16/7/14

La XDLA manifiesta que "PSOE y PP funden la RTPA"


La XDLA manifiesta que "PSOE y PP funden la RTPA"
Pa la XDLA "PSOE y PP alcuerden una llei nueva pa la RTPA antidemocrática y privatizadora que sigue marxinando sangrinamente al asturianu y que fundirá l'Ente definitivamente na precariedá llaboral, el clientelismu y la manipulación política".


Dende la Xunta pola Defensa de la Llingua Asturiana espliquen qu' "esti xueves 17 de xunetu, el plenu de la Xunta Xeneral va aprobar colos votos de PSOE y PP la llei que va regular la RTPA y que supón la lliquidación de les esperances que tovía pudiera tener la ciudadanía de tener unos medios de comunicación públicos al serviciu d'Asturies".

Pa l'asociación "la redacción conocida hasta esti momentu demuestra la voluntá de la morrebunda clase dirixente asturiana d'impedir a cualquier preciu que la televisión y la radio de tolos asturianos y asturianes sirva como ferremienta de normalización y visibilización social de la nuestra llingua y como plataforma pa la industria audiovisual asturiana".

Sicasí, señalen que "nun ye solo eso, la mayoría de les demás disposiciones de la llei van encaminaes a privatizar, afogar y precarizar a la xente que trabaya nel Ente y a rebaxar hasta dexar irreconocible la calidá democrática del testu. Nun s'esplica d'otra manera coses como que'l director xeneral pueda acabar siendo un cargu a perpetuidá y ensin control democráticu o que se nome miembros de los conseyos, como el d'alministración, por 6 años... más de lo que dura una llexislatura y un evidente deliriu de poder col oxetivu d'amarrar con puñu de fierro la televisión hasta nin más nin menos que l'añu 2020", apunten.

Consideren polo tanto "que se trata d'un testu insultante desde'l puntu de vista democráticu y demoledor pal futuru del idioma. Y por eso van tenenos siempre en contra de la so maquinaria mediática de sustitución llingüística reivindicando unos servicios públicos que tengan como prioridá a la xente d'Asturies y a la so llingua".
Fonte: Infoasturies

4 comentarios:

Los comentarios tán pendientes de moderación. Espublizaránse lo primero dable.