El 95 por cientu de los llectores d'Asturies.com cree que les direiciones de los centros inflúin a la hora d'escoyer Llingua Asturiana

¿Considera que les direiciones de los centros inflúin na decisión d’escoyer la materia de Llingua Asturiana y Lliteratura?

Sí.

95%

Non.

5%

LO + VISTO DE LA SELMANA

'Naguamos pe la anistía, llibertaes y autonomía', 40 años de la primer manifestación asturianista

La realidá de la concertada pa cola 

  El  'Conceyu Abiertu' plantegáu nestos últimos siete díes zarróse con una cifra contundente. Un 95 por cientu de los nuesos usuarios considera que les direiciones de los centros inflúin nos padres a la hora d'escoyer ente Llingua Asturiana y Cultura Asturiana.

  El llunes pasáu Asturies.com adelantaba'l primer casu conocíu de desinformación a padres y madres nesta campaña de matriculación de l'asignatura, nel uviedín Colexu Públicu Buenavista, y a lo llargo de la selmana esplicábamos el proceder de los concertaos p'afalar a la escoyeta de Cultura Asturiana.

  Mientres, plantegamos a los nuesos llectores la entruga ' ¿Considera que les direiciones de los centros inflúin na decisión d’escoyer la materia de Llingua Asturiana y Lliteratura?, con un resultáu esclarador: el 95 por cientu opina que sí, por un 5 por cientu que cree que non.

  Dende esti momentu yá pue participar nun 'Conceyu Abiertu' nuevu. Nesta ocasión queremos conocer la so opinión sobre'l tercer carril que'l Ministeriu de Fomentu va construyir na 'Y', con aniciu de les obres previsiblemente pa últimos del 2018 y con un costu de más de 100 millones d'euros. Pa ello pretende ocupar la mediana de la vía.          Fonte: asturies.com

Los concertaos torguen l'enseñu de la llingua asturiana

Según informó’l Conseyeru d’Educación y Ciencia d’Asturies, Herminio Sastre, nel enseñu concertáu, l’asignatura de llingua asturiana namái tien un siguimientu del 6,8% sobre’l total de matriculaos nesti cursu. El datu supón una xuba del 1,3 por ciertu con respeutu al cursu 2008-09, pero sigue siendo una cifra bien baxa, teniendo en cuenta que’l 56,6% de los alumnos de la pública, van dar asturianu esti añu, con un puntu más que l’añu pasáu.

Pocos son los exemplos de colexos concertaos comprometíos col enseñu del asturianu. Unu de los más destacaos ye’l colexu San Lorenzo de Xixón, primeru en dar asturianu ente los concertaos, y anguaño con un porcentaxe averáu al 100% d’alumnos matriculaos n’asturianu.

El Conseyeru refirióse tamién estos díes a la contratación de profesores n’asturianu, que recordó, nun se pue facer con places permanentes “por nun esistir una titulación universitaria concreta”. Esto va camudar a partir d’esti mesmu cursu, col entamu de les titulaciones oficiales d’asturianu na Universidá d’Uviéu. Nun habrá yá escuses pa convocar les places con normalidá, dempués de más de 25 años d’asturianu nes escueles.

Fonte: Asturnews