El CMPA asoleya una guía sobre’l sexting

El Conseyu de la Mocedá del Principáu d’Asturies (CMPA) vieno acabante de publicar una guía didáctica n’asturianu y en gallego-asturianu pa trabayar el tema del sexting nel segundu ciclu de la ESO.

Ye la primer vez que’l CMPA publica una guía d’estes carauterístiques tanto en castellanu como n’asturianu y en gallego-asturianu. Pa eso, esti organismu cuntó cola collaboración de la Direición Xeneral de Planificación Llingüística y Normalización. La Guía Didáctica #Sexting Positivu desplica lo que ye’l sexting y lo que nun ye rialmente esa práctica tan averada a la mocedá que consiste en compartir semeyes y vídeos íntimos al traviés d’Internet usando pa eso sobre manera’l teléfonu móvil.

Na publicación tamién s’aconseya cómo facer sexting de forma segura, con pequeñes indicaciones palos programaes de mensaxería como Whatssap. Les guíes respectives, que tán colgaes na web del CMPA, puen descargase tamién de la web del serviciu de política llingüística del Principáu tanto na so versión n’asturianu como en gallego-asturianu.

Fonte: Asturnews

Iniciativa pol Asturianu organiza un cursu de llingua asturiana n'Uviéu

Iniciativa pol Asturianu entama un cursu de llingua asturiana que tendrá comienzu nel mes de marzu.

Iniciativa pol Asturianu abrió’l plazu p’apuntase a la primer edición del so cursu d'asturianu n'Uviéu, "una esperiencia formativa qu'entamamos en collaboración cola Academia de la Llingua Asturiana (ALLA) y col Conseyu de la Mocedá del Principáu d'Asturies (CMPA)". Amás, según despliquen, "el cursu va impartise nel llar del CMPA na capital (Fuertes Acevedo, 10 Baxu), escomenzando'l llunes 4 de marzu, con una duración total de 35 hores, y se va desendolcar, de manera intensiva, los llunes, miércoles y vienres, de 17 a 19 hores, parando'l correspondiente día de fiesta de Selmana Santa. Sicasí, cola debida xustificación, podría facese'l cursu de manera online".

Esti cursu de llingua asturiana "ta empobináu a persones ensin conocimientos d'asturianu, con nivel baxu de conocencia del idioma o a tou aquel que quiera preparar estudios reglaos básicos nesta materia. Inclúi, pa les personas que lu superen, un diploma de l'Academia de la Llingua Asturiana, entidá reconocida pola Conseyería d'Educación pa laformación del profesoráu"El preciu de la inscripción ye de 50€, incluyendo los materiales necesarios pa llevar alantre’l cursu, como’l manual “Xeitu” y otros llibros, pudiendo facese yá les inscripciones pueden facese nel corréu lletrónicu del so responsablecontacto@vitorsuarez.com o nel teléfonu 699 11 74 73, hasta’l 1 de marzu. Iniciativa pol Asturianu anima a participar nesti cursu "que va sirvir pa dar una conocencia básica y adaptada al nivel del alumnáu de la llingua asturiana, deprendiendo les normes ortográfiques, vocabulariu y otres cuestiones, con unes clases amenes que van apoyase n’elementos audiovisuales, trabayando tamién cuestiones rellacionaes cola sociollingüística y la cultura d’Asturies".  

Fonte: Infoasturies