Los llectores d'Asturies.com opinen que la perda de falantes nun ye un mitu

Ana María Cano en Alderiques d'Asturies, plan de dignificacion recortáu

  Un 72 por cientu de los usuarios d'Asturies.com considera que la perda de falantes nun ye un mitu, como apuntó Ana María Cano en 'Alderiques d'Asturies'. El 28 por cientu ve un mayor usu del idioma y en más ámbitos, según el resultáu del nuesu 'Conceyu Abiertu'.

  "La perda de falantes creo que ye un mitu. Hai que facer una encuesta en serio a ver cuántos falantes perdemos. Cada vez siento falar a más xente en llingua asturiana y en dellos ámbitos", afirmaba la presidenta de l'Academia de la Llingua Asturiana nel programa conducíu por Samuel Gradín qu'emite en MuyMuy Televisión. Una opinión que nun comparte la mayoría de los nuesos usuarios que participaron na encuesta plantegada la selmana pasada.

  Dende esti momentu yá ye posible votar nun 'Conceyu Abiertu' nuevu. Nesta ocasión queremos conocer la so opinión sobre la zuna de Mercedes Fernández, diputada y presidenta del PP d'Asturies, col asturianu.                                                Fonte: asturies.com     

Ana Cano: “La perda de falantes creo que ye un mitu”

La presidenta de l’Academia de la Llingua Asturiana (ALLA), Ana María Cano, protagonizó’l programa d’Alderiques d’Asturies, que s’emite los sábados en MuyMuy Televisión. Nella trató temes d’actualidá y faló de la oficialidá y del llabor académicu.

Samuel Gradín, conductor del programa, contó nesta ocasión col sofitu de los periodistes Pablo R. Guardado, redautor d’Asturies.com, y Inaciu Galán, presidente d’Iniciativa pol Asturianu, nun formatu novedosu dientro d’Alderiques d’Asturies. Demientres 40 minutos, Cano respondió les entrugues plantegaes por estos profesionales, asina como delles feches por ciudadanos al traviés de les redes sociales.

N’Asturies.como facemos una escoyeta de dalgunes de les declaraciones más destacaes de la presidenta de l’ALLA:

1. Soi una persona positiva per naturaleza, pero’l balance realista del añu 2015 no que respeuta a la llingua foi un poco más de lo mesmo. Los pequeños avances que se llogren vienen pol enfotu de persones particulares o grupos de xente por sacar coses alantre.

2. L’anuncia de que se van facer programes d’educación d’inmersión llingüística ye extraordinaria. Si se llogra sería la meyor noticia en munchísimu tiempu.

3. Si queremos facer normal la llingua hai que recuperar la toponimia. Lo menos que se pue pidir a les alministraciones ye respetar la toponimia oficial.

4. Si l’Academia tuviere la centésima parte del presupuestu que tienen les otres academies del Estáu español, el cien por cien de la población falaba asturiana y normalizao too dende hai munchísimu tiempu, porque col presupuestu que tenemos facemos milagros.

5. La conciencia llingüística d’unidá de la llingua ye clarísima.

6. La perda de falantes creo que ye un mitu. Hai que facer una encuesta en serio a ver cuántos falantes perdemos. Cada vez siento falar a más xente en llingua asturiana y en dellos ámbitos.

7. Fai unos cuantos años esto que facemos agora –en referencia al programa– nun sería posible y yo puedo esplicar clase n’asturianu na facultá y enantes nun yera posible; esaminase n’asturianu tampoco.

Fonte: Asturies.com

Ana Cano: “La conciencia llingüística d’unidá de la llingua ye clarísima”

La presidenta de l’Academia de la Llingua Asturiana (ALLA), Ana María Cano, protagonizó’l programa últimu d’Alderiques d’Asturies, que s’emite los sábados en MuyMuy Televisión. Nella trató temes d’actualidá y faló de la oficialidá y del llabor académicu.

Samuel Gradín, conductor del programa, contó nesta ocasión col sofitu de los periodistes Pablo R. Guardado, redautor d’Asturies.com, y Inaciu Galán, presidente d’Iniciativa pol Asturianu, nun formatu novedosu dientro d’Alderiques d’Asturies. Mientres 40 minutos, Cano respondió les entrugues plantegaes por estos profesionales, asina como delles feches por ciudadanos al traviés de les redes sociales.

N’Asturies.com facemos una escoyeta de dalgunes de les declaraciones más destacaes de la presidenta de l’ALLA:

-Soi una persona positiva per naturaleza, pero’l balance realista del añu 2015 no que respeuta a la llingua foi un poco más de lo mesmo. Los pequeños avances que se llogren vien pol enfotu de persones particulares o grupos de xente por sacar coses alantre.

-L’anuncia de que se van facer programes d’educación d’inmersión llingüística ye extraordinaria. Si se llogra sería la meyor noticia en munchísimu tiempu.

