Entréguense en Xixón los diplomes d´un taller lliterariu dirixíu por Vanessa Gutiérrez

Na imaxe, Vanessa Gutiérrez

 Iniciativa pol Asturianu va facer entrega de los diplomes d´esti taller lliterariua a los alumnos y alumnes que superaren el cursu dirixíu pola escritora asturiana Vanessa Gutiérrez dende´l mes d’ochobre.

 Nel actu tará Inaciu Galán, presidente de la entidá, y Vanessa Gutiérrez, como profesora faciendo entrega de los diplomes dambos dos. Dende Iniciativa pol Asturianu afirmen que “Tamos mui satisfechos del resultáu d´esti cursu como primer esperiencia pa tener al asturianu como llingua vehicular y non solo pa cursos puramente llingüísticos. Vamos siguir con estes esperiencies nel futuru

 L’actu de pieslle y entrega va ser esti xueves nel Conseyu de Mocedá de Xixón (Avenida Manuel Llaneza, 68) a les 19 hores. Y tán convidaos tolos participantes nel cursu, asina como los interesaos n’averase a los nuevos cursos qu’entama Iniciativa pol Asturianu dende’l mes d’abril y que pueden consultase na páxina oficial.     Fonte: Infoasturies.com

RECIELLA colectivu de families pol asturianu convoca delles actividaes

Reciella anuncia delles actividaes pa los próximos meses

   Reciella, colectivu de families pol asturianu, convoca delles actividaes pa neños nos meses vinientes. El so programa de primavera entama'l sábadu 13 d'abril con "Llibros pa la reciella", una actividá na que delles editoriales van presentar los sos llibros pa neños, nel Conseyu de Mocedá de Xixón a les 11:30.

   Les próximes actividaes van dedicase a un cuentacuentos, la so participación na manifestación de la oficialidá, una actividá sobre cuentos n'Avilés, un taller musical recordando a Seliquín en Candás, y una xornada na güerta n'El Rinconín, Xixón.

   Más información: Programa completu d’actividaes de Reciella.

   Fonte:  Asturnews.

Mercadín de llibros n'asturianu en Xixón pa recaldar fondos pa Iniciativa pol Asturianu

Iniciativa pol Asturianu organiza un Mercadín de llibros n'asturianu esti martes, miércoles y xueves, 18, 19 y 20 d'avientu de 2012 de 5 a 9 de la tarde. El puestu tará nel Conseyu de Mocedá de Xixón, asitiáu nel 68 de l'Avenida Manuel Llaneza. Nel mesmu van poder atopase llibros n'asturianu dende 2 euros y el recién editáu Mapa de parroquies d'Asturies. Los fondos van destinase al llabor d'Iniciativa pol Asturianu.

Dende la organización soliciten collaboración pa que-yos merquen llibros o donen los que yá nun se quieran pa vendelos ellos darréu o echar un gabitu atendiendo con nós nel puestu, pa lo que dan un corréu, contautu@iniciativapolasturianu.org

Amás, anuncien que los interesaos en facese socios podrán facelo dende 20 euros al añu y llevase un llibru si lo faen nel Mercadín.

Fonte: Asturnews