El grupu que sonó nel espaciu canta agora n’asturianu.
L’ésitu internacional de la banda asturiana Stormy Mondays, que los llevó a sonar nun tresbordador, escoyíos pola NASA y al traviés d’una votación en tol mundu, nun fai qu’escaezan los sos oríxenes y per primer vegada acaben de grabar un tema cantáu n’asturianu y tituláu “Dormi yá”.
El cantar, una traducción del so tema “Folk Lullaby”, pue sentise yá na so páxina web y en YouTube y tien un vídeuclip fechu gracies a imáxenes cedíes pola NASA. Los miembros del grupu espliquen na so páxina web l’orixe del asturianu “un idioma que tuvo la desgracia d’asemeyase demasiao al castellán”, espliquen. Stormy Mondays defende al asturianu como “una llingua qu’esiste, ye real, ye viable y tien falantes de toles edaes, que la sienten y la viven, anque pa los que somos d’Uviéu mos paeza imposible”.
Col cantar esperen “poner un granín d’arena” pa evitar el desaniciu “d’una llingua en pelligru d’estinción”.
Fonte: Asturnews
Un granín d'arena perimportante :-)
ResponderEliminarBien guapu ya importante y con trescendencia.
ResponderEliminar