-Si queremos facer normal la llingua hai que recuperar la toponimia. Lo menos que se pue pidir a les alministraciones ye respetar la toponimia oficial.

-Si l’Academia tuviere la centésima parte del presupuestu que tienen les otres academies del Estáu español, el cien por cien de la población falaba asturiana y normalizao too dende hai munchísimu tiempu, porque col presupuestu que tenemos facemos milagros.

-La conciencia llingüística d’unidá de la llingua ye clarísima.

-La perda de falantes creo que ye otru mitu. Hai que facer una encuesta en serio a ver cuántos falantes perdemos. Cada vez siento falar a más xente en llingua asturiana y en dellos ámbitos. Fai unos cuantos años esto que facemos agora –en referencia al programa– nun sería posible y yo puedo esplica clase n’asturianu na asturianu y enantes nun yera posible; esaminase n’asturianu tampoco.

Mazcaraes d’iviernu, temática del programa nuevu

Esti sábadu, a les 19.30 hores, va emitise un programa nuevu d’Alderiques d’Asturies en MuyMuy Televisión, canal qu’emite na plataforma de cable Telecable y que tien cobertoria per TDT nos conceyos de Gozón, Carreño, Xixón, Villaviciosa y Colunga. Nesta ocasión va centrase nes mazcaraes de iviernu.
Fonte: asturies.com

Ana Cano, entrevistada n'Alderiques d'Asturies

Va ser el sábadu a les 19.30 hores en MuyMuy Televisión, canal qu'emite al traviés de Telecable y en Xixón y redolada pela TDT.

Ana María Cano, presidenta de l'Academia de la Llingua Asturiana, ye la primer convidada d'esti formatu nuevu d'Alderiques d'Asturies na qu'amás del conductor Samuel Gradín, la persona entrevistada respuende les entrugues de dos periodistes, nesti casu del redautor d'Asturies.com Pablo R. Guardado y d'Inaciu Galán, presidente d'Iniciativa pol Asturianu. Les polémiques recientes sobre la toponimia o la rellación col actual Gobiernu son dalgunos de los temes a tratar nesti programa que tien como sede la Casa les Radios de Suares (Bimenes).

Alderiques d'Asturies dio'l saltu recién a la televisión al traviés de la canal MuyMuy Televisión, que s'emite na plataforma de cable Telecable y que tien cobertoria per TDT nos conceyos de Gozón, Carreño, Xixón, Villaviciosa y Colunga.

Fonte: Asturies.com

Un añu de televisión 100% n'asturianu

Prestaríanos celebrar nesti xineru de 2015 un añu d’emisiones 100% n’asturianu na radiotelevisión pública. Pero magar los pasinos daos esti añu con unes mínimes esperiencies col doblaxe y la programación infantil, ente otros conteníos, la RTPA sigue siendo un mediu de comunicación estrañu, fuera de lo común nun territoriu con llingua propia. Gallegos, vascos, catalanes, baleares… toos tienen una televisión cola so llingua propia como llingua principal de la mesma.

Siguimos viendo imprescindible que la RTPA seya un mediu que sirva pa normalizar l’asturianu y non p’agrandar la diglosia y la marxinalidá del asturianu, como llingua pa la chancia, pa lo poco serio, namás pa lo rural y lo tradicional nel meyor de los casos. Sicasí, mientres trabayamos pa consiguilo contra la falta de voluntá política y la rocea pa col asturianu de los sos responsables, nun podiamos tar paraos.

La sociedá civil respuende con fuercia a esta falta de proyectu seriu pa la RTPA cola apaición d’Alderiques d’Asturies, el proyeutu de televisión 100% n’asturianu que ñació de la primer esperiencia de nueso nos medios, Iniciativa pol Asturianu nes ondes. Un programa de radio selmanal que consiguimos emitir en más d’una docena d’emisores nel territoriu asturianu  y que lleva yá un llargu camín, siendo voceru de la situación del asturianu y tolo qu’arrodia a la nuesa llingua.

Dende Iniciativa pol Asturianu, y en collaboración con Infoasturies y Conocer Asturias  siempres vimos nel proyectu d’Alderiques d’Asturies un elementu imprescindible pa la comunidá asturfalante, p’Asturies en xeneral. Y un añu más tarde nun podemos tar más satisfechos del llabor desendolcáu. Una televisión, que magar los pocos medios colos que cuntamos, ye digna, plural y cada vegada con más conteníos variaos.

Celebramos esti aniversariu cola seguranza de que ye’l primeru de munchos y namás l’entamu d’una profesionalización cada vegada mayor. El perfectu exemplu del lema col que ñació Iniciativa pol Asturianu, “Toma la inciativa”, porque nesti ámbitu, como en tantos, va tocanos siguir reclamando l’acción de les alminsitraciones públiques, pero tamién, como ciudadanos concienciaos y responsables, ponenos al llabor y ufrir a la sociedá lo que los poderes públicos-yos niega.

Fonte: Iniciativa pol Asturianu