Premiaos al Meyor Blogue 2010

La Xunta de Blogues n'asturianu, tres un mes de votaciones, tien el preste d'anunciar los ganadores del Meyor Blogue del 2010: Meyor Conteníu: Fueya en Blanco col 12% de los votos. Meyor Diseñu: González y González col 13% de los votos. Votu del Públicu: Conceyu Nacional de Liriu.

El III Sidra & Blogues que se va cellebrar en La Pola, nel conceyu Siero. Van entregase unos detalles a los blogueros premiaos, vamos poder esfrutar delles charres y facer xuntanza tomando dalgo cuando termine l'actu. A finales de selmana daremos más detalles del sitiu concretu, la hora y el día.

Más información en: http://meyorblogueast.zobyhost.com/

Fonte: Infoasturies

Votación al Meyor Blogue n'Asturianu 2010

La Xunta de Blogues en Llingua Asturiana entama un añu más les votaciones al Meyor Blogue n’Asturianu del 2010 en http://meyorblogueast.zobyhost.com/

Fasta’l 31 de xineru del 2011, puede votase al traviés de la web al:

* Meyor blogue escoyíu pol públicu.

* Meyor blogue escoyíu polos blogueros.

* Meyor diseñu escoyíu polos blogueros.

La Xunta de Blogues en Llingua Asturiana naz en payares del añu 2007 onde s’entamó’l «I Sidra&Blogues» de la hestoria: un alcuentru informal ente blogueros/es n’asturianu. A partir d’ehí, la Xunta de Blogues en Llingua Asturiana entama’l «Premiu al Meyor Blogue del 2008» ganáu pol blogue González y González y el «Premiu al Meyor Blogue del 2009» ganáu pol blogue El Xanu’l Caborniu.

Esti añu participen al Meyor Blogue n’Asturianu del 2010 más d’un centenar de blogues.

Fonte: Aruelu.com

Meyor blogue fechu n'asturianu 2009: El Xanu'l Caborniu

Nesta segunda edición, la nuesa bloguesfera decidió que’l meyor blogue en llingua asturiana de tol 2009 ye:

El Xanu’l Caborniu con 59 votos.

En segundu llugar:
la verdá ye mentira con 45 votos.

Y en tercer puestu:
González y González con 36 votos.

Na votación a la meyor estética o meyor diseñu, los blogueros y blogueres en llingua asturiana decidieron que’l ganador seya:
El Xanu’l Caborniu con 8 puntos.

Estos son los resultaos decidíos democráticamente por tola xente que quiso mandar un corréu colos sos votos, dientro les bases de la convocatoria’l meyor blogue de 2009.
Dientro’l II Sidra&Blogues que se cellebrará’l 20 de febreru na Casa los Alberti de Ciañu (Llangréu), de magar les 17 hores, habrá una entrega de premios (simbólica) pa reconocer el trabayu fechu polos blogueros seleicionaos. Ye perimportante que los premiaos verifiquen la so asistencia.

¡Norabona a los premiaos!

Nesta segunda edición de les votaciones al meyor blogue, queremos dar les gracies a tola xente que nos sofitó, participando y espardiendo la idega, a los que vos punxisteis en contautu con nós pa ofrecenos la vuesa ayuda y a los que participasteis activamente. Les votaciones d’esti añu tuvieron entamaes por La Esfoyaza y TrayasgayA cola collaboración de marquinos y González y González.
Milenta gracies.

Fonte: Vota’l meyor blogue fechu n’asturianu