![](https://blogger.googleusercontent.com/img/b/R29vZ2xl/AVvXsEg9J8yWMkz7YQON57yTZx_H5Ndm6c_tQRlfqhV_Ai4kfVY9K8swH3huRXKLzNTUkr8lK55N51yBj5SrTaeLhOCeMrinKVpLnbrP-gGPCiTiv38J0agXPIEiEzf7kTnUS1HMTHSba3p-Di-b/s320/5361.jpg)
Énte la recién instalación de les plaques qu’integren el conxuntu escultóricu nos Xardinos de la Reina de Xixón que namái lleven la pallabra “Gijón”, N’Ast desixe’l respetu a la llingua asturiana y que s’incluya tamién “Xixón”, talamente comu llegalmente correspuende al mencionáu topónimu, denuncien.
N’Ast atalanta que siendo’l topónimu oficial de la ciudá “Gijón/Xixón”, nun ye de recibu qu’esta obra incluya namái’l términu españolizáu despreciando al términu asturianu, inda más cuando al paecer, “esti conxuntu escultóricu va ser el fondu de la mayoría de les imaxes que los turistes lleven del so pasu per Xixón”.
Pa N’Ast la falta de compromisu del Ayuntamientu Xixón pa cola llingua asturiana ye evidente, de tala miente que na imensa mayoría de los sos documentos, la llingua asturiana nun apaez per dengún llau, mesmamente, el topónimu Xixón ye evitáu cola mayor desvergoña, comu ye’l casu equí denunciáu, y ‘únicu usu y “defensa” que se fai de la nuesa llingua ye’l caltenimientu d’una “oficina de la llingua” decorativa dafechu que talamente paez dedicase a entretener “a los del bable” en cuentes d’iguar polítiques clares y concretes de normalización llingüística na ciudá.
Fonte: Asturnews
Paez qu'otra vegada l'ayuntamientu de Xixon torna a escaecese de la llingua. Camiento que'l billinguismu qu'empleguen ye pa ver si ganen unos votos "de los del bable" ...pero de secute relluz que ye namai fachada pero que 'l raigañu d'esta politica del PSOE nun sofita la normalizacion. ¡n'ast dafechu! oficialida ya, ya, ya !!!
ResponderEliminar