La casa del conceyu o El casu de les postreres y modéliques (exemplares) aliances polítiques.
Fonte: asturies.com
Pensamientu puntual d'un bonal nestes lides polítiques tan intelectuales y humanitaries elles: Esto bien pue ser la casa del conceyu o tamién pue ser la casa de tócame Roque; o ye tiru por que tócame; o'l cuentu de nunca acabar; o tamién aquel otru que diz que siempres pasa lo mesmu nesti mundu cruel y nun hai remediu pa esti mal; anque tamién podría titulase la política ye asina de guapa; paez que dalgún candidatu aviespáu propón aquello de que nun somos nada y menos en pelota; otru diz que ye muncho meyor llamar a Groucho Marx y los sos hermanos pa que nos saquen d'esti entuertu cabalísticu-políticu con humor anque sía daqué cítricu.
Solución pa esti contuberniu filosóficu aristotélicu-kantianu-maquiavélicu (esti postreru especialmente): Podemos tar énte'l cachondéu más puru y duru, munchu más duru que puru y, nós ensin danos cuenta de nada. Ye como'l chiste del orinal: ye pa mexase de risa y nun echar nin gota. Sospreses danos la vida ...la vida cuasi política.
