30/5/14

La Fundación Caveda y Nava convida a López Basaguren pa falar de lo que pue facer Europa pol idioma

 
Nava, Asturies

   Alberto López Basaguren, miembru del Comité d'Espertos de la Carta Europea de Llingües Rexonales o Minoritaries, ufre’l sábadu en Nava una charra sobre lo que pue facer Europa pol idioma. LaFundación Caveda y Nava entama esta actividá.
   El títulu de la ponencia ye ‘¿Qué pue facer Europa poles llingües minoritaries? El casu asturianu’ y nella’l caderalgu de Derechu Constitucional de la Euskal Herriko Unibertsitatea va afondar sobre les posibilidaes qu’ufre la Xunión Europea pal afitamientu del asturianu y d’otros idiomes minorizaos. Xunto a él, a mou de presentador del actu, va tar José Manuel Pérez Fernández, profesor titular de Derechu Alministrativu de la Universidá d'Uviéu.
   La charra ta programada pa les 12 hores na Casa Cultura de Nava y l’encargáu d’abrila va ser Ramón d’Andrés, presidente de la Fundación Caveda y Nava, que va tar acompañáu na mesa por dalgunes de les autoridaes presentes. Tamién ta prevista una intervención poética-musical del gaiteru Flavio y del poeta Xuan Bello. Pa finar, va haber una convidada de sidra nel Llagar Viuda de Corsino.         Fonte:  Asturies.com

No hay comentarios:

Publicar un comentario

Los comentarios tán pendientes de moderación. Espublizaránse lo primero dable.