22/5/12

Certame lliterariu en variedá pal.lueza: Francisco González-Banfi


Francisco González-Banfi gana’l certame lliterariu en variedá pal.lueza El Club Xeitu ta acabante facer públicu’l fallu del xuráu del IV Certame Lliterariu en Pal.luezu 'Guzmán Álvarez', que recayó en Francisco González-Banfi, pol so relatu 'Tsuna de xelu'.Al certame presentáronse nesta ocasión siete obres, cuatro poesíes y tres rellatos. Unu d'estos postreros ye'l premiáu, presentáu col nomatu de Pixín del Navariegu, que va recibir 200 euros y un diploma acreditativu, que contien la imaxe del certame, realizada pol artista l.lacianiegu Manuel Sierra. El premiu va apurrise mientres el desenrrolu del Recital de Pal.luezu que, como n'años precedentes, va celebrar en La Casona de San Miguel dientro de los actos del Mercau L.lacianiegu na primer fin de selmana d’agostu. Nél van tar presentes varios escritores y divulgadores del pal.luezu, que van lleer testos de creación propia, xunto l'autor premiáu, que va lleer la obra ganadora y va recoyer el so premiu.Francisco González-Banfi, natural de Palacios del Sil y vecín de Madrid, ye autor de numberosos testos en na variedá pal.lueza del asturianu, afición que cultiva dende los años ochenta. Dalgunos de les sos creaciones más populares son obres de teatru, ente les que pueden citase 'Caldu de berzas' y 'El filandón del madreñeiru', representaes en diversos escenarios nos últimos años.Tanto'l Club Xeitu como entidá organizadora del certame, como'l xuráu del mesmu, formáu por Severiano Álvarez, Guadalupe Lorenzana y Eduardo Carbajo, celebró “l'aceptable participación d'esta convocatoria”. Nella tuvieron una presencia destacada persones nueves, polo que la valoración ye más positiva si cabe, tamién pola calidá de les obres presentaes. Agradezse la so participación a tolos autores que presentaron les sos obres y anímase, tanto a ellos como a otros, a facelo en futures convocatories.Fonte: Asturnews

4 comentarios:

  1. Aceptable convocatoria de pal.luezu... ¿hebo bona participación en cantidá y calidá?

    ResponderEliminar
  2. lleonés asturfalante de pal.luezu23 de mayo de 2012, 19:51

    El pal.luezu tamién ye otra varidá de l'asturianu y merez llarga vida. Muncha salú y vitalidá pal pal.luezu

    ResponderEliminar
  3. ¿Daquién podría dicime o esplicame daquá más en concretu sobre la situación actual del pal.luezu? gracies.

    ResponderEliminar
  4. Ramón, pues ver equí otres referencies al pal.luezu

    http://falarylleer.blogspot.com.es/2012/03/iv-certame-lliterariu-pallueza-del.html

    http://falarylleer.blogspot.com/2010/02/ii-certame-lliterariu-en-palluezu.html

    http://falarylleer.blogspot.com/2011/12/espublicen-pequena-enciclopedia-de-nos.html

    http://falarylleer.blogspot.com/2011/06/lleon-cellebral-dia-de-la-llingua-con.html

    ResponderEliminar

Los comentarios tán pendientes de moderación. Espublizaránse lo primero dable.