Universidá d'Uviéu, campus Viesques, Xixón
La Universidá d’Uviéu vieno acabante dexar de llau la llingua asturiana otra vuelta abriendo una páxina en catalán, euskera y gallegu, pero non n’asturianu. Trátase del serviciu pa la consulta del archivu hestóricu de la entidá al traviés d’internet, onde puen escoyese delles llingües pa facelo, pero non l'asturiana, incumpliendo nuevamente la institución asturiana los sos Estatutos. La denuncia facíala esti martes el Conceyu Universitariu pol Asturianu.
La Universidá d’Uviéu anunciaba güei al traviés del so boletín diariu d’información “DUO”, la puesta en marcha d’un serviciu pa la consulta del archivu hestóricu de la entidá al traviés d’internet. Esti nuevu serviciu permite la consulta en catalán, gallegu, vascu y castellán, pero non n’asturianu.
Pal Conceyu Universitariu pol Asturianu "ye bien llamativo que la Universidá d’Uviéu ufra esti serviciu en toles llingües del estáu español menos na llingua propia d’Asturies, protexida polos propios estatutos de la universidá asturiana".
Universidá d'Uviéu, Escuela Politécnica, Mieres
Por ello, solicitaben esti mesmu martes pela mañana al Rector, Vicente Gotor, al traviés d'una carta unviada darréu, "qu’esti programa recueya tamién la posibilidá d’usar l’asturianu, como col restu de les llingües, y cumpla asina cola normativa de la Universidá d’Uviéu que recueye espresamente que naide podrá ser discrimináu pol usu del asturianu na Universidá, pa lo que ye preciso, y con un costu cero, qu’esti tipu de ferramientes tean disponibles n’asturianu." Fonte: Asturnews
Más información: Páxina del Archivu de la Universidá
Ay Vicente el rector, paeces un traidor a la llingua asturiana.
ResponderEliminarEsti restor una de cal y otra d'arena, nun sabe a qué carta quedase, si col asturianu o col PSOE, una traza y una pena de rector que nun val pa un cargu de tanta responsabilidá y seriedá.
ResponderEliminarTien que tar a bien coles fuerces polítiques, ye lo políticamente correuto, anque non pa la nuesa llingua asturiana. Vese bien claru qu'esti señor nun tien independencia nin calter de nengún tipu.
ResponderEliminarHistories personales fallíes y bien fallíes
ResponderEliminarYe qu'el nuesu rector Gotor nun tien... digamos, una personalidá bien difinida.
ResponderEliminarAsí nos van les coses.
ResponderEliminar