu y compromisu de futuru pa coles llingües que conviven n'Asturies pueden ser motivu de consensu ente toles fuercies polítiques con representación nel Parllamentu asturianu", afirma.

Fonte: asturies.com

La XDLA noma de desastrosa la xestión de RTPA nel entamu 2016

Antonio Virgili, director xeneral de RTPA 

  La Xunta Pola Defensa de la Llingua (XDLA) atalanta que la xestión de RTPA ye desastrosa depués d’entamar 2016 cola cifra más baxa d’audiencia (4%) y escaercer otra vuelta l’asturianu al tiempu que carga les tintes col equipu directivu.La XDLA camienta que la culpabilidá de la situación qu’atraviesa la RTPA con audiencies enforma baxes tienla la “inacción del Gobiernu asturianu” que fai peligrar a la cadena pública y marxinen al asturianu: “Emitir espacios infantiles n’asturianu ensin avisar y programar un conciertu de la cantante sevillana Tamara dan bona idea del interés d’Antonio Virgili pola nuestra cultura”.

 Como fai alcordanza la organización de defensa del idioma nun duiru comunicáu, Ximo Puig, presidente socialista de la Generalitat valenciana, afirmó hai meses que pal valencianu, RTVV yera una cuestión de vida o muerte, “porque ye una llingua qu’aguantó tres sieglos ensin oficialidá, pero que nun pue aguantar agora ensin televisión”. Les palabres del líder del socialismu valencianu “choquen cola situación d’Asturies, onde PSOE, PP y IX punxéronse d’alcuerdu pa renovar l’equipu xestor d’Antonio Virgili, los mesmos que se nieguen a normalizar l’usu del asturianu nes emisiones”.

 Y ye que’l problema pa la XDLA vese a les clares nos datos: “empezamos 2016 y vemos que, a pesar de les palabres, la situación sigue igual, col asturianu arrequexao na programación y onde nun se cumple nin la llexislación llingüística vixente nin la toponimia oficial. La ineptitú de Virgili y les sos manes dereches -amás d’una Conseyería de Presidencia y otra de Cultura que paez que nun quieren o nun saben nesti asuntu- fai que TPA pieslle l’añu con un 5,2% de media, 0,6 puntos menos que l’añu pasáu. Amás, la cadena empezó’l 2016 con un mínimu históricu del 4%”.

 Na opinión de la Xunta son unos datos a los que van tener que responder, “los que fixeron l’apueste por renovar ¡pa seis años! al equipu xestor que llevó a los medios públicos a esta situación: la de la desconexón dafechu cola sociedá asturiana”. NA XDLA dicern asistir plasmaos a una televisión onde l’usu del idioma ye, amás de marxinal, diglósicu, vulgar, rural y folclóricu: “El folclore ye interesante y necesariu porque ye parte de la nuestra cultura, pero tamién ye necesario mostrar que l’idioma propiu pue ser vehículu pa falar d’una cultura moderna, urbana, contemporánea, critica y profesional. Nun se pue facer namás una televisión de fiestes y folclore rural. Un exemplu ye la programación de Navidá, onde RTPA perdió la oportunidá d’aprovechar la potencia simbólica d’unes feches tán señalaes, porque la programación especial val p’afitar la marca de la televisión, nesti casu de televisión asturiana”.

 Les preguntes retóriques nun son nueves: “¿Pa qué se reponen series infantiles doblaes al nuestru idioma ensin facer nenguna promoción? Va tar malo de qu’estos productos tengan una mínima audiencia si s’emiten ensin avisar ¡nuna canal onde l’espectador mediu tien más de 50 años! Ye una xugada que muestra lo “partidarios” que son los xestores que nos impunxeron”.

 Y ye que la programación n’asturianu lloñe de meyorar aprobez sigún amuesen los datos recoyíos pola Xunta Pola Defensa de la LLingua: “La única “novedá” foi la repetición de delles películes doblaes al asturianu -ye de reseñar qu’en tol añu 2015 nun se trabayó en nengún doblaxe al nuestru idioma, porque RTPA quier más pagar a empreses de Madrid y multinacionales de Hollywood-. A pesar de que dalguna de les películes yá tuvieron cinco pases, les dos producciones axuntaron en total a 30.000 espectadores. Por exemplu, una película de la saga de Harry Potter emitida en castellanu -saga que venimos solicitando que se doble al asturianu- tuvo 6.000 espectadores”. Los datos hai tiempu que vienen amosando  que’l doblaxe ye estratéxicu como exe de la normalización.

 Sicasí, les tintes carguense na XDLA cola direición de la cadena: “Antonio Virgili y el so equipu parez que nun aprienden, quieren siguir nel so puestu xugando a dirixir una televisión que podría emitir guapamente en Valladolid o en Toledo, esbaratando’l presupuestu mentes lleven un sueldu bien curiosu como premiu”.

 Les crítiques exemplifíquense notru casu de llocos. Na tarde del 5 de xineru -con repetición al otru día- TPA emitía un conciertu de la cantante sevillana Tamara: “Lo lóxico -lo coherente, lo que manda la llexislación- sería centrase na música asturiana y non nuna cantante que yá tien TVE o Tele5 pa promocionase, pero RTPA y Virgili quieren más a Tamara. Non, na nuestra televisión nun vamos ver a Tejedor, Tuenda, Dixebra, Los Berrones, Toli Morilla o a los Sones de Navidá, una gala celebrada en Grau centrada na música tradicional de la Navidá y que RTPA nun emitió”.

 De la mesma manera, col 2016 ya s’empiecen a anunciar programes nuevos, y na Xunta Pola reclamen que nun saben un res “d’espacios nel nuestru idioma, situación a la que van tener que responder los que se comprometieron a normalizar l’usu del asturianu en RTPA y esos que se nieguen a cumplir cola llexislación vixente”.                  Fonte: asturnews.com

Virgili diz ser partidariu de la llingua asturiana

Antonio Virgili, direutor xeneral de la RTPA

  RTPA podría participar na creación d'una canal de cultura celta xunto con otres televisiones.

 Antonio Virgili, previsiblemente direutor xeneral de la RTPA tres l'alcuerdu algamáu por PSOE, PP y IX pa la so continuidá nun cargu que lleva exerciendo en funciones dende'l 2011, participó ayeri na Xunta Xeneral nuna comparecencia na que tamién tomaron parte los miembros propuestos polos grupos parllamentarios pa forma el conseyu d'alministración nuevu del ente públicu de comunicación. Nél el periodista mostróse partidariu de la llingua asturiana y comprometióse a sumar más conteníos nesi idioma.

 Hai que recordar que'l so nomamientu nun foi bien recibíu nin pola Xunta pola Defensa de la Llingua Asturiana nin por Iniciativa pol Asturianu. Dambos organizaciones consideren que dende que llegó al cargu la situación del asturianu na RTPA nun tuvo avance nengún.

 Otra manera, Virgili afitó como oxetivu nesta etapa nueva una restructuración de la plantiya actual pa saca-y más rendimientu y defendió la independencia del ente. Tamién anunció les negociaciones pa la creación d'una canal de temática celta de nome 'Celtic Channel' xunto con otres televisiones, ente elles la BBC británica, que tendría conteníos específicos sobre la cultura atlántica.                                                                               Fonte: asturies.com