Otros sistemes operativos llibres yá funcionen n'asturianu.El Bloque por Asturies prefier el software llibre, pero mientres l’alministración asturiana use productos de Microsoft, esixen a esta empresa y al Gobiernu d’Asturies, que los sos productos incluyan l’usu del asturianu, como yá lo faen pal gallegu, catalán y vascu.
Recuerden que’l Gobiernu d’Asturies gasta “millones d'euros nos productos de Microsoft” y piden que se pongan en contautu colos responsables de la multinacional “pa que los asturianos tengan los mesmos drechos que los falantes de les demás llingues del Estáu español cuando se sienten delantre d'un ordenador”.
La empresa, según informen dende’l Bloque, comentó que “Naide del Gobiernu asturianu se punxo en contautu cola empresa. Tamos dispuestos a sentanos y falar del tema pa que l’asturianu pueda ser como cualesquier otru idioma”, polo que paez que les torgues vienen namás del Gobiernu.
Fonte: Asturnews
Les torgues vendrán de los 1000 millones de pesetes que-yos pidirá Microsoft, como pidieron pal gallegu o'l catalán. El tema acabábase si l'administración tirara yá del software llibre, que ye lo que tenía que facer. Entrar al xuegu d'una multinacional asumiendo eses declaraciones tan guapes de que "tamos dispuestos a sentanos" ye d'una candidez que mete mieu. Por esa milloná, como nun van sentase, acostase y lo que faiga falta ...
ResponderEliminarMui mal el BA, como se nota que vienen de gobernar. Lo que tenien que pidir ye la implantacion del softare llibre na alministracion, cosa que diba aforrar munchos millones y aparte traería automáticamente la traducción al asturianu DE BALDRE. En vez de mirar pa los que despilfarren que miren pa los qu'aforren.
ResponderEliminar