Animáivos porque nun ye un cambiu de nome, ye una torna llegalizando ambos nomes, el castellán que yá teníes y l'asturianu, por tanto nun hai que dempués camudar tolos papeles que tengas fechos, eso lo vas faciendo poquín a pocu, cuando seya. Pa ello, namás hai que:
1- Pidir la torna a la academia de la llingua, que mui amablemente te mandarán a casa dempués de falar con ellos, o simplemente por mail tamién t'atenderán rápidamente.
2- Pasase pol rexistru civil nel xulgáu, onde en 5 minutos daránte la partía de ñacencia.
3- Certificáu d'empadronamientu de la casa conceyu na que vivas la cual faen (al menos en Xixón) nel momentu.
4- Tornar al xulgáu y entregar los 3 papeles, y ellos mesmos te faerán la carta que presenten al xuez pa poder tornar el nome a l'asturianu.
5- Dempués d'un tiempín (15 díes), mándate a casa los papeles cola partía de ñacimientu y el permisu pa camudar el nome.
6- Con ello dir pa la comisaría onde se faiga lo del DNI y ellí facer el nuevu colos papeles que vos dieron, más les dos semeyes tipu DNI.
Vamos lo típicu de renovar el DNI, anque paez ser que tienen que facer nun sé que tipu d'identificación que tarde un par de díes en dátelu.
Pensé que diba ser un procesu abegosu, pero l'Academia mándate en 3 díes la torna, y el xulgáu nunos 15 díes mándate la carta cola autorización del xuez, col que finalmente vas a camudar el DNI y a los dos díes ya tienes el DNI col to nome n'asturianu, asina que merez la pena.
Fonte: Blogue Camudando’l camín
Fonte: Blogue Camudando’l camín
