Elebide, el Serviciu pa la Garantía de los Drechos Llingüísticos, recibió l'añu pasáu un total de 261 quexes, lo que supón un 23% más qu'en 2009, de les que 254 correspuenden al eusquera y les siete restantes al castellán. La viceconseyera de Política Llingüística, Lurdes Auzmendi, detalló ayeri estes cifres que, al so xuiciu, demuestren, que "gracies a Elebide y a otros organismos, los vascos conocen meyor cuálos son los sos drechos llingüísticos". En concretu, el serviciu recibió en 2009 un total de 212 quexes (trés correspondientes al castellán y el restu, al eusquera), cifres que s’elevaron l'añu pasáu.
El direutor de Normalización Llingüística de les Alministraciones Públiques, Patxi Martinez de Marigorta, destacó que l'oxetivu principal de Elebide ye llograr un equilibriu ente les dos llingües cooficiales. Por ello, presentó una campaña col llema Elebide protexe los tos drechos, qu'entama güei y va estendese hasta'l próximu llunes en marquesina. La campaña n'Internet, redes sociales y radio enllargará unos díes más.
Fonte: Asturnews
