7/3/16

La demanda fai que TPA contrate la segunda temporada de Los Bolechas


La demanda fai que TPA contrate la segunda temporada de Los Bolechas
Al ente públicu asturianu vagó-y dellos meses la decisión, pero por fin Los Bolechas van volver falar n'asturianu
La demanda ente la reciella y l'interés de la empresa editora de Los Bolechas nel doblaxe de temporaes nueves de la serie chocaron nos últimos meses cola falta d'enfotu por parte de la RTPA.
Los neños y neñes d'Asturies al final sí van disfrutar d'episodios nuevos de Los Bolechas. La RTPA, tres de la bona acoyida de la primer temporada y la demanda que s'espresó nes redes sociales y pente medies de comunicaciones y peticiones directes a la propia televisión y la productora , va emitir la segunda temporada.
Los Bolechas son una sensación en Galicia como amuesen les decenes de capítulos emitíos na TVG, el mediu millar de llibros espublizaos, la gran cantidá de productos pa neños protagonizaos polos personaxes o la participación d'éstos en campañes entamaes pola propia Xunta.
Hai unes selmanes dende la productora de Los Bolechas comentaben a Asturies.com, que "Nun tenemos entovía nada zarrao, pero dada la cantidá de persones que nos lo soliciten, ye segura la espublización de más llibros n'asturianu de Los Bolechas". Agora la mesma empresa ta acabante confirmar que sí algamó un alcuerdu cola RTPA.
Ésitu d'audiencia
La estrena de Los Bolechas na TPA algamó datos perriba de la media de la programación infantil en castellanu con cifres qu'aportaron al 7'2% de l'audiencia con 'La moñeca berrona', y en tolos casos algamaron unes cifres d'audencia perriba tamién de la media de la cadena. Fonte: Asturies.com

2 comentarios:

  1. Ye una serie d'éxitu entre la infancia y la xente asturiano en xeneral.

    ResponderEliminar
  2. Serie guapa y bien atractiva pa los neños.

    ResponderEliminar

Los comentarios tán pendientes de moderación. Espublizaránse lo primero dable.