Xosé González González L’Asturianu como llingua propia d’Asturies merez un tratamientu que seya equiparable al que reciben otres llingues propies n’otres comunidaes autónomes…por exemplu, el catalán en Catalunya. L’asturianu ye patrimoniu inmaterial que fai falta caltener y tresmitir a les xeneraciones vinientes y nesti aspeutu l’oficialidá faise un pasu necesariu na so sobrevivencia como llingua.
El marcu llegal nel que s’atopa l’Asturianu ye probe ya insuficiente, hai muncha xente a la que se-yos niega la tramitación de documentos n’Asturianu. Esti depende, en gran midida, de la voluntá que tenga l'encargáu d’recoyer y tramitar esa documentación yá que puede nun aceutala poniendo como pretestu qu’al nun ser l’Asturianu llingua oficial desiste el continuar col cursu normal dicha tramitación, a nun ser que s’apurra una copia de dichu documentu en castellanu.
Asina en munchos casos nun se reconoz y poro nun esiste'l drechu al usu del Asturianu nes rellaciones cola alministración. Un drechu que ta reconocíu na Llei 1/1998 de 23 de marzu D’Usu y Promocion del Asturianu.
Demando al igual que munchos falantes d’asturianu que l’Estatutu d’Autonomia recueya’l calter oficial del asturianu.
Fonte: Infoasturies
Tal como diz Xosé González nel so párrafu caberu demando al igual que munchas y muchos asturianos asturfalantes demandamos que l'Estatutu d'Autonomía recueya'l calter oficial del asturianu. Ye un clamor que tien que facese oyir nos guapos, luxosos y paez que perinsonorizaos salones del palaciu del parlamento del gobiernu asturianu onde debe vivise n'otru mundiu diferente al restu o seya el de cais y aldees d'Asturies que coles sos esfuercios, trabayos e impuestos sostienen a ese mundiu apartao del mundanal ruidu diariu (too pal pueblu pero sin el pueblu), y solo alcuérdense dellos pa pedi-yos el votu y si te vi (votante tontín) non m'alcuerdu. Pedimos oficialidá ya.
ResponderEliminar