La Fundación Belenos acaba d’espublizar el númberu 29 d'Asturies, memoria encesa d'un país. Esti exemplar de la revista inclúi reportaxes sobre l'arte megalíticu, la dómina romana o'l celtismu n'Asturies. Esti númberu ábrese con un reportaxe de Bueno Ramírez, Balbín Behrmann, Barroso Bermejo y Camino Mayor sobre l'arte megalíticu européu n'Asturies. El santuariu astur-romanu en cueva, d'El Ferrán, Piloña ye'l títulu del estudiu d'Alfonso Fanjul, Alberto Álvarez Peña, José María Herro Garate y Alis Serna Gancedo.
Per otru llau, Jorge Camino Mayor y Yolanda Viniegra Pachego espublicen un reportaxe sobre Elías García-Tuñón y el campu bélicu de La Carisa, mentes que Gausón Fernande Gutierri robla «Memoria gráfica d'Asturies: Al pie del horru» y «Etnografía del perru mastín n'Asturies».
Otra manera, l'aportación del celtismu a la construcción de la identidá asturiana trátala l'hestoriador Ignaciu Llope. Una seleición de llibros y discos y la seición Cartafueyos de Belenos piesllen esti caberu númberu d'Asturies, memoria encesa d'un país.
Fonte: Les Noticies
El númberu 29 de Belenos quedó-yos otra vegada a Bertu Peña y compañeros, cencielles perfectu.
ResponderEliminar