El grupu parllamentariu de Nafarroa Bai va rexistrar una proposición de Llei Foral del Vascuence na que se deroga l'actual normativa y reconozse la oficialidá del eusquera en "tol territoriu de la Comunidá foral".
Coincidiendo col 24 aniversariu de l'aprebación de la Llei Foral, les parllamentaries de NaBai Maria Luisa Mangado, Nekane Pérez y Paula Kasares ufiertaron una rueda prensa pa presentar esta proposición cola qu'intenten "responder a les necesidaes de tola sociedá". Mangado llamentó qu'al pesar de que "la situación social de la llingua vasca en Navarra camudó de forma evidente nos últimos años" y cada vegada "somos munchos más euskaldunes", la Llei Foral del Vascuence "sigue siendo la mesma d'hai 24 años". Poro, entrugóse "cómo ye posible que camudando tanto la situación actual de la llingua quiera caltenese una llei que nun respuende a la situación y necesidaes de la sociedá navarra" y destacó que, hasta agora, foi la mesma ciudadanía la que "fizo un apueste constante a favor del eusquera, creyando 'ikastoles', poniendo en marcha medios de comunicación llocales o abriendo 'euskaltegis'". Por too esto, la parllamentaria nacionalista consideró "necesario" que la sociedá navarra cuente "con otra Llei del Vascuence", dao que, "cada vegada somos más los 'euskaldunes' que residimos na Comunidá foral" y la zonificación "namás valió p'acurtiar los drechos y les garantíes de les persones". Asina, na proposición de llei presentada por Nafarroa Bai, la coallición reclama la oficialidá del eusquera "en toa Navarra", de manera que'l "eusquera tenga'l mesmu estatus que tien el castellán" y se garantice "la igualdá ente tolos ciudadanos", destacó Mangado.
Carauterístiques de la proposición
En concreto, según esplicó Nekane Pérez, la proposición de llei presentada por NaBai al Parllamentu ta dividida en trés títulos. Nel títulu preliminar, reconozse la oficialidá del eusquera en tol territoriu de la Comunidá foral, mientres que nel primer títulu recuéyense los drechos en materia llingüística de la ciudadanía y los deberes que tien de tener l'Alministración. Pela so parte, el segundu títulu, espunxo la parlamentaria de NaBai, ta estructuráu en cinco capítulos onde se detalla cualu tien que ser l'usu del eusquera nos "distintos ámbitos" y "l'impulsu" que se-y debe dar, por exemplu, "nel enseñu o nos medios de comunicación". Tamién s'establez nesti títulu l'usu social del eusquera y l'alfabetización de persones adultes, amás de recoyer un apartáu onde se reclama al Gobiernu foral que "vele pola normalización del eusquera, teniendo en cuenta les normes d'Euskaltzaindia". A lo cabero, la proposición de llei presentada por NaBai ta compuesta por trés disposiciones añedíes y la derogatoria de l'actual Llei del Vascuence que "lleva 24 años coartando los drechos llingüísticos de la ciudadanía Navarra pola zonificación".
Fonte: Asturies.com
Amás, os primeiros beneficiados han ser os habitantes da zona castellano falante de Navarra, qu'agora (al nun aprender vasco) nun poden acceder a os postos de trabayo unde se require esta llingua.
ResponderEliminarPor outra banda, é ridículo que se faiga un aposte del inglés nel sur de Navarra, peró non del outra llingua da comunidá. A convivencia entre el vasco y el castellano en Navarra nun pode ser qu'as dúas comunidades llingüísticas coesistan na Comunidá foral, pero de cul el úa col outra.
En Asturias, lo mesmo, as tres comunidades llingüísticas nun poden vivir úas de cul ás outras... Polo menos creo qu'entre a comunidá de gallego-asturiano falantes y d'asturiano falantes sí tamos fendo un esforcín por nun vivir de costas.