Esti sábadu pasáu cellebrábase na llocalidá bretona d’An Oriant el Festival de Llingües Minorizaes Liet-Internacional, que cuntaba cola presencia del grupu asturianu Xera. El so cantar “Tierra” quedó en segundu llugar, per detrás del grupu d’Islles Feroes “Orka”, que con “Rumdardrongurin” consiguió’l favor del xuráu, llevando’l premiu del públicu los friulanos “Resistence in Dub”.
El grupu asturianu fízose col 27% de los votos del públicu, que podíen votar al traviés d’internet. Dende la llocalidá bretona, los miembros del grupu mostráronse “encantexaos” cola participación nel Festival y dieron les gracies “por tol sofitu de la xente que mos quier y que siente y sofita que tol esfuerciu merez la pena”.
Asturies lleva cuatro años participando nel Festival Liet International, cola presencia de Dixebra, Alfredo González, Herbamora y Xera, y tendrá una oportunidá más pa facese cola victoria’l 19 de payares del 2011 nel Teatru Giovanni d'Udine, n'Italia. En 2012 ta previsto que’l festival se cellebre n’Asturies.
Fonte: Asturnews
Asturies ye'l segundu país del Festival de Llingües Minorizaes. ¡Ixuxu!
ResponderEliminarQuiciabes la fonte nun tea bien informao:
ResponderEliminarAsturies ye´l tercer añu que participa nel Liet internacional. Herbamora nun foi porque cuando algamaren el premiu al meyor cantar esti nun yera entá clasificatoriu.