El Gobiernu Asturianu tien la competencia pa incluyir l'asturianu na LOMCE

El Gobiernu Asturianu tien la competencia pa incluyir l´asturianu na LOMCE

El gobiernu central diz que la inclusión de la llingua como especialidá ye competencia del Gobiernu Asturianu

   Gaspar Llamazares dio a conocer nuna rueda de prensa una serie de rempuestes del gobiernu central, ente elles a una entruga realizada pol so grupu parllamentariu alrodiu de si l’executivu camentaba "amestar a les materies d’especialidá nel casu de les Comunidaes como Asturies, con llingua propia non oficial pero con reconocimientu xurídico ya implantación curricular, la llingua asturiana o cultura asturiana".

La Conseyera d'Educación

   Ante ello, el gobiernu español respondió remitiendo al artículu 6 del anteproyeutu, onde apurre la responsabilidá nesi sentíu a los respeutivos gobiernos autonómicos. Pero, la responsabilidá d’incluyir l’asturianu como materia d’especialidá na LOMCE ye esclusivamente del gobiernu asturianu, lo que pa Llamazares equival a que’l gobiernu asturianu "yá nun tien escusa pa nun ameyorar la situación de la llingua asturiana na enseñanza, o pa non ameyorar la situación del profesoráu".

Fonte:  Asturnews.

Gales desendolcará les competencies llingüístiques

L’Asamblea de Caerdydd, el parlamentu autónomu galés, tendrá a partir del 10 de febreru capacidá llexislativa sobre la llingua propia ensin necesidá de l'aprebación de Londres.
La Reina d’Inglaterra, Isabel II, sancionará la llegada d’estes competencies a Gales el 10 de marzu, dempués de dos años y mediu y l’aprebación de los estamentos llexislativos galeses y británicos.

El Gobiernu galés, formáu pol Partíu Llaborista y l’independentista Plaid Cymru, cunta presentar la primer llei en materia llingüística’l prósimu ún de marzu, día de San David, patrón de Galés. Esta nueva llei contemplará’l nomamientu d’un comisariu pa la llingua galesa, encargáu de guardar polos drechos de los falantes. El galés, anguaño, ye deprendíu nes escueles y universidaes, el gobiernu fai un usu billingüe d’esti idioma y del inglés, mientres qu’hai medios de comunicación que faen usu del galés, destacando S4C, canal de televisión que dende 1982 emite nesti idioma. El desaniciu del idioma entamó col sometimientu de Gales a la corona británica pol rei Dubardu I d’Inglaterra nel sieglu XIII. Anque anguaño, l’inglés ye la llingua dominante, l’usu del galés tovía ye importante, considerando que nun cuerre peligru a curtiu plazu. Tien unos 600.000 falantes, el 20% de la población del país.

Fonte: Asturies.com