El Conceyu Cabrales pide la revisión de la so toponimia

Cabrales ye l'últimu conceyu n'entamar col procesu de revisión toponímica. Asina lo alcordaron, nuna reunión fecha na Conseyería de Cultura y Deporte, l'alcalde de Cabrales, José Antonio Pérez Prieto, y el direutor xeneral de Política Llingüística, Alfredo Álvarez Menéndez. El procesu de revisión y oficialización de la toponimia, reguláu pol Decretu 98/2002, de 18 de xunetu, pol que s'establez el procedimientu de recuperación y fixación de la toponimia asturiana, empezó nel añu 2004. Como resultáu, 49 conceyos asturianos tienen yá oficializada la toponimia, otros 16 tán en fase de tramitación y entá queden 13 por principiar l'espediente. Con Cabrales, entós, sedríen yá 65 los conceyos asturianos implicaos nel procesu.

Fonte: les noticies