El númberu inclúi ocho autores nuevos nes páxines de la revista de lliteratura moza.
Según anuncia de Xareos! Xestión Cultural, la revista Formientu, asoleyada por esta asociación, espubliza un númberu doble (7-8) nel qu’“hai munches novedaes bien importantes”, comenten dende la revista. Formientu espubliza per primer vegada un autor en gallego-asturianu, Miguel R. Monteavaro (Bual, 1990), y cunta amás con delles collaboraciones d’autores qu’entá nun espublizaren en Formientu. Ye’l casu de Pablo A. Quiroga, Paula Pulgar, Alex Fernandi, l’autor más mozu de la revista nesti momentu (Uviéu, 1992), o David Artime, que mos presenta un estractu del premiu Trabe de Narraciones, que llevó la so novela «La bufanda», una de les obres con más ésitu en 2010.
Según anuncia de Xareos! Xestión Cultural, la revista Formientu, asoleyada por esta asociación, espubliza un númberu doble (7-8) nel qu’“hai munches novedaes bien importantes”, comenten dende la revista. Formientu espubliza per primer vegada un autor en gallego-asturianu, Miguel R. Monteavaro (Bual, 1990), y cunta amás con delles collaboraciones d’autores qu’entá nun espublizaren en Formientu. Ye’l casu de Pablo A. Quiroga, Paula Pulgar, Alex Fernandi, l’autor más mozu de la revista nesti momentu (Uviéu, 1992), o David Artime, que mos presenta un estractu del premiu Trabe de Narraciones, que llevó la so novela «La bufanda», una de les obres con más ésitu en 2010.
Amás nel númberu apaecen autores habituales na revista, como Héctor Pérez Iglesias, Abel Martínez, Jorge Fernández, Ricardo Candás y José Ángel Gayol, que dan amuesa de la lliteratura con más esperiencia de la tercer xeneración.
Ente les novedaes d’esti Formientu 7-8 tán tamién la participación de Belinda González, autora asturbelga que collabora cola revista, como en númberos anteriores lo facía Llucía Di Salvo León, fía d’emigrantes asturianos en Bonos Aires; Rubén García Martín (Zamora, 1983) que mos trai la lliteratura asturiana que s’escribe nel estremu sur del dominiu llingüísticu asturlleonés, y Álvaro Pérez, autor tamién venceyáu a Zamora que mos trai la torna de dellos poemes en catalán de Joan Margarit y Salvador Espriu.
Formientu ye una revista de lliteratura na que s’espubliza la obra d’autores xóvenes, ñacíos de magar 1975 y ta dirixida por Inaciu Galán. El so Conseyu de Redaición ta formáu, amás de pol director, pol escritor Benxa Pérez y pola escritora y filóloga Laura Marcos, que lu coordina. Formientu cunta con una ayuda de la Conseyería de Cultura d’Asturies y el sofitu de los anunciantes privaos como Publigrafik.
Dende Xareos! anuncien que nes selmanes próximes van anunciase “les feches y espacios onde se va presentar la revista al públicu, cola presencia de los autores”.
Fonte: Asturnews
La revista Formientu ye'l escaparate perfeuto pa que les autores mozos espubliciten les sos creaciones lliteraries, polo que merez tol apoyu posible lo mesmo qu l'asociación Xareos, Xestión Cultural y el so equipu collaborador y de trabayu pol so esfuerciu perbién reconocíu por muncha xente seguiora del bon facer lliterariu. Pallantre collacios.
ResponderEliminar