ALCEM reclama la oficialidá del asturianu

La Asociación de Lenguas Amenazadas la ve como única fórmula de supervivencia

Roberto González-Quevedo. LNE

Uviéu/Oviedo, P. R. La Asociación por las Lenguas y las Culturas Europeas Amenazadas (ALCEM), que preside el antropólogo asturleonés Roberto González-Quevedo, ha aprobado en el último congreso, celebrado el pasado fin de semana en Huesca, solicitar al presidente del Principado la oficialidad del asturiano "como única solución para que sobreviva esta lengua". En el congreso, celebrado entre los días 23 y 25 de julio, se estudió la situación de distintas lenguas y culturas y se analizaron las causas, especialmente en Europa.

En lo que respecta a la lengua asturiana, también se acordó solicitar al presidente de Asturies que garantice la enseñanza de la llingua desde la enseñanza Primaria hasta la Universidad, y que evite su discriminación en la educación Primaria y Secundaria en relación con las otras asignaturas, especialmente tras la implantación de la LOMCE.

Asimismo, el congreso pide a los gobiernos asturiano y español el reconocimiento de la especialidad de lengua asturiana para los profesores de esa asignatura, "por ser esta la única solución que impida la discriminación lingüística en la enseñanza".

En la reunión participaron delegados de numerosas zonas europeas, entre ellas Valonia, Occitania, Véneto, Escocia, Austria, Eslovenia, País Vasco, Aragón y Asturies.

Fonte: La Nueva España

Iniciativa pol Asturianu denuncia n'Uesca la situación de pelligru de la llingua asturiana y reclama la oficialidá

Inaciu Galán, presidente d’Iniciativa pol Asturianu, faló esti vienres énte los más de setenta delegaos d'organizaciones en defensa de llingües d'Europa dientro del XXIV Congresu de Llingües y Cultures Europees Amenazaes, en Uesca. Galán esplicó la situación del idioma en distintos ámbitos nos que les alministraciones son responsables de la situación de peligru de desapaición del asturianu, talos como los medios de comunicación públicos, el procesu de recuperación de la toponimia, el sistema educativu y sobre too, la falta d'un estatus llegal pal idioma qu'otorgue la plena igualdá xurídica a los falantes d'asturianu, gallego-asturianu y castellán, que como esplicó "ha pasar pola reconocencia de la oficialidá nel Estatutu d'Autonomía".

Alredor de la presencia de la llingua nel sistema educativu, Iniciativa pol Asturianu denunció los recortes en Bachilleratu, onde l'asignatura pasará de cuatro hores a una selmanal esti cursu próximu, asina como la falta d'aiciones pa consiguir un sistema educativu que garantice la tresmisión xeneracional de la llingua asturiana lo qu'en pallabres d'Inaciu Galán "pasa per un sistema onde l'asturianu seya una llingua más del currículu, pa tolos alumnos y cola posibilidá de tener parte de les materies col asturianu como llingua vehicular".

Tamién reclamó que l'asturianu tenga una meyor presencia na radiotelevisión autonómica, onde Galán comentó como "falten programes n'asturianu en cuestiones clave, como la programación infantil, los informativos, el deporte y el doblaxe de ficción" recordando que proyectos como Alderiques d'Asturies, entamaos col puxu d'Iniciativa pol Asturianu "demuestren que ye posible facer una televisión n'asturianu con toa triba de conteníos".

Iniciativa pol Asturianu faló tamién de la participación d'esta organización na sesión de control a España del Altu Comisionáu de Drechos Humanos de la ONX, que va sirvir pa tomar aiciones y solicitar sanciones al gobiernu d'España y al d'Asturies polos incumplientos llexislativos en materia llingüística que se dan n'Asturies. La presencia del asturianu xeneró bien d'interés nos representantes internacionales mesmo na conferencia d'Inaciu Galán, que nel puestu informativu y d'esposición de llibros y otros productos culturales n'asturianu que pudo vese a lo llargo del congresu.

L'alcuentru entamáronlu'l Consello d’a Fabla Aragonesa y ALCEM (Asociación poles Llingües y Cultures Europees Amenazaes) a los qu'Iniciativa pol Asturianu quier felicitar pola bona organización y pola repercusión que tán teniendo en medios de toa Europa les reivindicaciones de les llingües minorizaes.

Fonte: Iniciativa pol Asturianu

Iniciativa pol Asturianu presenta los problemes de la llingua nel XXIV Congresu de Llingües y Cultures Europees Amenazaes

El congresu celébrase nesta ocasión en Uesca cola participación d’entidaes en defensa de llingües de toa Europa

Inaciu Galán, presidente d’Iniciativa pol Asturianu va participar esta selmana, ente los díes 23 y 25 de xunetu, nes actividaes del XXIV Congresu de Llingües y Cultures Europees Amenazaes en Uesca. Un alcuentru entamáu pol Consello d’a Fabla Aragonesa y ALCEM (Asociación poles Llingües y Cultures Europees Amenazaes) y qu'Iniciativa pol Asturianu considera una oportunidá más nel so trabayu pa dar a conocer la situación de la llingua asturiana en foros internacionales, como yá realizó nel pasáu n’Oxford o Barcelona, ente otros llugares.

Ente les actividaes de la presencia d'Iniciativa pol Asturianu, una conferencia titulada “Asturianu SOS: una güeyada sobre la situación de la llingua asturiana y les sos perspectives de futuru”, na que se va falar de la situación de peligru que vive l'asturianu y la falta d'un estatus llegal fayadizu, “que tendría solución cola reforma del Estatutu d'Autonomía y la inclusión de la oficialidá de la llingua asturiana”.

L'oxetivu d'esti Congresu internacional ye llamar l'atención sobre les llingües amenazaes, tanto ante la sociedá como ante les autoridaes competentes; dar a conocer la situación pola que pasen delles llingües amenazaes d'Europa; estrechar los venceyos ente los representantes, falantes y estudiosos de distintes llingües minoritaries europees; deprender de les acciones implementaes n'otres llingües; trabayar a comuña pola reconocencia, la dignificación y la promoción de les llingües amenazaes, tratando d'evitar la so desapaición y procurando el so mayor usu y la so mayor conocencia; y, por supuestu, aprovechar pa reivindicar acciones positives de política llingüística pa toles llingües amenazaes,  cuantimás pa les llingües peninsulares qu'inda nun son oficiales, casu del asturianu y aragonés, que son les llingües con mayor riesgu de desapaición nel estáu español.

Fai menos d'un mes Iniciativa pol Asturianu presentó la situación del idioma ante l'Altu Comisionáu de Drechos Humanos de la ONX y esta esperiencia va ser tamién rellatada nel Congresu, onde la organización asturiana va participar tamién con una amuesa de llibros asturianos dientro del “Escaparate de les llingües amenazaes” que se va celebrar nes antoxanes de la Diputación de Uesca. Una conferencia de Roberto González-Quevedo, secretariu de l'Academia de la Llingua Asturiana y presidente d’ALCEM, va completar la presencia asturiana nesti congresu.

Fonte: Iniciativa pol Asturianu